自己的聖誕禮物

快樂真的不知時日過嘞~~
昨日逛街空手而回,訂下目標要買件厚褸給自己當作聖誕禮物,順帶往上海作禦寒之用...今日去了又一城食lunch後,在朝著這目標進發的短短一小時內,就給自己願達成了!在買一送一的利誘下,恨恨的重槌出擊買了件褸,見它質料好又半價兼穿上身挺好看,否則如果要以原價購買,一定不會買了...雖則好看,但始終都大出血,好肉痛呢!...=_+

不過,女人天生就是喜歡購物,買完手挽著戰利品回家,總是笑住的走...哈哈!近期橫掃了不少購物商場看到很多美輪美奐的聖誕裝飾佈置,今日在又一城又很想立即拍下相片,可惜忘記了帶相機呢!

今晚本來一家人在家打邊爐提早做冬,陳太一早預備了餸菜但可惜爹哋臨時說今晚不回家晚飯,最後竟然由6 人換來一幕大宴親朋,一圍枱熱熱鬧鬧呢!

High Tea for free

今日跟陳太去了IFC行街,為的是去享用早前因公事在Lane Crawford做闊太時所贈的free High Tea set,以為free的,份量想必不會多,但原來都ok喎,賣相好之餘味道也很好!一張coupon free for　two,結帳時又以為要付加一，怎知也是free!連加一都慳回，真好！那間cafe地方不錯，但神神秘秘的設於Lane Crawford內一角，要左問右先找得到~~



另外，見到那些靚靚的商場聖誕佈置,又忍不住把它影低．．．

公開自己個"B"

*************************************************************
之前見樓盤未開售就不便公開有關照片,現有既然已正式公開發售兼賣了廣告,那就可以放心在此貼上個B的相片了:

Facade

Atrium

Sales Office

Showsuite 1

Showsuite 2

無心插柳

前天做了三件無心插柳的事:
1)見工一年前剛由英國返港搵工時in過一間公司,當時冇被錄用,誰不知一年後,竟打來問有冇興趣作2nd in,估不到世事往往如此巧合,剛好現在失業要搵工,剛好家屋企廚房的鎖事差又不多完工,這公司剛好就打來....就這樣...匆匆prepare一些資料後,前日去了interview!想也估不到這間公司竟然是今次第一份見的工~~
同一個interviewee及interviewer,同一間interveiw房,但對話同感覺就完全不同了~今次較上次輕鬆自然,過程亦簡單好多,可能是我對想做這份工的意欲減退了,這點...從執portfo的認真程度已告訴自己了~~上年目標清晰,好努力搵一些retail industry做,可是事與願違,註定我要在inti & arch field打滾,好了...到今次轉工,自己竟然想做retail工的意欲減退了,經過一輪思前想後,反而想搵arch firm嘅post喎!大抵是剛做完一個大型樓盤的project,原來自己一手一腳完成大scale的project後,眼見自己個B面世,靚靚的刊登於樓書中同電視廣告雜誌中宣傳,兼且日日有幾佰人入場參觀,這種滿足感跟設計給single user比較,真是興奮百倍呢!
無可否認,亦這份工帶給自己許多辛酸,亦相對地帶給自己很大的滿足感~~奈何因某些原因不能再合作下去,是可惜的...唯有希望下一份工也能做到稱心滿意啦!
2)原本打算見完工後約了舊同事在舊公司附近拿東西給我,匆匆聊了一會就搭車去拿禮品,上了車後又給同事叫回,說有另一樣東西給我...原來是...我個B的出世紙>>售樓書!雖然印刷一般,但終於看到並可擁有一本,真的是多謝露芙同乃寶的幫忙,要不是一個幫我悄悄在公司copy個B的相給我,一個恰巧接替我做澳門個project而上午正正到過site給我多拿一本售樓書,我都冇機擁有它呢!Many thanks.
3)收到第一份聖誕禮物之前幫Client買嘢時做了不少公司的vip,早幾天收到其中一間高級餐具公司的職員來電,通知有份x'mas gift送給我,於是返完舊公司後便須道去了太子大廈取它的gift,原來是一套christmas'06限量版的mug同plate,都幾靚呀~~真是多謝!最搞笑的是事間都三個月了,但那兩個sales竟然在我剛踏入門口已經認得我呢!原來做便宜闊太都唔錯,有禮物收之餘又被殷勤款待....哈哈!

掌相

剛在另一個部落看到:

"還有是雙川字掌, 聽說女人有此掌者, 命甚硬也,辛苦命也."

死啦...我自己都是雙川字掌喎!怪不得是辛苦命,成世都勞勞碌碌啦~~=.=

黑仔

唉...激死啊!唔知做乜,早兩三日想用個CD-ROM load隻disc準備執portfo時,好日唔用,一用就壞咗detect唔到個driver,試過restart了好幾次仍然無動於衷,根住連忙上IBM webpage看看有冇troubleshooting或tecnical suppoort,找了好幾個小時幾乎每項有關本身型號的F&Q都看過仍然找不到解決方法,想直接致電維修部昤已過了辦公時間!!家裡的IT部主管又失蹤了好幾日,到昨晚終於見到主管,佢又話detect唔到多數壞了,買個新的算了!!隨隨的敷顯幾句就要拿出仟元買新的driver,當然心有不甘啦,唯有等到今天辦公時間再打過去IBM進一步證實一下先再作打算!~~

到今日打去問,先發覺原來部notebook的warranty早經過期,所以就算拿回IBM check,都要收費!解答問題果個姐姐說的叫我試用什麼boot機碟去reboot部機,check下是否windows問題而不是CD-ROM問題,唉...我鬼知點boot咩!...=.=

真是黑仔,都已經冇收入,現在還要無端端破大財,正一"乞衣兜拿飯食".....唉....激死我嘞!!!

轉載文章二<<暗示>>

愛一個人，總會經歷這個階段，那是彼此之間好像甚麼也沒發生，但你癡癡地相信其實一份愛戀的感覺卻又不知不覺地醞釀。即是你喜歡從她身上尋覓一些愛的暗示。你告訴自己，女孩子開初喜歡一個人，她是不會坦白明言的。但從她的說話和行為，字行間，眉梢眼角，總會留下索讓你猜到她暗暗流露的愛意。那是愛情萌芽時候最引人入勝的地方，一切都是只可意會不能言傳。你只要有幾天沒有找她，她會先撥一個電話給你，電話中她的語氣有點嬌嗔，她其實很想知道你這幾天去了哪？但自尊心強的她又不肯直接問你，她反而洋洋自得地告訴你，沒有你這幾天，她樂得清靜，你懶洋洋地回答：「是嗎？那我不打擾你了。」你佯裝收，電話筒那邊的聲音微微顫抖：「你真是這樣想嗎？」她失落地問道。「當然不想，我怎捨得你？」你知道這時候還是要給她多一點信心，她已經給了你足夠的暗示，暗示她是如何的緊你，你再裝扮懵的話，愚蠢地白白糟蹋一段大好姻緣，只會後悔莫及。然而，情人之間只會在愛情開始發生時才會喜歡互相暗示，大家都沉醉於一份矇矓中猜度對方心意的滿足感。沾沾自喜一切都是緣份天注定所以才會如有神助，心靈相通。凡塵俗世，對方終是最瞭解自己的一個。但熱戀過後，暗示再出現得最多的時候，或許又是一段感情步入結束之路。佳侶頃刻變作怨偶，感情開到荼靡，誰都不願作醜人先說分手，唯有各自做出不愛對方的暗示，希望你心領神會，知難而退。可笑的是昨天還常常炫耀跟她心有靈犀的你，今天卻情願扮作對她全不瞭解，你不想明白她的暗示，因為只有這樣，你才能逃避最後跟她分離的結局。[ 錄自蘋果日報 ]

***轉貼自http://forum88.yukz.com

轉貼文章一

剛看到一篇測試如下: (***轉載自uwants.com)

愛上一個人的８個預兆:
　
1.當你正在忙時，卻把手機開著，等著她/他的短信.. 你已經愛上她/他了 　　
2.如果你喜歡和她/他兩個人單獨漫步.. 你已經愛上她/他了 　　
3.當你和她/他在一起時，你會假裝不注意他，但是當她離/他開你的視線時，你會急著尋找她/他... 你已經愛上她了 　　
4.當她/他受傷或生病時，你會很關心她，替她/他著急.. 你已經愛上他了 　　
5.當她/他和別人要好時，你會感到吃不知其味... 你已經愛上她了 　　
6.當你看到她/他那甜美的笑時，你的嘴角會揚起一絲得意的笑.. 你已經愛上她/他了 　　
7.當你看到這篇文章時，心裡想到某個人 　　
8.當你看到這篇文章後，不回貼將會一輩子沒人愛，沒人疼，沒人陪，沒人關心，沒人照顧！！

中晒嘅請你去追求他/她吧,加油!!

自動播放的回憶片段

今早...啊,應該說是昨早了~~昨早肚睡得不太好,今早9時未夠就醒來,一張開眼,大腦自自然然浮現了一個人>>>就是他!記得每每定期都會夢到他,想想對上一次應該很久前了,今次反而不是夢見而是不其然出現於腦海中,再想想,過往的一段段回憶在腦內隨隨自動播放著,就在大清早躺在床上賴床的短短十數分鐘,感覺好像一次過rewind了年少時的戀愛史一樣,也像人家醉酒後第二朝醒來想起昨晚發生過的事的情景,自己都回心一笑,好搞笑呀!

連日來一直擔心著一件事,終於得了解決的答案,原來是虛驚一場,現在可
謂鬆一口氣了~~

今日整天待在家裡,心想出街逛逛但又懶得到處跟人迫,加上逛街想必買東西,所以還是留在家做點事,看看電視好了~~晚上從電視中看到歡樂滿東華yumiko甩褲的一幕,真是替她慘呀,當著幾百萬人收看的直播節目前出醜,多尷尬呢!明天定必做娛樂頭條了...話說未完,細佬上網立刻找到有關短片,不得不讚一下香港人的傳播速度及效率極高,才在一些網站看完短片,轉過頭已給人刪除了!想必是某些有關人等下令阻止這段醜聞的流傳罷了...

聖誕婚禮

考慮了幾天,昨日終於把心一橫...去出機票了!雖然錢包少了個$有點肉痛,但今個聖誕總叫有外遊的機會,到上海出席朋友的婚禮~~上次因公幹到上海逗留都不過48小時,根本都未有機會把上海市看得真呢!不知臨近聖誕結婚,會否多添一份氣氛呢?

聖誕裝飾

這兩天的感冒徵狀好像又嚴重了,鼻子塞到抖不倒氣兼流鼻水,整個人都好攰沒精神似的,好辛苦呀~~

每逢christmas各大小商場必定滿佈聖誕裝飾,前兩日逛朗豪坊同奧海城都時不忘拍拍照,兩個商場都佈置得好靚好有氣氛,非常熱鬧~~

呢兩日突然間心裡覺得好有罪疚感,因為數數手指,原來沒有工做都一個月了,但總好像沒做過什麼有意義有計劃的事,假期...就真的好像假期似的!不工作的日子跟忙同樣過得快...時間總是不夠用,懶了一個星期,又想多懶一個星期,由起初不習慣放假到現在想繼續放假,假期原來真是沒有人嫌多的...恭喜呀自己呀,終於可以調節到不習慣沒有工作的日子了!

好...下一步,就是要set個可行的schedule,迫自己搵工了...

香港購物的嚮導

慘啦,早前沒有了9磅,現在回來了!近日照照鏡摸摸自己的臉,感覺臉頰圓了,尤其是剪了一頭短髮後,沒有兩側的"的水",將大大塊的臉完完全全暴露了出來,總是看自己不順眼呢!

一連兩日當了zoe的嚮導,四出購物,由CWB到TST,由TST到MK穿梭各購物商場,眼見佢地大手筆不停買買買,自己就"有得睇冇得洗",真慘!由於佢地專程來港辦嫁妝關係,這兩天買得最多就是珠光寶氣,幾萬大元係咁擦卡擦卡,其次是衣服及化妝品,終於明白為什麼香港政府大大開放內地自由行市場啦,佢地真係花$花得好豪爽呢!難怪要say "welcome to HK!"啦~~

這兩天除了在他們購物時充當翻譯外,也自自然然地用上了許多英語,算是返香港後說得最多的一兩天了!真是麗音廣播似的,不知怎的,街上別的HK人見我明明是HK人,但用英語跟兩個也是中國人溝通,都投以奇怪的目光,弄得我有點尷尬呢!其實是他們覺得我們怪吖,還是我自己覺得他們怪呢?!...不過諗深一層,自己在香港地也很少如此流暢地說得滿口英語,可能自己潛意式把跟zoe見面地點當作在英國罷了,所以沒太在意身處的其實是香港呢!

不買不買還忍不住買了個些東西,唉!只是pre-sale期,都未到x"mas crazy sale已經心思思購物,再過多兩星期如何控制自己的購物欲呢?尤其現在是經濟緊撮期,只有出冇入,花一元就沒有一元了!...求神庇佑也不會有$從天而降,還是迫自己認認真真搵工好了!

相比起上個weekend,今個weekend出奇地清靜,沒有人找我呢!莫非瘦田耕開冇人爭?!

男仔頭

今日一日內跟三個人通了三個電話,好開心呀~~

一直說要搵工前剪髮,可是總是忍著懶得行動...昨日終於去了Salon,剪了一頭短髮,感覺看似剪得更短過前兩次呢!真的要多謝髮型師哥哥,告訴他剪短,怎知他真的幫我越剪越短,還讚自己把我剪得越見"靚妹"喎,激死!看來不止自己把頭髮剪短上癮,就連他都越剪越上癮~~今次把我剪到覺得自己有點似"男仔頭"!

接著去了影證件相作搵工之用,以為在專業晒相店影的相質會好些,但這相店用的是數碼相機拍,心想若不是為了它的專用相紙同沖印藥水,我自己在家拍都可以啦!反而覺得那些沿用菲林相機拍出的證件相質數還要好呀~~今次影的質數相當麻麻!

繼WinWin後,早兩晚又收到另一興奮好消息>>>Zoe同佢未婚夫今晚來港旅遊兩三天啊!這正是個週末好消息,適逢weekend媽咪返大陸兩天遊,屋企沒飯開自己暫時又沒有節目,所以Zoe來港相聚,作導遊之餘亦為自己安排節目,一舉兩得!不過可能因為近日天氣轉涼,晚上瞓覺時著涼了染上感冒,喉痛噴嚏一齊來,整個人都好攰呢!希望不用探醫生啦~~

澳門海擎天特約廣告集誌

嘩...好嘢!昨晚miss咗,今晚終於看到自己個仔出世嘞!!

之前在澳門做咗8個月嘅樓盤海擎天,在TVB今個星期一連五晚11pm的廣告集誌內播出,名為"澳門海擎天特約：享受澳門生活至高點",原來就係之前有次同個客開會時見到蔡瀾,相討有關贊助同宣傳事宜果個節目~~個節目由阿蔡生負責介紹澳門新生活同當然主打為個樓盤賣廣告啦!...但可惜段片一分鐘,但自己個仔>>>全個場景包括兩個示範單位,前後播出都不到三十秒!好彩都拍得不錯,不枉我日行夜行行足個幾月為個單位裝飾同陳設~~~雖然個job已經完成同已經離開呢間公司,但現在切切實實咁看到公開面世,賣廣告兼放盤,日日不段有人參觀,果種滿足感真係無比興奮同難以形容,努力了8個月的成果實在沒白費!亦都給自己證明當初做到好咀喪嘅工作低潮期,人人問為何不辭工,自己仍堅持要把這個job完成才安心辭職的決定是對的!!為此,曾經質疑過自己對這份工的執著同堅持,質疑這是對與錯,質疑自己的工作能力同信心...今晚之後,答案統統都解開了,感覺輕鬆了!

話說回頭,離開這公司後一直都不敢對自己承認對這份工的喜惡同眷戀,大抵是它在工作上為我帶來了我很大的滿足感罷...又愛又恨呢!今日下午又因為它,還收到好久沒聽到"陳小姐"的稱呼呢,感覺好親切呀!

失眠+b

現在是凌晨2:06am了,明明已安躺了但又瞓唔著,何解呢?!...結終都要爬起來開開電腦上上網,難道深宵的時間特別好用嚒?還是我的失眠期又返來呢?...

查看一下先發覺自己冇工做後寫部落次數回升至上年年尾,差不多日日update,但其實又真是好似有講不盡的心聲喎~~想想如果這個google blogger唔"執笠",他日自己再翻看從前記下的軼事,都不錯吖!
,
昨日去元朗探探剛生完bb同搬了新居嘅朋友,佢已有個兩歲多嘅女,現生了個男b剛湊成一個"好"字,見佢一副滿足的模樣,多幸福多感動呢!看見可愛的bb,自己霎時有一刻衝動想做人媽咪感受一下那份喜悅呢!不過安靜過後,這種念頭立即打消了,因為...照顧自己就可,但照顧一個新生命,自己心智同能力還沒成熟呢!況且...自己一向都不是個不切實際人有我有的人,有這衝動實是隨便說說罷了!...

有意思

從一個部落中看到一這句話,蠻有意思:

"其實人生的路還是一樣的長, 不會因為多一個人或是少一個人而改變。只在乎你選擇怎樣去走。..."

一連串巧合的"烏龍"

上次見WinWin已是一年前臨返HK前的事了,今次見面感覺一如所料好興奮呢!可惜因自己"大頭蝦"將佢HK mobile no.只記下7個digits,根本就打不通,結果弄出一連串"烏龍"來!

>>>等到evening終於來電,見有來顯示就扮醒目冇記下之餘又冇約定等候,只是約定大概時間到時再電話聯絡!=_= 好衰唔衰,就在這天特別多朋友打來,收線後接著是Eva,然後...就感到意外地收到一連兩個朋友嘅distance calls,一程地鐵由將軍澳到TST嘅時間就傾足兩個電話!傾到中途更換電話卡再傾,傾到忘形!連因換了卡,直到想打給WinWin先發覺原本記錄在call history嘅number一併洗去都完全忘記了!!心裡慌著急著,失了number又如何找到她呢?!唯有先會合小Lin同meiling待WinWin主動打給我~~等到差不多9點還沒打來,試過就著那7個numbers加個數字續個去撞,可惜沒有一個是對的!最後唯有碰碰運氣走到地鐵站找她,都是找不到!好彩最後都收到WinWin電話,見到果一刻猶如電視劇中男女主角橋段般拿著電話在人群中相遇相擁!非常搞笑~~~

其實兩個來電其中一個總是來得叫人意外,永遠都在冇expect的情況下打來~~難道真係要時時平常心去對待先可?!...Why??不過這感覺好insecure呢~~

突然繁忙的星期六

一時成個星期冇人找我,一時又不約而同地找我去街街,真奇怪!

前日原本只按原定計劃,先是lunch同cc couple同tazed唱k lunch,晚上同WinWin食飯...揀了全線最平果間TST Neway都只係$36位+10% service charge,較而家一般時段唱k嘅價錢真是很划算了!最搞笑係大家都貪睡遲遲未到,成1點先開始點歌同點餐,結果趕到大家在兩小時內好似要爭歌唱呢!可惜珍珍趕不及到來,少到一份喧鬧聲之餘還要多付一份人$!!不過玩得好開心,因為都好耐冇唱K了...

唱完K又未等到Win Win電話confirm食晚飯時間,無聊下就俾雀精cc慫恿到老遠彼得家打麻雀邊等電話~~不久反過來收到小Lin電話約去唱K,怎麼搞...剛唱完又再唱?!過了k lunch又貴又唔抵,所以還是改約食飯~~其實一向都對賭興趣不大,加上打十次總有八次輸$,所以....偶爾玩玩就無防! 原本預算打到差不多時候就走人,由tazed來接力...在頭兩圈本來還贏$,可是"臨尾香"一鋪打出輸給阿雀精自摸爆棚,結果三圈未打完就輸回還要倒輸!激氣呀!等不到WinWin電話以為約不成事,誰不知應承小Lin食飯後準備赴約之際就收到WinWin電話,心想"god,玩嘢咩!"一邊約了小Lin不想失約,另一邊又不能推掉好難得可以見到的WinWin...進退兩難下唯有要佢地一齊食飯好了~~雖然有點怪,可以ok吖,反而自己感覺好得意同開心,因為同兩群不同時期不同地域認識嘅好友,在同一時間地點相聚,實在奇妙!

一時間太多東西想講了......想想再寫過~~

綜合心理測驗 Version 1.0

剛玩了小lin提供嘅一個test,結果都有一半半準喎~~

測驗結果:

個性: 你有很好的平衡感，偏重邏輯式的思考方式。在想要某東西之前，都會冷靜的判斷自己的經濟能力。你不會勉強的貸一筆鉅款去買房子。你是一個在心智上完全臻於成熟的人。每天精神奕奕、充滿自信，同時又很受到朋 友們的信賴。但是相對地，你對日常生活乃至人生的態度稍嫌嚴肅了一點。或許是因為 你給別人的印象就是如此，而你也刻意地去表現出這一面。不過，如果你能更加任性點 ，偶而輕鬆一下，不要固執地想要一直去扮演完人的角色。說不定反而能提高你的聲望也說不定。 你是那種即使明知道吵架是自己的不對，但還是 有意無意會把責任推給對方，彆扭地不想認錯，你是那種稍微低頭也不是很願意的類型。你是個很浪漫的人，生活態度也像夢般的虛幻。對錢很不在意，只有在感覺錢是很重要的時候，才會加以儲蓄。對金錢的運用漫不經心，常會丟掉錢包，借給別人的錢也常常會忘記。由於你浪漫的個性，所以不要等到要救急時才存錢，更要有計畫的管理錢財，這樣對你才會有幫助。你是一個有自信的人，雖然你不是做到態度上的咄咄逼人，可是只要你堅持一個想法，無論別人如何去唆使、蠱惑你，你都不為所動，不過這不代表你是剛愎自用的，相反的，你很喜歡聽到別人對你的建言，是一個很不錯的人喲！你是個講理的人，希望能好聲好氣與別人商量事情，基本上，你彬彬有禮的態度，通常都可以與人為善。但這世界上還是會有一些說不通道理的惡霸，這時候，你也不會被嚇得退縮，你會去找合乎法律程序的途徑來解決問題，讓人家輸得心服口服，你的柔性兼具理性的策略，總是可以奏效。這是非常小心謹慎的人， 不會為了感情而衝動的作出冒險的事，所以深得部屬及晚輩的信賴，是一個合理主義者，但小心別一味的我行我素，這會使他人無法跟上。你的個性保守,相當重視道德.因此這種類型的人很重視自己的想法,不勉強自己與他人交往,有頑固的一面.你能擁有一份可以發揮自己專長的工作,逐步完成自己的夢想。還有，你脾氣變化無常，有興趣時，能認真踏實做下去，一旦失去興趣，就會對所做的事感到莫明其妙，予以放棄。

愛情:你的感情表現常常是勇敢、開明、自由的，因為你非常的坦然，因此從來不喜歡猜忌或懷疑別人對你的態度和心意。你對人有很好的包容力，如果遇到實在不喜歡的人，採取態度是迴避，不會直接衝突。暗戀是你最拿手的戀愛方式!永遠只在遠遠的地方看著心儀的人,幻想著有一天他會主動來約你.愛他就要勇敢說出來!加油唷。你一但真的愛上對方就會變的有點痴呆，可以說是對戀愛的掌控度非常不拿手，雖然你平常能夠很厲害的抓住異性的心，可是，一但在心儀的對象面前，就會變的有點笨手笨腳；而且會因為太緊張，而無法表達自己，不過這也許就是你可愛的地方也說不一定。在一旁等到沒人時才上前去欣賞那幅畫，正是屬於等候型的人。這種人只會傻傻的等待机會上門，不會自己去尋找，因此常有眼睜睜看著心上人被人搶走的經驗，真可憐！你喜歡比你年輕，可愛而嬌小的異性，戀愛時會樂於工作賺錢。男性會喜歡古典型，順從丈夫而文靜老實的女人。你的個性還蠻活潑的，對於感情，也比較傾向直來直往的方式，所以，你的感情常在哥兒們環境醞釀，和情人一起，就有如和朋友一樣輕鬆自然，是對打打鬧鬧的歡喜冤家。你會使用柔性策略來誘引愛人入甕，因為你知道太過強硬只會造成對方的反彈，就像是無法吹掉旅人外套的西風一樣，你寧願散發溫暖的光芒，讓愛人衷心願意留在你身旁。不過，你也是非常講理的人，只要是必要的活動，你不會限制對方去參加，而且願意成為支持者，真是個明事理又貼心的理想情人啊！你會因愛人的言行舉止，而產生許多迷惑，你不能肯定他是否真心愛你，也不知道愛情會延續多久，所以你時常為了這個問題而煩惱不安，其實你不必這麼懷疑對方，應該以信心和誠意來對待他，才能共創永恆的愛情。你是穩紮穩打型的人，雖然你對於婚前的性行為，不會採反對的態度，但是你一定會再三確定對方的心意，才肯去付出，雖然你對失去對方，不會有太過激烈的想法，但是只要曾經是屬於你的，你就會一直堅持下去，不會輕易變心！你給異性的感覺是個喜歡交朋友的人，所以跟你較相近的對象也應該是個悠然自得、懂得享受愛情的人。你們兩人很可能成為令人近羨的鴛鴦夫妻。這種注意格調的人，多半都是注意外表的人。你是否會認為沒戀人是件很沒面子的事呢??而當你到他家作客時，由你所在意的事情便可以看出你是否真的喜歡他。你從某方面來說可以算是非常理性和冷靜的，嫉妒心非常的薄弱。

事業:看來這裡面最聰明的就是你了，你是一個有城府的人，做什麼事，都會經過詳細的計算和籌畫，可是最不按牌理出牌的人也是你，可能在笑臉的背後，隱藏著什麼重大的陰謀噢！可是你把全部的聰明全放在人際的周旋，相對的，卻對業務上的助力短缺，小心聰明反被聰明誤！你有點太高估自我能力，認為自己才能足以領導大家，很嚮往得到有權有名的滋味，也花上許多時間去爭取，得到後姿態擺得也粉高，卻不知自我才能其實平平，根本無法服眾，這點需要注意。

人際關係:你天生愛自由，富冒險精神，極具勇氣。在有學識和才幹的條件下，往往甘願冒犯險境，難度愈高愈想挑戰。此外，喜歡獨立行事，能寓 工作於娛樂，卻不能長時間安於一份工作。由於頭腦靈活多變，創作力強，是從事廣告或設計的理想人選。你很懂得生活享受，無論是苦是甜都能出箇中滋味。你善守中庸之道，希望和朋友的交往是有節有度，不會太過親膩，也不會太疏遠。因為你是很實際在考量和朋友之間的分際，一般而言，朋友是很有用處的，俗語說出外靠朋友嘛，可是你又覺得有時聽多了負面的例子，也有可能被朋友陷害利用，還是要謹慎小心，別被人家當成無辜的肥羊痛宰。

開心的鎖事

今日有兩件開心嘅事發生:

1)心思思咗兩三個星期想買嘅boots,今日終於買咗嘞!! ^.^

2)意外地收到一個電話,好開心呢!

***1)買對好幾佰蚊嘅boots對在職時來說,其實都不算太貴,一定二話不說就買下,但諗到對於現在失業嘅我,不急於用的東西理應慳得就慳,所以內心掙紮了兩星期,但始終心思思好想將它擁有~~結果今日行行下又行返到果間鞋店豪氣地將它買下!! 可能連月來因工作關係購傢俬飾品都看慣了至少4位數嘅價錢,所以到自己購物時看上3位數嘅心頭好,心裡總是覺得"都不太貴啫!"!@.@...真係出事了!換著以前,看上一仟大元嘅手袋服飾,就算有多鍾意,都根本唔會俾自己考慮去買,情願用同等價值去分散投資買幾件東西,但現在怎麼搞自己對物質嘅價值觀好像大大提高了呢?!

***2)滿足地挽著戰利品回到家,想著獎勵自己之餘,就決心要坐定定盡快執好portfo搵工(哈!這句話好似足足講了一星期還沒有實行!)正當坐言起行,開電腦不到5分鐘,收到一個withheld嘅incoming call,一傾就傾足成個小時,挺開心啊!......都唔知點解,對事件冇期望時,往往它就特如其來! 這就叫做驚喜麼?年紀大了,不想總是期待過後才出現驚喜,有時反而喜歡平淡的相處方式,至少失望嘅機會冇咁大~~

總之...隨緣啦!
____________________________________________________________
***借位小通告一則:
受人所託,事日宣佈Rayball姐日前已返港了,惜近日忙於家事至年底,未能一一聯絡各方好友,不便之處,敬請原諒!

哈哈,如有要事,可在此留言! (joking)

失眠

成晚瞓唔著眼光光,躺在床上輾轉反側~~於是忍唔住凌晨兩點幾起身睇咗套戲,居然睇到四點幾都未見攰,近大半年都只會唔夠瞓,真係好耐都冇試過一整晚瞓唔著,真係...."失眠"嘞!

不知怎的...

今後終於感到冬天嘅寒意,不過...可惜下雨吖~

本來的起心肝計劃今日執portfo可以早d搵工,誰不知...朝早起身不久,裝修師傅話話會全日停電接駁電路,不單止冇得用電腦,連電視冇得睇電話冇得打,同天陰陰燈都冇得開呢!搞到我突然唔知做乜好!! 結果同阿媽出街無聊咗一個下午~~

呢兩日除了有朋自遠方來嘅消息外,心情都不太好,不知怎的...滿腦子總是想著這想著那!而家先發覺早前忙到要死原來都有好處,至少冇時間諗些無謂事,由得事事隨隨而過,少點煩惱!

唉...究竟如點先可以控制唔想咁多呢?!....

***yea..今日終於取回張新八達通卡嘞...不過七折八扣後足足冇咗$120呀,真冤枉!

灰色中的興奮

昨晚終於恢復上網嘞! 發覺原來現今世代冇咗電腦上網嘅科技真係好唔方便架!

近日接二連三咁收到遠方一些好消息,繼一個在UK讀書時識嘅好友Zoe12月結婚好消息後,早幾日又突然收到老友放假快將回港嘅消息,到昨晚一上網,竟然遇到另一個UK讀書時識嘅好友WinWin,原來佢將會因工作來港數天,聽到呢個消息不知幾興奮,因為自我返港生活後,大家都足足一年半冇見面了,同Zoe嘅情況一樣呢!WinWin係一個土生土長BBC,雖然香港都有親戚,但對佢來說在冇原因下來港的確係一件好遙遠嘅事!今次剛好佢因最近當上了空姐,因工作而須定期來回飛LDN-HKG,真係一個好機會好讓大家相聚,最開心嘅係.....兩個chinese在UK見面無數但從未在香港遇上呢!所以真係好期待,感覺一定好funny!

有時覺得命運嘅安排真係好奇妙,以為分開後都冇乜機會再見了,無論友情感情親情亦如是....但冥冥中就自行安排好會再遇上似的!好似除非會再到UK,否則冇諗過會在自己嘅地方同WinWin見面;除非到上海旅行,否則冇諗過會在短期內見到Zoe;除非老友因某些突發事,否則冇諗過會在一年內再見到對方.....但這些這些都恰巧一連串發生.....為近期不太好嘅心情增添了衝擊,加了點喜悅!

廚房的煩惱

不經不覺冇做工已經第三個星期,由最初非常唔習慣唔駛返工,朝朝未夠8點就自動醒來,到最近終於開始習慣到瞓晏些小嘅時候,碰著屋企廚房動工拆牆,結果都係要迫住朝朝9點鐘就起床了!

整整一星期冇update blog,看似忙著忙著,其實都未開始搵工呢~~連日來總是為著廚房嘅事安排這安排那,雖然只係一個廚房,平日為公事替人家design,畫圖揀material,甚至site supervision都冇覺得咁麻煩,反而今次為自己屋企個廚房做點事就覺得好費時~~唔知咁係咪等同於小時替人補習嘅理論>>>替陌生人補習賺的錢總是替親戚易呢!

另一邊廂,因為廚房裝修須重鋪電路,師傅不知怎的弄斷上網嘅電源,屋企嘅電腦部主管又失蹤了好幾日,自己試著弄又整不到,結果冇得上網好幾日,甚麼有關通訊嘅事都做不到~~

如無意外,希望廚房事可以今個星期settle好,然後可以集中火力開始搵工,畢竟而家都快要12月了,年尾真係難d搵工~~還有,要好好計劃好下一步,放低一些事,收拾心情重新努力面對另一些新事....好啦....努力呀!

免費的一場戲

今朝踏正9點就被樓上裝修發出嘅聲浪嘈醒,真可惡!下午帶著headphone聽歌都仍然擋不住那煩厭的鑽鑿聲....死啦,過兩日輪到自己屋企廚房拆牆,那不是還更嘈得要害?!

夜晚同cc & tazed睇"妄想",都係彭氏兄弟一貫驚慄片作風,不過好似無厘頭嘅笑位多過驚嚇!阿Sa做個角色都做得幾好,相反Isabella就......好彩張票係人地贈送啫,如果唔係要俾$入去睇都幾無謂~~

越夜越美麗

越夜越美麗,當夜闌人靜,身邊所有人瞓晒,一個人時嘅空間真好,可以想,可以講甚至寫......好鍾意可以"慢"嘅感覺~~越來越愛上"夜"!

最近發覺自己慢嘅反應越見明顯,好似話想寫低早兩個月嘅事遲遲都未願執筆記下;上月底去完Phuket返黎嘅相同十日前去完大嶼山玩嘅相,三幾日前先upload好上web album! 書枱上放滿東西亂七八糟;剛過去嘅週末去東平洲嘅相...都沒有做好!連最緊要嘅搵食portfo都未開始整理!但時間就愛理不理地溜走~~~

重臨東坪洲

前晚同班朋友仔約埋去咗"儂"食晚飯慶祝阿丁丁生日,味道一般,但一圍枱聚埋一齊說笑話當年,挺開心呢~~

晚飯後去飲嘢直落到兩點幾先返到屋企,唔知點解竟然躺在床上輾轉反側老是瞓不入眼,3點望望鐘還是"眼光光"的!最慘係...7點未到就要起身出門同朋友仔去東坪洲一天遊!繼早前天天3點瞓7點起身過澳門嘅生活後,呢趟去玩都算係最早咯!

昨日天氣都算好好,只係冇太陽時風較大,尤其近黃昏時份回程時,在碼頭等船時簡直在"食"風,吹到人都震晒,好彩早有準備帶備scarf旁身~~不過可能都係被寒風吹到著涼了,晚上感到喉嚨不適似感冒初起,跟住即刻食藥瞓覺,今朝瞓醒感到好得多了!

話說回頭,今次再去東坪洲,感覺跟三四年前好唔同,成個島嶼好似被污染了好多,雖然近岸海水仍可見清澈,但同時間垃圾到處飄浮,著名形狀特別嘅天然岩石也好像沒有從前般美,遊客多了係被污染的其中一個因素吧~~不過仍然很喜歡往離島郊遊嘅感覺,好relax自在!

失而復得

哈哈哈哈!!好開心呀!~~老天爺唔知係咪可憐我為咗唔見card holder而唔開心咗兩三日,今日竟然俾我失而復得喎!...

諗咗好幾日都對何時何地遺失毫無頭緒,但今朝起身,竟然唔知在什麼情況下睇到一張在supermarket嘅receipt,仔細發覺原來係用八達通付款,仲要係發覺唔見個card holder前一日嘅,咁就否定咗係在大嶼山返屋企果晚遺失嘅可能!同時縮窄咗唔見嘅時間地點範圍,於是走返去果間supermarket碰碰運,問下個職員有冇人執到~~~因為都事隔好幾日了,職員嘅答覆都如我所料>>>未有人同事執到!但佢都好好咁叫我留低聯絡電話,待佢詢問其他同事後再給我回覆!咁我當然預計執到嘅機會好渺茫啦!嘿...世事就往往如此,正當我打定輸數連八達通卡都支報失埋嘅時候,正在悠閒地歎下午茶時就收到supermarket嘅電話,通知我真係有同事執到,然後簡單向我查問一下card holder內嘅物件就叫我去領回!~~果一刻嘅心情簡直比執到"金"還要開心,原來失而復得嘅心情係咁開心架!媽咪見我收線後嘅心情興奮得彈起嘅模,就不肖一句話我個人就係咁,為咗些少事就好容易開心唔開心一頓~~又真係喎,我就是如此一個喜怒形於色嘅人呢!好小事都可以開心一番,又可以為咗一d事而滿面淚水,自己諗落都覺得搞笑!

可惜...因為張八冸達通卡已經報咗失,報失手續費加補領一共要多俾120大元,真係破財擋災呀!明知人地而家失業啦,仲要破財先安樂嘅!!

雖然我唔算一個大貪嘅人,但唔知會唔會有另一個失而復得發生呢?!

遺失啟事

嗚嗚嗚嗚...好唔開心呀!!我唔見咗隨身攜帶嘅card holder呀!!! =_=
入面除咗一d朋友卡片外,仲有用咗10年嘅個人八達通卡同d VIP卡,搵咗一整日都搵唔到,嘗試重溫最後一次用嘅地點同時間,可惜都係記唔起!唔見咗d卡片,八達通卡都事少,最慘係唔見咗三張好有紀念價值嘅舊相片,好珍貴架,三張都係得一千零一張.....唉!好好唔開心添.......................

如果冇記錯,最後一次用八達通卡應該係兩晚前搭7號巴士由TST返家,全而家屋都搵唔到,最有可能遺失嘅地方就係落車時唔見咗...other than that,真係毫無頭緒~~~~~

究竟o係邊呢?!?!激死人嘞!!!!!好忟呀!!!

期望=失望+失落

竟然11月香港都仲有風球喎,真係難以置信!

原本諗住呢兩日趁多番d時間,想寫番終於完咗澳門個project嘅所感,但唔知點解今日好冇mood,成日有種好耐都冇試過嘅失落感,其實為咗咩自己係知嘅,只不過...唔想俾自己清楚咁承認因為呢件事而心不在焉足一日!~>~

等待嘅感覺最近有三兩件事上都試過,某程度上每每都抱有失望,甚至乎失落-_-...其實等待同期望係咪掛鉤嘅呢?!對人有期望往往都變成失望...

雖然上個星期終於有假放,去咗旅行充電,但...可能真係好一段日子活在緊繃繃嘅生活中,所以到咗真係可以放鬆嘅一刻,其實都未能真正咁休息,腦仍然想東想西,心理仍然緊張...幸好身體上可以真正休息一下~~

期待下一個悠長假期呀~~

重開

停咗blog三個月,终於有時間重開嘞!重開....換言之,係有返私人時間,只因...quit咗份困身嘅工囉!
呢幾個月發生咗好多野,其實好想寫低好想講,但一直都冇時間!!

由8月頭放咗三大日假後,就一直咁做做做,做到趴咗o係度!!一日做足最少15個鐘,最高峰期係一連7個星期,一星期7日冇休息過,,日日係咁OT OT又OT,晚晚搭的士返到屋企已經凌晨兩三點,瞓得三個鐘就一早起身趕船過澳門開工,到黃昏人人收工先趕返公司做paper work,日日如是,呢段日子真係好難過!做到成個人好盲目好攰,感覺返工都唔知為乜,辛苦講又講唔出,其他人眼見嘅根本唔會明白亦冇辦法理解,只會問既然做得咁辛苦,點解唔辭工要搞到自己咁....

有時...一個人做到好攰時真係好想大大聲聲咁喊出黎...mentally已經做到好"頹",physically仲要因為工作日夜東奔西走頻頻撲撲,搞到雙腳癆損出現問題了,到而家porject完咗仲未好番,唉...睇黎手尾長了!

一個正常打工仔一個月嘅working hours係大概176小時,但係自己單係9月份都已經做足405小時!!自己睇到都very shocked!!仲要身邊一個一個人咁同我講,明顯地覺得我消瘦咗好多~~於是一秤之下,原來在短短一個月內輕咗足足9磅呀!估唔到不經意地可以冇咗個肚腩仔同包包大面,都唔知算唔算好事,體重回落到去英國前呢!

呢兩個月間發生同接觸嘅事太多了,過後再想回憶番然後記下來又冇咗當時嘅心情再也不能盡錄...往往都係咁,人生總有一些遺憾!

咁準嘅!

整體運：★★
這個月的你工作壓力很大，不是老闆的故意挑剔，就是糊里糊塗的不知為什麼出差錯。一切都不在你的控制之中，有任人擺佈的感覺。因沒日沒夜地工作造成飲食不正常，甚至讓你的健康亮起紅燈。必要時請做些適當的放鬆，才不會因身體的不適和心裡的不開心，影響整個人的運勢。

愛情運：★★★
單身的金牛座，似乎沒什麼事情需要煩心，所暗戀的對象稍稍對你一個似有若無的眼神或是動作，就讓你的心情七上八下，很想放棄這種惹人的相思之苦。

投資理財運：★★★★
你偶爾會因一時的興起，忘記了經濟上的小小拮据，而打亂了原本規畫好的金錢使用方式。但是如果是為了要讓家人有比較優渥的生活，那麼就只好犧牲一下自己了。

解壓方式：旅遊旅遊地點：北歐或俄羅斯


************************************>Bingo!!!

(source from sina)

機能衰退

內部機能衰退,關門大吉兩個月............................................................

終於......放假了!

哈哈哈...今個星期有喜又有悲,先苦後甜又再苦呀!

首先係......由於工期迫近,我由剛過去嘅一星期開始,變做一個澳門人了!一星期過去三大日,日日倒塔咁早搭船過去落地盤,下午搞到一身酸臭咁返黎,兩程船就係咁瞓,返到公司仲要做好多要即日處理嘅paper work同埋揀furniture and出圖,天氣又熱....真係頻頻撲撲攰到死呀!呢種太空人生活最少要捱多一個幾月,唉....救命呀!

不過苦中都求到甜,明天起終於有三大日"補"假嘞~~由早前做到"谷鬼氣"大喊一場後,頂唔順走去同大夫講this is my maximum,雖知道站在佢立場改變唔到ｄ咩,咪唯有放下我假囉,都好過冇啦！其實呢個假已經推遲咗,理應早兩星期放,推遲都係因為macau個project進行得如火如荼甩唔到身,隨咗大夫外根本冇人接到手,結果咪要等到佢呢個星期有時間先到我放囉!

原本放假前諗住去下三幾日旅行realx下,點知撞正summer peak season,價錢貴又唔抵,搞到連原本想一齊去嘅伴都話唔去,時間又咁tight搵唔到其他朋友去,想自己去又冇時間plan,唔同去europe咁long trip喎,香港去short trip其實都係跟tour抵玩d~~所以好憎呢份工嘅其中一樣係時間唔穩定,人家有時間時自己又唔得,到自己放假人家又唔得喎,好難夾到時間呢!

就係咁原本plan咗想做嘅嘢就打亂晒,連想話去沙灘晒太陽都被近期差勁嘅天氣剝奪埋,可惡!!=.=如果某某o係度就好啦,可以陪我玩嘞~~

爽爽的短髮

啦啦嗱......爽呀爽!話咁快又過咗一星期咯,星期六做咗一件係近期最開心嘅事~~~剪咗一頭短短髮!自從中四剪過一次短髮後,好多年都冇再試過了,今次比上次還要短,完全係一個男仔頭喎~而家成個人都輕鬆晒,心裡都開心好多....yEah!其實剪之前都猶豫咗一陣,因為再電咗過爆炸裝都未夠一個月,坐足5個半鐘仲花咗幾佰大元,不過最緊要剪得開心,自己反而對剪頭髮從來都唔會吝嗇,最多都係為個"荷包"痛呢!~~今次雖然冇做負離子先剪,但都好傷頭髮囉~~

黑色星期一

星期一應該係放完個weekend後精神奕奕,最有心機打扮返工嘅尸日子,但點解......今日總係令人沮喪嘅?!返工前一個look,放工後完全一個"殘"look......

近期公司其他同事好似杷對地游閒咗,好似今晚未夠8點半全公司嘅人都走晒嘞!連早陣子跟我同team嘅同事亦因抽離調到其他project,可以有番安定日子過,至少唔洗晚晚做到冇收工時間!而我自己....仍然做到死...仲越來越孤身走我路一人做晒一個要執手尾執死嘅project!!今晚又一個人做到11點幾先返屋企......

下午無意中收到一個消息,肥仔同事向阿大夫resign咗,嚇咗我一跳以為佢做乜仲快過我唔做~~一問之下先知原來佢想跳草裙舞想加人工,大夫果然要搵佢明日食lunch坐低傾傾,其實都應該嘅,probation過咗三個月老闆都冇任何表示仲要做到死!佢嘅行動提醒咗我自己其實probation都過咗好耐,係時候要為自己爭取下應有嘅回報,然後再作考慮去留嘅問題~~~

正當下午忙個死嘅時候,竟然收到一個好搞笑又出奇嘅sms,有個朋友上文唔接下理地無端端勸我唔好成日掛住O.T.,多d同下好男仔去街喎~~哈哈,真激死!而家好男仔一d都唔易搵,真係好睇緣份嘅~~其實d朋友係咪好驚我嫁唔出冇人要呢?....仲心急過我嘅!

有驚無險

嘩...又差點犯法俾警察叔叔拉呀!頭先下午正想入厠所時,家姐接到管理處來電,原來媽咪間房其中一隻窗爛咗,只係一粒拉釘連住窗邊在外吊下吊下咁,差d就成隻跌落街!!一定係昨晚太大風加上層樓太舊好多嘢都陸續鬆脫,最終抵擋唔住甩咗啦,好彩冇好似上次新年我間房果隻咁成隻跌落街咋~~其實昨晚在媽咪房一早已聽到一兩隻似有東西跌下嘅聲響,我同細佬都即時拉開窗簾四圍望怕係我間房嘅窗又爛咗,可惜捉錯用神原來係輪到媽咪間房果隻!於是叫醒大佬起身幫手拉回隻窗入屋,不知幾驚險呀!不過最佩服都係隻窗同媽咪,一個可以在掛上黑雨嘅天氣下吊足一整晚屹立不倒,一個就一整晚完全察覺唔到隻窗甩咗!!

半月濃縮事件簿

呢十幾起忙呀!好多日冇寫過嘢咯~~夜晚收工返到屋企已經攰到懶得開電腦上網,日間在公司更加冇時間啦,唯有待到星期日又冇出街嘅時間先update吧!

呢十幾日說起來發生咗好多嘢,好似:
1)俾阿頭激爆腦在公司大哭事件
2)公司請多咗三個只係做無厘頭admin嘢但又唔係幫到design team手嘅summer job
3)俾阿頭放逐一個人流落地位盤事件
4)公司人事變動,自己突然做咗"大眾工人"阿四,仲接到通知可能有梗多嘢要接手的惡耗
5)原先打算月尾放假去旅行嘅計劃被迫取消
6)同剛從Aus放break回來嘅大口仔行街飯聚
7)星期四開會前一晚獨自在公司做通宵
8)突然接到阿神返咗黎HK嘅消息
9)星期五keroro生日,玩到貓咗第二朝返工周身骨痛嘅慘況

等種種大小事...除咗第6,8,9點係開心外,其餘都好唔開心同壓力大,做到個人好忟憎好灰!!究竟我嘅晴天幾時先會黎呢?!!安定又有人照顧嘅日子有冇我份呢?!=.=

網絡上的友誼

因為前晚開夜嘅關係,昨日就自我行決定返下午先返工,好等可以瞓到遲d起身~~可惜被Mum10點未夠就嘈醒咗叫我幫佢fax喎,唉...激死呀!

返工前同咗mum阿姨同表弟去咗tst regal hotel 食buffet,都幾抵食喎,而家做緊promotion$79位+10% 正價$148 嘅service charge,Mum有coupon$138二人價,加埋一都係80幾,款式以lunch buffet黎講都算多選擇,可以食到飽飽先返工~~成個buffet lunch period都係兩個鐘,但一早就full　booking全部坐滿,mum都係兩星期前訂枱,好奇怪囉,雖則係抵食,但要要成$90一餐lunch,估唔到都有咁多人食,仲係平日喎兼好多似係一家大細黎食,我呢d就話份工無定時,人地返工我放假啫,唔通個市真係咁好景,d人平日一樣唔駛做?!還是香港呢兩年實行咗暑假彈性上班時間呢?!哈哈....好似自己返咗呢份工之後都冇試過食一餐lunch食鬼得咗游閒嘞,好似d阿太咁添~~

由於夜晚約咗人嘅關係,下午叔返到公司就立下決心要6點半走人,好彩都順利,開咗個會同做咗d follow up就走人,真係好耐都冇試過咯,步出office嘅時候腳步係輕輕鬆鬆的!突然間覺鬼得自己似轉咗做一日正常office lady呀~~^.^

其實夜晚約咗已經有足足兩年冇見認識咗4年嘅net friends,上一次又係第一次見面已經係兩年前summer返HK時嘅事,果次約得好急又突然,因為4個中有一個唔係香港人,而果時我地3個又分別在地球不同角落生活,一個HK一個UK一個US,有一次見面嘅機會實在好難得~~今次雖然欠決咗一個,但氣氛仍然好開心同輕鬆,4年前一個機緣下由一個forum將4個不同背景嘅人牽引埋一齊,雖然不常見面,但隨著歲月大家都成長了,一見話題仍是滔滔不盡又互相關心,感覺好好!所以呢,佢地令我相信原來網絡上都可以有真友誼,會有講真心話嘅人呢.....真係奇妙~~~

唔知大家下次見面會係幾時呢?....

可惡的毒蚊

以為今個星期三可以唔洗駛開夜,點知都係因為要等阿頭夜晚11點返黎交帶開會嘅嘢,結果都係要做到半夜4點先走!! 上星期自己開會遲大到,今次輪到阿頭嘞,8點半船15分鐘前約咗佢碼頭等,打俾佢先話在仍在洗手間,叫我同個同事去先,哈~點知落船後收到佢電話,原來佢已經到咗,聽到十分驚訝,冇可能佢會快過我地存架,原因只得一個~~~搭直昇機囉!阿頭真係威,居然花上仟多元搭只有廿分鐘路程嘅直昇機,為的只是一個例會!所以話全公司老闆級嘅人仕對抗$係冇concept,真係冇錯架,我呢d打工仔唔知幾時先有d豪嘅機會大灑金錢呢?!

之後落咗地盤同contractor夾施工進度,嘩....天氣熱之餘,冇著到長袖衫結果就俾d毒蚊咬到手手腳腳滿是"蚊爛",痕到我死死下,真可惡~~個同事話d蚊一定針到地盤工人冇晒驚喜兼冇肉食,見到我呢舊新鮮嘅肉當然唔會放過,所以在場嘅工人對蚊咬根本唔會當作一回事囉!

早排睇"男人之苦"時,有集講到帶白色安全帽做PM嘅劉松仁誤以為李思捷係新人AA,在地盤時誤叫佢帶黃色安全帽而搞出一堆笑話......星期四果日我帶上白色安全帽,即刻問有關人仕其實電視劇所講安全帽顏色顯示職級嘅真確性,如金色屬老闊級等之間類問題,原來唔係真得晒架,不過至少黃色同白色就真係有分別嘅......

是日精選

是日星座精選(from SINA):

"感受到有些體能上、精神上的不足。思緒也較無法集中了，似乎是該充電的時候了。這一陣子的努力衝刺似乎讓你消耗掉不少精力的樣子喔。"

百分之二百準確呀!!我要放...............假!!!=.=

唔知點解,呢兩日不時諗起一個人~~點解呢?!

電髮

昨日咁好天氣但臨時臨急約唔切朋友去沙灘,好可惜!於是依原定計劃去整下堆亂到好似草嘅頭髮,本應都預計得到星期六salon會多人同埋電髮需時,但估唔到自己5點去到居然要坐到最後一個,間舖9pm close自己就10:30pm先走,足足5個半鐘呀,坐到腰都直埋!今次又再電個爆炸裝,但剛電出來嘅效果始終唔夠想像中爆,個髮型師哥哥仲話叫我唔好電咁爆同剪咁短,(唔明點解佢次次都唔贊成我剪短d頭髮,成日話咁爆仲要剪短就會好似個波咁!=.=) 但其實自己想剪短d,不過最後都聽咗佢講,都ok嘅,其實電髮都係想減下壓啫~~

個人認為天氣好,心情都真係好d,雖然昨日就在salon渡過,不過當中發生咗一d小插曲,感覺就好似開心咗一日一樣,好輕鬆!本來諗住寫出來,但又好似會有人睇到,都係唔寫好了~~

失策遲大到

好熱好熱呀!!!.........一輪天雨後,呢兩日突然間熱起來,34度....香港嘅夏天終於返黎啦!又熱又痴簡直想死呀! 見到咁好太陽,即刻有去沙灘晒守太陽嘅衝動,好想晒黑d呀...不過香港始終唔同英國,唔可以在自己屋企嘅yard隨意躺下晒太陽,要晒就要專程搭車去海灘,都好唔方便!

一星期眨眼又過咗,終於有時間黎寫下部落嘞...星期三晚終於唔駛做到天光先走,不過做到4點幾囉都叫好架嘞~~=.=原先諗住瞓兩個鐘7點返到公司print埋見客嘅圖,誰不知......呢一覺實在太好瞓!明明set咗鬧鐘,點知竟然唔響,一瞓就瞓到9點!!!咁啱家姐果朝唔駛返工冇嘈醒我,如果唔係老豆出廳食早餐嘈醒咗我,都唔知醒即刻彈起身望下個鬧鐘,仲同自己講咗句"大檸樂"!然後手忙腳亂咁即刻打俾阿頭say sorry自首,再打俾約好在公司等一齊去碼頭嘅同事,原來佢地響爆我手機同打去我屋企電話,只不過我熄咗機瞓所以聽唔到,搞到幾唔好意思呀~~之前幾次開通宵反而冇事,今次一瞓就出事,真係醜怪!最慘係同事唔知我未print晒圖,我要搭船過大海前趕返公司print埋d圖,沿途仲同繁忙時間碰個正著大塞車,結果去到澳門嘅地盤已經係中午12點幾!!開門入到去大部份contractors都走晒,只見到client嘅有關人等正同阿頭傾緊其他issue,頓時又覺得面矇矇不知好何是好,so embarassing!唉...早知佢地冇等我d圖, 就唔駛專程趕返公司print圖啦,就可以早d到到達地盤~~lucky that 阿頭冇怪我,只係自己覺得返工咁多年都未試過咁失策啫~~=.=

一星期

嘩!看看上回,先發覺原原來又足足一星期冇update下自己個部落啦~~工作,真係可以令人"狂"呀!
每逢周四開會嘅定律,星期返到公司一開電腦check check email,就即時被大夫一句話,一個自己嘅schedule,自把自為地向client改咗提前一日開會!換言之...原定星期四要趕起所有圖嘅死期,就此提早一日來臨,話改就改梗係輕鬆啦,因為做果個唔係佢嘛,心情就好似即時判咗我死刑一樣,十萬個無奈!=.=

結果,星期三咪又跟同team嘅同事開通宵囉!不過心知道冇可能依時完成所有圖,所以整晚都放慢腳步咁做,又加上MD又在公司上網開咗個channel睇波喎,個好自然散啦~~做到晨早5點幾攰到死,個同事又準備走,冇理由自己一個留低繼續做咁慘架,所以最後都決定放棄,執嘢返歸瞓返兩個鐘先再返工!返到屋企沖過涼,真係瞓咗兩個鐘就俾鬧鐘嘈醒,今個星期有得瞓都算唔錯嘞!

呢兩個星期天氣都不穩,大部份時間都天陰,心情自自然忐忑,無論身心真係好耐都冇放情咯~~根據自己早前定下"一星期玩一次"生活態度嘅改變,星期五晚就約咗tazed飯局,仲識多咗個新朋友添!不過相比之下,發覺自己原來都唔係好靜嘅人,究竟係咪早幾年少玩,而家人大咗就越多嘢講越open minded呢?!真係越來越爛玩呀!

今日做到下午4點先收工,本應想去整下個死人頭,d頭髮唔長唔短好難睇,但又因為今個月entertaining真係駛咗好多$$,搞到好窮,所以都係忍到下個月先整啦~~亦因為攰嘅關係,一個大好又晴朗嘅星期六竟然選擇返咗屋企休息瞓覺!!明天仲要返工呀~~damn!

今晚同佢通完電話,心情好似輕鬆咗一陣子,笑逐顏開呀~~大家共有努力啦!

ladies night

昨晚收工後就約咗一班人同阿lin食飯同佢慶祝生日,誰不知去到先發覺幾個朋友都冇到,最後得四美圖變成ladies night,雖然人少咗,但覺得幾個人傾下計咁仲好過一大班人無無聊聊,四個傻婆都亂說亂說,講下自己嘅夢,加上間bar嘅環境氣氛好舒服,一坐就坐到人家收舖都未願走!暇最勁嘅係返到屋企開門,見全屋燈火通明,原來全家人因為睇波都未瞓,媽咪仍然在打機呢,我沖完涼反而係最早上床瞓覺嘅一個!氣氛頓時變咗chinese new year eve咁,好搞笑~~

喜出望外的黑雨

昨日原本諗住前晚開完通宵,第二朝瞓晏d下午先返工,哈!十一點瞓醒時媽咪就話剛掛上黑色暴雨警告可以唔駛返工,簡直喜出望外!所以內心掙扎一時,結果都係決定唔返工,順便好好在家休養一下~~
不過開心總是短暫的!今朝返到公司check email,見到阿頭自己應承個客提早一日交晒所有施工圖同開會!!!即時啞口無言,不知應該可以俾咩反應呀,畫圖果個唔係佢,不知進度就為著自己schedule改deadline,人地個客都冇要求提早,佢就唔好咁搞到我地啦!真激氣!!!
唉.....得番兩日,仲係weekend,識飛都做唔晒啦!星期一都唔知點面對佢, 好唔想佢返黎,下星期一二都唔會期有得瞓嘞!!!

難逃一劫

上回提到以為睇醫院門診就可以慳番d$,但食咗藥同滴藥水似乎仲要痛得厲害,結果星期日半夜瞓到兩點幾就被耳仔痛醒咗,一直到天光都睡不著,最終都要再到法國醫院睇耳鼻喉專科,呢個醫生都幾耐心同有醫德,不過就"寸"d,話我個鼻冇事就唔好好似好過癮亂"呻",因為好易造成中耳炎喎~~佢一之次開過咗d退燒同胃藥加鼻敏感藥俾我,埋單盛惠$690!!唉....加埋上次門診,無端端要破大財成千蚊,唔止耳痛,"肉"都痛埋呀!

睇完醫生打過電話返公司話下午先返工,就返屋企瞓咗兩個鐘,然後好不願地起身返工~因為食咗d藥一如醫生所開嘅藥方所料,全身發熱不停出汗又頭重重頭痛,返到公司都做唔到d乜,頂到6點多就走返屋企咯!d藥嘅副作用真厲害~~

星期三晚又做到朝早五點,返屋企沖過涼換過衫,今次叫做有45分鐘眠一眠,跟住"的來的往"趕返公司執拾過大海開會咯~~今次直接落地盤同班contractors開會,除咗自己同客戶方面嘅admin兩個女仔之外,對住全部都係男人,d建築工人見到我帶著安全帽四圍走,就覺得好出奇咁目光一直盯著我,好不自然呢!其實香港嘅地盤見到女性巡視,其實都好普遍,有什麼好奇呢?!

今個會總叫開得順暢,唔知點解,這陣子好似已經習慣沒有阿頭嘅日子,自己同同事雖然硬著頭皮應付好多新事物,但壓力總好似冇阿頭存在時咁大!星期日佢就放完假,星期一我就死期到咯,好驚呀!

好痛

頭痛,耳痛....好痛呀!!!

中耳道發炎

落咗足成個星期雨,真係有點煩厭~~

唔知係咪近期對耳要特別留神聽埋別人嘅工作,搞到撩耳仔嘅次數不其然地頻密,昨朝起身時一邊耳仔開始發痛足一整天,同媽咪講完,就俾佢所講傷及耳朵嘅嚴重性嚇到即刻去睇專科醫生,誰不知星期日法國醫院冇專科只有普通科門診,都要睇咗先啦,好彩醫生話只係中耳道發炎冇傷及耳膜,只要食藥同滴藥水便可,聽到個心都放心d~~而且睇門診比睇專科預算慳咗一半都好開心架嘞,因為當mum勸予要睇專科時個心有著十萬個不情願,一直盤算著如今只係糧頭就要破呢筆大財,(況且上個月洗多咗$$),所以不單止耳痛,"肉"都"痛"呀!不過為自己身體著想,更肉痛都要啦,有d嘢係唔慳得嘅~~

今日係六四,正正係大佬生日,睇完醫生走去買咗個 mango cheese birthday cake 返屋企同佢happy to you 添,好好味呢! ^.^ 祝佢生日快樂啦!!

中間人的苦處

呢個星期好忙,忙住做d非自己工作範圍內嘅事,鬼咩~~阿頭拍拍pat pat就放大假,交低大堆大堆手尾俾我跟,首先係叫我做好自己果part之餘,仲要幫另外一位資歷較淺嘅同事手,因為佢係ass. architect而唔係ID,對matieral selection同fixing唔係咁熟,所以叫我協助佢果part揀料同design,其次就係Thu開會果時幫佢同d contractor夾!>>>>>>即係叫我睇住佢囉!=.=結果,我端午節咪又係要返工做到半夜四點囉,,簡直想死呀!!最慘嘅係所做嘅只係應付Thu嘅會,好多同自己負責果part冇直接關係嘅"他人"鎖事,日日做中間人做admin做聯絡...etc.,根本都未有時間正式畫自己嘅圖,damn!!唉,大嘅唔在就難為我呢d做中間架嘞,自己都未顧掂,唔上唔落嘅併真係做到死咗!

Thu開會就只係自己同個同事過大海,同client開例會,硬住頭皮對住成班一望就知經驗老到嘅人,拼埋自己就好似新手一樣,覺得自己講嘢唔夠convincing但又要裝出一副立場好堅定嘅樣子撐場,同事仲要"懵下懵下"好多嘢根本要自己負責嘅又未做好,structural嘅嘢我根本又唔在行,我嘅角色就係解答有關inti嘅嘢, 所以想幫口都幫唔到,結果咪被班contractor問到口啞啞,最後我變咗做打完場嘅人,話後補d資料俾人地囉,不知幾尷尬!不過反而自己果part都好彩有驚無險度過,開完會反而有d成就感呢!因為好似都未試過自己同班客& contractor deal,以前就算見客都頂多一個或一對couple用戶,而家要對嘅係講緊一個發展商嘅客同一班建出成個屋苑幾千個單位嘅contractors,梗係震過貓王啦!

雖然係忙,但冇阿頭在,心理上都輕鬆小小~~至少今個weekend我可以選擇放自己假,真係返咗5日半咋,哈哈!一於置諸不理,一切留待下個星期返工再搏鬥過!

滂沱大雨的假期

上回提到星期日因落大雨應返工與否,結果...係放棄咗,改為留家工作!碰巧今個weekend又係落著滂沱大雨,嘿...點解總係唔駛返工放假時先落大雨呢!搞到想好想出街逛逛嘅心情也給破壞了!

逢星期四都係不詳日子,剛過咗嘅星期三又連踩通宵做到星期四晚,又足足三十八個鐘頭冇瞓過了!=.=...返到屋企就好似死屍一樣冇晒力,妝沒御下就連涼都沒沖就連忙跳上床搵周公,一覺瞓到天光咯~~本想自行決定翌日休假一天,但係因為阿頭晚上就搭夜機走人,開始放佢兩星期大假(真係羨慕死人嘞),所以要趁佢走人之前返公司捉住佢傾傾工作事宜,如果唔係,佢就真係夠膽死就咁走咗去乜都唔理由得我黎緊兩星期死咯!畎因為兩星期後要完成晒所有施工同要陸續同contractor夾,試問我一個人點搞得掂所有coordination work 呢!點知下午等咗佢兩個鐘,等到同佢傾嘅時候,佢竟然一句就話我冇問題,可以自己搞掂!!嘩,講笑咩,點可能冇問題呢!有d問題係要埋首畫先知架,刑到昤時都唔知可以問邊個嘞!佢越話冇問題我就越覺得問題大,壓力真係大呀,好怕到時背上隻黑鑊先知太遲囉!其實由上星期開始,佢一早已經in hoilday mood,好多嘢問佢時都冇平時咁上心,搞到我同其他同事好無奈!不過都好,等我地發覺原來佢都唔係機械人黎嘅,都會同要休息充電,人之常情嘅!

間歇性的壞脾氣

平時做嘢都唔係快架啦,呢兩日天氣仲要烏雲密佈,整日落著滂沱大雨,搞到工作效率再見新低~~~可能天氣真係好影響自己嘅心情同脾氣,所以......昨晚發咗佢好大而又事後覺得幾無謂嘅脾氣,好耐冇咁對佢咯,火氣過後都覺得自己有d過份,人家唔係一定要受我氣架!(其實人真係自私,永遠睇唔到自己而總係expect人家有如鏡裡面嘅自己~~)好彩,佢對我呢d間歇性脾氣都已習慣同了解,不明嘅只係點解會發生在昨日,不過呢點連我自己都解釋唔到呢~~最後都不好意思地say sorry,反而得來嘅反應竟然係給佢逗笑了,佢就係這樣一個人了,從來都有給我對症下藥嘅一套方法!
(都係少講好了,雖然係私部落,但始終有人會睇到我講緊佢,還是保持一貫作風公平d好)

快樂不知時日過

相比起之前,今個星期好似好快咁過咗,原因得一個>>>因為阿頭好多時間唔在公司同剛過咗嘅星期四過澳門同客開會唔駛present同趕出圖,所以感覺輕鬆咗!但下星期四就死了,又要趕呢!!逢星期四已定為澳門日了......

亦因為又要趕工,原本今日下午打算留在公司OT,但臨收工前mum打黎叫去飲茶,咁當然即刻轉plan啦~~最後決定今日循例執咗d嘢返屋企做,(可是到而家將近深夜12點還未動工呢!!)準時1點走人放一個weekend break,換轉明天先返公司OT,因為反正有同事明天都要OT,有個伴都好d嘛~
但游游閒輕鬆嘅時間總係過得快,到而家還未想開工做嘢呢!諗諗下仲想明日唔返公司做嘢,想借口留家做,但心知自己到時又會好似今日咁唔願做喎,死啦,點好呢?!再唔做就堆埋晒下星期得兩三日內做完,實死梗嘞,我已經唔想再好次每次都要做通宵先去趕頭趕命又做得唔好,呢種感覺好厭了~~咁明日究竟返唔返公好呢?!

有感而發:
今日先有時間睇番錄咗成個星期嘅電視節目,近期addict to "向世界出發",幾輯內容都好好睇,好似kathy嘅長頸族同羅蘭姐嘅梵帝岡同剛睇完嘅意大利快樂的傳說,唔知係咪呢兩三年在europe留過不少足跡,對意大利特別情有獨鍾,而家睇到畫面上自己曾經到過嘅地方有著特別嘅感覺,突然間好想再遠征歐洲大陸一次,因為其實還有好多地方想去想了解,真係好想抒意一番,亦回想起兩年前嘅逢school holiday都四圍去遊歷嘅生活,一個人坐在日內瓦湖畔長廊上一張石凳上享受一個輕鬆嘅下午,果感覺簡直回味無窮~~唔知幾時先再有機會呢?....

Mother's day

雖然前日母親節唔駛開工,但由於冇時間安排節目,而兄弟姊又各自忙著,所以只係同mummy睇咗佢鍾意嘅靚佬湯做嘅MI 3,行咗陣街(mummy買唔到心水嘢,反而自己就無心插柳買咗個手袋返工用~~唉,又買嘢添,原本話唔買結果又買!呢兩三個星期出去玩多咗又花多咗錢,加上返工又成日買零食,搞到今個月嘅quota已completely over!真係要慳d先得嘞~~~)....唔知做乜好攰好眼瞓,於是同mum先返屋企休息一陣,夜晚等埋大佬放工,一家人去咗就近嘅新世紀食壞越南菜當作同mum慶祝母親節,其實諗番我地幾個仔女今年都好冇心肝,冇晨早搵位飲茶冇買嘢俾mummy,又冇預先訂枱食晚飯,只係好好行貨咁食咗一餐.......反而前兩年在UK,母親節都專誠手畫咗張卡寄俾mummy,點解今年會咁冇心肝嘅呢?!

anyway,希望mummy唔好介意啦~~
HAPPY MOTHER'S DAY!!

一週大小事

好...首先等我自己記番呢個星期嘅大小事...

通常星期四都要過大海見客開會,所以每個星期一二三,一定要趕頭趕命咁趕project,尤其係Wed都例必變成要開通宵嘅日子,真係好難捱好辛苦,數數手指返咗呢份工只有兩個半月,已經開咗4次直踩兩至三日嘅通宵班了,呢個數字自己都覺得好驚人!!原來自己係可以咁捱得架喎......星期四開完會返到HK已經夜晚9點多,返到屋企食埋飯都11點!雖然好攰,不過今之呢個會有別於以往,因為由於個client在design方向上終於達成了某程度上嘅協議,只要稍稍作出某些改動就可confirm出圖了,唔似之前不斷改到好像徒勞無功,白費咗通宵嘅辛勤咁~~所以開完會果刻就好似鬆咗一口氣一樣!可能阿頭都有同感,所以佢今次冇上次咁可惡只叫我瞓晏d就返工,而係叫我瞓番醒個人,下星先再接再厲趕下個stage嘅submission,換言之即係可以放假囉,即刻覺得佢頭頂多番個光環呀~~~
"
除了終於可以明正言順咁瞓番個好覺放番一日假外,開會完會果晚返到公司放低嘢時竟然發覺枱上原有嘅廿舊mon換來一個新嘅19寸LCD mon,超級興奮!!原來係因為早兩三日前向公司反映過個舊mon有問題,加上阿頭之前亦提過換LCD mon俾我,心諗佢都只係隨便講講便算,都冇諗過佢真係會幫口爭取,效率仲出乎意料之外添!!呢d咪就叫"一啖砂糖一啖A"囉!放我假之餘仲換個新mon俾我,心明一定會係"受人錢財必要替人消災"嘅道理,因為返完假next week返黎又要十日內趕起一堆施工圖囉,到時又會做到死架嘞!好驚呀~~~

weekend佢唔在港,所以順理成章星期六唔會在office見到佢,咁梗係"蛇"得就"蛇"啦,10點幾先返到公司,一心打算返公司只係執拾一下凌亂不勘嘅工作範圍,決定一切待下星期一返黎先再做!所以...今個weekend終於可以輕鬆一下,今日仲可以陪下mummy過母親節呢!

還有很多工作以外嘅事想說,但攰了,明天待續~~

炎熱的辦工日

點解今日咁熱嘅呢?! 32度喎!!...公司咁啱前兩日修理完個冷氣,十足雪房一樣,一出一入真係好易病...放完個weekend返黎d工作又堆到滿,連上msn時間都冇!=.=

呢兩日公司突然間熱鬧咗好多,因為繼上星期有位新同事返工(自己唔再新了~~0),一連兩日都有兩個新同事返工,加埋一位由北京分公司來港工作兩星期嘅同事就一共三位新新員了~~起初以為多咗兩位inti新人,可以分擔一下自己嘅workload啦,但似乎唔係囉!!佢兩個已經俾人assign咗幫手其他人嘅project,而我自己....仍然係孤身走我路,依舊一腳踢囉!最諷刺係兩個新人係可以準時6,7點就收工,一副輕鬆嘅樣子呢!我就即刻問自己點解同人唔同命,人家返新工就準時走,自己返工頭兩日就已經ot到夜晚十一,十二點!!真係冇辦法唔比下去~~~


唉......

週末狂玩

(天晴)
唔知係咪好耐冇乜玩過,呢個weekend好似玩得顛咗,由星期五公假到昨晚都玩到三更半夜才返家,因為自己心態上改變了,一直認為工作不斷,一有時間就爭取休息一覺瞓到天光,但現在反而覺得如果連工作以外時間都唔玩,咁就根本冇咗自己嘅生活圈子了!所以一有時間就去玩去見朋友同陪家人,心情可以輕鬆平衡d~~~唯一暫時做唔到嘅應該係拍拖了!!哈哈~~~

blog快要一週年,往後如何呢

今日終於可以放到公假了!哈哈....可以瞓晏d,睇電視,出街食tea,還有來個小shopping呢!!終於輕鬆一陣子了~~~

襯住今日假期,可以花多點時間給自己寫diary,其實翻看自己呢兩個月來所寫過的blog,發現95%以上嘅內容都係圍繞著工作慘況,實在是單調同負面!唔知係咪因為自己抱怨得太多,令睇到嘅朋友都替我擔心,真係唔好意思~~(或者大家都睇厭了.........只不過我是以一個可以完全說出心底話嘅心態去寫呢個diary,因為反正如沒寫上網,自己也會手寫diary的!)

所以在這幾日雖然冇寫,但心裡一直盤算著,考慮將這個blog關門大吉,搬到另一個沒有公開嘅blog再寫,咁樣就可以兩全其美,沒有顧慮之餘又可繼續完全寫出自己嘅感受,還可多寫一些其他很少提嘅事呢~~

不經不覺發現原來keep住寫blog都快有一年時間,估唔到自己咁有恆心,低估咗自己添!anyway,5月29日前仍然會寫在這裡,當作一個一週年回憶都好! ^.^好好考慮調整一下先......

今年回到香港的一個生日

雖然今年生日嘅心情好複習,好的一方面當然係可以再同家人朋友在香港過,熱鬧一番,但壞的一方面就是於緊張的精神壓力下渡過,各方好友有心地打來問估何時有空同我食飯慶祝,自己卻抱歉地一一回答說"不知道啊,你地話啦"!雖知道這是事實,但自己咁答都似乎有點兒那個~~

雖然幾餐生日飯要捱遲到呢個weekend,但真係好開心同感動,因為由2號晚開始收到好多朋友嘅sms greetings,內容不約而同都講出兩個重點~~~祝身體健康同早日搵到個mr.right之類等嘅wish,其實唔理他人係循例式祝賀還是因應看到我今年辛苦工作嘅情況先講出此話祝福,對自己來講今年聽得特別上心,特別覺得感動!隨後一個好友就提到這點,每年人人生日大都會類似祝賀說話,只不過是今年自己亦係呢群人之中嘅一個罷了......這點是不否認的~~

anyway,好多謝sms我嘅朋友,照單全收了!多謝之餘亦有幸識到佢地~~^.^

在五一勞動節---勞動!

一星期話咁快就過了!上個週末冇放過假,由星期一做到今個星期二深夜!星期一係五一勞動節理應是放假,但週六週日連呢日公假都做足全日,仲攰過"担泥"呀!!為何呢?咪就係趕假期後星期二見客囉=.=雖知道一樣要ot,但其實如果唔係明知呢個星期係有兩日應有嘅紅假,心裡上會做得較樂意,但正因自己確實有放假嘅權利而無可奈何地日做夜做,心裡總是深深不憤呢!!!

星期二開會過後以為可以放番日假,(其實冇明文規定一定可以放,只係根據以往幾次捱通宵後可放假嘅經驗)誰不知今次阿頭只係叫我頂多瞓晏d下午先返工,當時心情簡直灰到極點呀!因為佢出外開會最快下午五點幾先返到公司,所以都把心一橫一於五點先返到,仲特意同佢講是日係自己生日約咗人家食晚飯所以7點前要走......都估到佢一定冇咁準時返到,最後等到佢6點幾,咪又係sms我話趕不及返到公司,要第二朝一早先可跟我開會,結果....爛晚的確可以準時走去食一頓美味嘅日本自助餐,但當然換來第二朝8點要返到公司嘅呃運囉!!

心不在焉

呢幾日...個心好掛住英國,好掛住歐洲嘅生活,唔知點解~~~

好多東西想寫,想講.....不過,夜深好攰了,還是等到weekend先啦!

再一週回顧

好耐沒update過blog,剛過去嘅一星期又係忙著趕來趕去都做唔完嘅project囉!一早都預計到easter果幾日放咗假,之後返黎實做到趴喺度!由星期一起趕到星期四中午直接過澳門見客,當中星期三晚梗係又做通霄早上7點幾啦,的來的往兩小時內返屋企沖過涼又返到公司,趕到連續幾日冇晒胃口食嘢,呢兩日仲成日胃痛添!其實原本可以唔駛做到通霄,又係因為同"大夫"溝通上嘅問題,結果咪搞到返工兩個月未夠已經通霄做嘢三次囉!見完客得出來嘅comment係要再改,仲要大改特改!!睇黎下次再見客之前又重韜覆切咁做到死嘞!不過唔理得咁多,到時至算啦......

原本星期五可以放番一日假,可惜只可瞓到11點就要起身返工,因為被大夫叫返去做follow up!原先又以為只係返去三幾個鐘安排好d嘢就可以走人(因為自己已經當咗通頂後可以例牌day off!),誰不知一做就做到5點幾都仲未做完,但個心早就不在,一心想著要走人同朋友食晚飯,所以最終選擇什麼都停晒,拎手袋準時6點走,最多星期六返工做!冇錯,正當公司所有人包括老闆還在忙著工作時,自己5點50分就大搖大擺咁經過大夫面前走人,果一刻覺得自己好型又好勇,哈哈!落到街口見天色還是光的,行人是正常下班趕車一族而非平時深夜灣仔酒吧一帶的酒鬼,心裡簡直有奠明嘅興奮呀!因為終於覺得自己做番一個正常人嘞~~

星期六雖然都係遲走,但晚上終於同到幾個約咗好耐都約唔成嘅老友見面relax一下,真係好難得又開心~~~感覺就好似終於有番私人時間嘞,就算仍然好攰都要出來玩,otherwise,放假唔玩就真係冇得玩架啦,唔想冇晒朋友呢!成晚最掃興就係收到工作上伙伴嘅來電,喂...大佬呀,已經放咗工係私人時間,仲要我返到屋企做嘢!!於是作咗一樣好衰嘅決定,就係熄咗電話,返到屋企當然乜都唔理就瞓覺啦!

明天又要捲土重來啦...唉!

假期放後感

1)今日起身後望見窗外陽光普照,天氣終於放晴,心情都輕鬆d......

2)發覺唔駛返工嘅日子原來都會自動自覺如常醒咗!

3)下午飲匆匆過茶後就帶著十萬個不願意返公司做嘢,沿途眼見其他人還在享受假期的滋味實不好受......

4)返到公司同阿頭(以後都係用"大夫"代稱)briefing project progress後,工作又再一籮籮!!未做先攰嘞.....

=.=/=.=/=.=/=.=..............

無無聊,又看一看SINA一週星座:


健康運：☆☆☆
健康基本上都還不錯，但要多多注意情緒方面的問題，因為最近你實在有些勞累，因而也要格外注重運動和養生，讓自己的身心更充滿能量。>>>>好似又啱咁喎!

幸運日：4月19日容易和一些新朋友產生莫名的好感，也有可能出現多位追求者，但建議你還是要多觀察對方。>>>>係咪真架?!

easter holiday 第二第三天

呢幾日天氣不好,昨日原本約咗朋友到大嶼山行山兼食齋,最後都變了"大嶼山喪食團"~~

又衰喎,平日返工唔夠瞓就話,明明呢兩日放假可以瞓多d,但唔知做乜一點瞓落床到三點幾都未瞓著,個腦不停諗嘢,朝早7點幾又要起身出門口嘞,搞到成日烏眉嗑睡咁!

個喪食團首站是大佛,但天氣真係好差,大霧又落雨,跟本連上大佛的梯极都看不見!每次出門總係遇上d不順暢,上次去廣州又係喎!~~在大佛食完齋就去坐車了大澳逛逛,大澳好多好好味嘅地道小食,大家都食個飽,之後還出回荃灣飲嘢玩bridge同打邊爐,哈!好難得大家會玩咗一日咁健康益智嘅活動呢!(因為佢地似乎是打牌唱k的一群)

今日就冇乜特別,只是今晚同親戚出街食個晚飯,因為原來今日是自己農曆生日囉!差點忙了,通常只記自己的新曆嘛~~~

唉......三日假期就快完了,明天又要返工啦,簡直是十萬個不願意呢!!!

easter holiday第一天

原本未放假前同自己講,好難得先有三日假期,(係,冇錯!得三日,因為星期一要返工囉!!!)要plan好每日要做乜去邊度玩!可是呢...俾放假前提過約我的人放飛機,朋友同mummy如是=.=,如果比我原定的節目多了時間,不過算啦,反正不到處玩都好,可以簡簡單單休息下了!

星期五第一天的假期早上如常返工時間醒了,賴床賴至十一二點,就約了朋友出TST食tea,三幾小時短驟後本想逛逛唱歌店買碟,可惜渴睡症又發作,結果還是選擇回家眠一眠,短短一程十五分鐘車程,我可以由頭睡到尾喎~~哈哈!

weekly blog 之延續篇

前一篇講完annual dinner事件,個腦好像空白了一陣子,要想想自己過去一星期還做了些甚麼~~

結果還是忙著趕起放復活節假前交圖給客人啦!當中有好多鎖碎事要安排,如定好所有items予renderer出pers,與supplier開會,覆email等等與design無多關係嘅前期工作!心中感到無奈的是...單是應付這一大堆co-ordination work已花上了每天office hours,還要做design work呢!加上唔知點解,在office是very low efficiency!完成所有co-ordination,總是要待到其他人收工,即係五六點先可以真正做自己嘢!日日如是,又點可以唔OT呢?!

說回放假前一天,以為本應要在最遲晚上submit一set圖給客人,自己跟renderer都未做趕好圖,心裡都一早預算著無論如何都一定要留在公司OT到凌晨三四點了,於是把心一橫,同個同事一起出外食完dinner回來再做,誰不知....阿頭一個來電,方知原來是自己意會錯了,要在放假前完成的只是renderer果part,自己要做的可在放假後先submit,嘩,阿頭這個來電簡直就是從絕望中露出一線曙光,因為當晚OT根本不是味兒!!於是食完餐飯後,身連心都停止關於工作上一切運作,就立刻回公司收拾行李走人,可是...返到屋企已經晚止11點多了!!

返到屋企雖然好攰,但碰巧開著電視見到正在重播著我的最愛-----"金枝玉葉",自然地精神起來再看一次,雖然呢套電影已看了十多次,但一看到哥哥與靚靚的精彩演出,仍是百看不厭呢!真係好好睇呀,可能是個人覺得故事內容恰巧由哥哥演出是好諷刺呢!

結果,是晚都係好夜先上床瞓覺~~~

weekly blog @easter holiday

嗚~~~~期待咗好耐嘅easter holiday,終於有得放假咯!!不過臨到放假前一日,眼見公司其他嘅員工輕鬆地一個一個咁準時收工,真係羨慕死我,因為我仲要OT到11點先走囉!根本feel唔到第二日會放長假,直至今早可以瞓得晏才起床,先有個signal今日自己真真正正放假!

呢個星期勞勞碌碌中度過,感覺對上一次寫blog好似已經係好耐嘅事~~又係時候總結下過去呢幾日自己做過d乜咁攰!睇遲下怕呢個部落要由daily blog轉做weekly了~~

首先,星期一晚其實係公司在中環伊利近街一間意大利餐廳食annual dinner,7點未夠d同事同老闆就去晒,因為阿頭一個突如其來又不合理嘅工作指令,搞到我頭昏腦脹兼火滾,越做越忟憎,最激氣係個dinner7點半開始佢6點幾先打返公司叫我manage,跟住仲要俾個admin打黎催我出門口!喂,大佬啊,工作又未做完,已經好忟架啦,仲要打黎催三催四又話所有老闆朋友都到齊只欠我同等埋我嘅另一個同事,你估我唔想好似其他人準時到咩,好鍾意留在公司做到最後走架咩!!講起就火都黎呀!開頭諗住呢餐係去到各自order嘅果種西餐嘛,做嘢趕唔切最多咪唔食,鬼知要等齊人先開始咩!好在有個同事好好咁等埋我一齊到7點20分全公司最尾果兩個先坐的士去餐廳囉! =.=

其實到今時今日有一個原因令自己仍然打算在呢間公司捱住唔走,係因為佢有某些作風係有別於一般design & arch firm which I appreciate,好似annual dinner,老闆唔會為慳三兩個錢而隨便訂兩圍中菜就算應酬了各位,反而會花上$400一位去品嚐意大利菜~~根本上佢地係懂得享受的一群,單是這點已經跟自己過往做過嘅公司很不同了!因為兩圍中菜廿幾人共六七仟元跟一張長餐桌廿幾人共約一萬元的感覺已不能相提並論了!

攰了,一周回顧明天待續......

攰攰攰,真係好攰!

攰攰攰攰攰攰攰攰攰攰攰攰攰攰攰攰攰攰攰攰攰攰攰攰攰攰攰攰攰攰
........................................................................(比平時的 x 25倍)=.=

日有所思,夜有所夢

嘩,昨晚發咗一個夢好邪呀!!
事原昨晚係星期四,應要為著今日星期五(阿頭返黎而要趕起佢之前交帶落嘅工作)開OT,可是自從返咗呢份工後自律性同惰性都更趨嚴重,所以佢出trip呢幾日我就完全抱住"懶得就懶"嘅心態返工放工,相對地放工時間就稍稍早些少~~

話說回頭,我竟然夢到好似自己預知能力,心知想逃避今日見阿頭而設法諗計詐肚痾sick leave,仲出現一幕幕打電話返公司講大話請假嘅情景,仲似層層的呢!直到到鬧鐘響起張開眼先知原來只係發夢,事實歸於事實....結果咪十萬個不情願咁起床返工囉!!哈~不過都佩服自己可以將奢望變成夢咁實踐出來,呢d咪就係"日有所思,夜有所夢"囉~~~

假期

好耐未試過有"假期"嘅感覺,雖然前兩次OT趕完project後都有放番一日假,但嚴格黎講係"休息"同"緩衝",而唔係放假,因為實在冇果種"放假"嘅心情,個心一樣存在一種牽掛嘅感覺,想著明天返到公司會做甚麼同做到幾點...!今日雖只係清明節而非喜慶節日,可是反而由昨晚放工開始就有返好耐冇試過嘅holiday mood,所以...昨晚返到屋企食過就不由自主地睡著,雖偶有醒過來,身心都行動要沖涼才睡,但最終都再不自覺地睡著,一覺還睡到大清早,不到10點就醒了,感覺好像生理時鐘要告訴自己終於有所謂嘅"足夠睡眠"!~~哈,其實原來只要有足夠睡眠,早起床都並不是件難事,還覺得時間好像多咗,好用咗~~^.^

話說回頭,其實自己預咗今日會home office,拎咗d公事返來做,好等不用堆到明天返工先做,可是......因著呢一日"假期",又令自己躲懶了!唉...都係等明天做吧~~~

401一個ｍｅｍｏｒａｂｌｅ嘅愚人節

雖然被份工搞到冇晒心情,但好感謝今年嘅401正正在一個意外獲得不用上班嘅星期六,難得個腦不用operate工作之餘仲可以參與今年舉行嘅"哥聲魅影"紀念哥哥Leslie嘅活動～～

過往兩年嘅401都在UK,好想參與卻無能為力,只有靠別人同報章媒體得知一切事宜!今年個event地點在星光大道一直伸延至尖沙咀文化中心露天廣場,個人而言就覺得搞得幾成功,哥哥嘅FANS每每好團結地將所有嘅事宜搞得好有體面,一點也不失禮哥哥~~好似為著今日嘅紀念,由策劃宣傳到人手安排都做足功夫,為的只有一個目標>>>告訴哥哥呢三年來都從未把他忘記,仍然好掛念佢......

好慶幸今年有份參與做工作人員,幫手晚上嘅哥聲魅影紀念晚會安排,雖然企足一日好攰,但好值得!因為冇錯過晚會上一幕一幕感人場面~~一直都以為大部份今非昔比晚會黎出席嘅都以女fans居多,但原來唔係,好多買票睇哥哥慈善電影場甚至夜晚嘅一早排隊等入晚會嘅都有好多男人同男仔,最為感動嘅係,當中有幾位年介七八十歲嘅公公婆婆都不介意排隊等候,專程黎出席呢個紀念活動,尤其一對八十一歲行動不良於行嘅老夫妻,因為知道係户外活動要坐樓梯极,所以就帶埋旅行椅子黎,幾有誠意呀!當然我地都安排佢入座有背嘅椅子啦~~我相信今晚因冇票入場而不介意要在圍欄外企足兩個鐘嘅人,並非全是哥哥歌迷,當中有一家大細,有年輕情侶,有夫妻,有男有女,都是為著紀念哥哥而來,睇到在一個有限嘅地方一晚擁著千多人嘅場面,加上佢嘅歌聲,不禁又再令我流下了眼淚來......=.=

"哥哥,不經不覺你都走了三年,大家都並沒有將你忘記,仍然好掛住你呢~~你好嗎?"

自己好少有一個永遠嘅偶像, you are the one and the only!

一週報告

經過一週搏鬥,終於有時間做些自己嘅事,就如寫blog!
呢一週做到死下死下嘅,當然不必多講,梗係趕公司project啦!原定30號星期四過澳門見客,於是乎按自己schedule出presentation,雖則自己都嫌自己進度慢,但如無意外同自己加快去做,估計問題不會太大~~可是世事往往不如人意,就在臨交前嘅星期二黃昏,阿頭返到黎同我開會作見客前嘅準備,話過兩日見客要show到這show到那,佢想present嘅跟我propose嘅完全不同,結果唯有硬著頭皮在只有不足兩日嘅時間從頭再做過,工作量相對地比我預算遠遠超出一倍!!=.=收到這個惡耗,所有stress又即刻返晒黎,因為根本要在兩日內完成佢嘅標準係冇可能嘅事!!最慘全公司除咗自己,冇人係inti人,冇人可以同我share到,加上arch同事都各自有著做不完嘅工作,根本幫不上!!真係好灰呀......

結果...一如之前所料:
Tue做到凌晨3點,
Wed通宵,
Thu(早上返屋企沖過涼後即趕回公司,全日過澳門見客直到夜晚11點幾先返到屋企)

經過一連三日嘅搏鬥,真係做到好詛喪同肋皮力竭,真係好攰...好攰...!
至於見完客嘅成果就不提也吧,完全大改!!決定呢個weekend一切都置諸不理,好好利用Fri & Sat 嘅day off休息一下,一切都留待星期一再來過～～

好懶的一個weekend

好懶,好懶,真係好懶!呢個weekend其實無論公或私都有好多嘢要做,但結果兩日都冇做過應做嘅事!=.=真係覺得自己好冇責任,明知其實今日唔做,明天一樣要做,仲要好趕咁做!!因為手頭上嘅工作總係做不完的,好灰!!唔知關唔關天氣事呢?!黎緊三日都可以foresee到冇覺好瞓,至少朝九晚十二嘅忙命生活又捲土重來啦,諗起就可怕!!!

突然呢一刻好想有個合適嘅人選可以借個肩膊俾自己倚靠一下,乜都唔想諗~~
哈哈....白日夢小姐又來了!

瘋狂購物

(陰雨)
呢兩三日天氣都唔好,頻下雨兼帶點寒意,心情都moody起來~~
繼早幾日一連買咗兩對鞋後,今日還趁著星期六下午忙裡偷"懶"去逛咗兩小時街,今日唔知點解好有購物嘅意欲,明知要花＄配新眼鏡片,都可以在兩小時內花咗成仟大元,買衫買飾物買袋還有,想買好耐嘅手錶呢!返咗呢份工後都冇時間shopping,難得有時間行兼在有限嘅時間內買到想買嘅嘢,感覺好爽!雖然仲未到期出糧,但返工做得咁辛苦,梗係要買d嘢來獎勵下自己啦,應該唔算過份吧?!

樓市復甦去睇樓

(陰雨)
呢個星期好快就過咗,但就唔知自己日日返工做咗d乜,尤其係忙著東奔西跑揾materials,call sales同見客,仲走去一連睇咗三個樓盤~~睇樓盤當然唔係為自己啦,莫講而家樓市復甦,樓價低都買唔起一平方尺,好似早兩日睇嘅樓盤"嘉享灣"同呢期廣告報章"褒"到好行熱賣中嘅"君滙港",單係一房兩廳建築面積600多尺以次等景觀同低樓層為例,最平都賣成4佰幾萬,即係8仟幾蚊一平方尺,嘩,點買呀!
話雖如此,放工時間去到展銷廳發覺都好多人真係認真坐低問價落訂,sales嘅人數梗不在話下啦!

其實都有好多年冇去過睇樓,細個時就常跟家人親友去睇新樓,今次仲係自己一個以工作身份"貢"去睇,感覺好唔同,好似真係自己有能力去買樓而睇咁,哈哈!咁勤力去睇樓嘅目的就只係知己知彼,做下research同拎份樓書,但為咁要應付d sales,結果要作咗兩個故仔同講兩個大話,為的是要convince果兩個sales我係有意欲買佢地公司嘅樓盤!=.=其實我咁做後都好guilty,良心不安架!不過冇法啦,為咗揾兩餐,講善意嘅大話都少不免架嘞~~(話實,一睇我個樣都知我唔似到可以買到樓嘅年紀啦!)

做咗死蠢

蠢咗嘞!!以為阿頭叫我last Friday放一日假,Sat先返啦....誰不知....已經10am先返到公司,可是仍然未見其他一齊OT嘅同事返到,佢地應該放埋Sat,於是咪1點準時走人囉!走時同老外老闆同,佢竟然同我講"i think u're not supposed to be here today",因為佢以為我會放埋Sat半晝囉!!!即刻冇聲出同唔知可以有咩反應,唯有回應一句"it's alright, i want to tidy up the space and follow up the material order",完全地做咗死蠢呀!好彩果３個鐘都快就過咗......otherwise,更"蝕"呀！

阿頭叫我放日假咪放一日囉,鬼知原來老闆suppose我放多日咩!好似今日兩個同事仍然未返工喎,即係我又做咗死蠢囉!!!人地又放多一日啦,唔知佢地係咪仲繼續放添呀,係的話我就蝕足幾日假嘞!!深深不憤添~~~=.=

充電

經過一連兩三星期衝鋒陷陣式,捱更抵夜做通宵嘅工作生活,趕完手頭上嘅project stage,暫時可以叫稍稍鬆一口氣,上頭都見我地捱得辛苦於是趁佢呢個weekend出trip見客,昨日就放返我一日假,終於都可以休息下,一日咁多啦!

不過老實講,咁捱法,事後休息返十日都補唔番,尤其自己唔再係十幾廿歲,一兩晚唔瞓第二日已經好似冇晒電咁,皮膚仲差咗,朋友一見我就話比起未返工前,好明顯個樣"殘"咗好多,但講緊只係前後不到三星期嘅事!! =.=

於是就趁好難得有一日假期,昨日就好好利用咗盡情做d返工冇時間做嘅事,例如同家人去飲茶同電髮加埋配contact lens,今次同三幾年前一樣,受壓力賀爾蒙影響下電咗個爆炸裝,不過其實又冇之前果個咁勁,反而今次curly得黎鬆d,都ok嘅......原本打算電髮後再爭取時間去shopping,可惜一電就電咗三個幾鐘,想行的店舖都差不多關門,結果只好回家了!雖然今日一連大出血,但辛苦錢揾得黎都係駛,駛得開心咁都係值得嘅,就當買d嘢獎勵下自己咁啦~~~

OT

昨晚原本以為做妥deadline要完成嘅嘢就收工回家食飯,誰不知......8點鐘臨行前上頭先走過黎同我講份圖要出rendering即晚send俾個client,即刻"O"晒咀,即係要我OT唔洗走~~~其實要做都唔係問題,只不過都唔係last minute先同我講架!!做呢份工有好多講不出的難處,返咗2weeks好多公司做事模式同架構都冇正式有人同我講解過,好多嘢同以前做嘅公司好唔同,仍然係摸索階段,都未熟習同上手,但已經expect我做到佢地嘅模式而唔洗digest,真係令我有吃不消嘅感覺!

......結果,一做就做到凌晨4點幾先走,簡直收買人命呀!!真係好攰好攰.....好彩有個同事同我一齊OT,唔洗咁慘一個人~~於是由5點鐘一瞓就瞓到11點幾先起身,弄這弄那先施施然換衫返工,雖然可以返晏d,但其實加埋之前一晚趕freelance通宵,連踩兩晚真係敷十塊SK II都補唔番呀!=.=所以今晚一於唔理,7點幾就拿拿臨走人,一於明天的事明天做,反正賠命都冇人會多謝自己的~~~

谷爆腦

雖然係Sunday,但鬧鐘依然7點幾嚮醒咗我~=.=
樣樣都趕但又做得不好,精神壓力極之大,大到就快谷爆腦嘞,好辛苦呀!!!
星期日,尤如星期一二三四五...路仍是要繼續行,唉.........................................

陰天

今天十分之不開心! =.=

back to the stress

dont know why.........really wanna scream & stress out at once!!!!! veryyyyyyyyyyy tired! =.=

四天=四個月的充實

唉...不知不覺都好多日冇update過個部落,原因只得一個......返工做到冇停手!!由第一日返工已經OT到10點,星期六仲返足全日到9點添!!@.@放咗工都要做埋d freelance job呢~~我諗呢幾日忙住做咗嘅嘢係相等於返咗香港4個月以來所做過嘅咁充實,完全同一星期前嘅自由人生活有天淵之別!!未返工前又好想有工返,到一返咗份工就連歸家晚飯時間都冇,仲要放棄只係上咗兩堂嘅普通話呢!(其實個老師教得唔錯,奈何......=.=)而家完完全全覺得自己過返典型香港人刻苦又刻板嘅生活!其實有諗過自己點解要take呢份工同會唔會後悔,但諗深一層既然take咗做返呢行,就要預咗收入同時間一定唔成正比,而且其實呢間公司所做嘅project又確實有發揮嘅空間,有別於以往公司所做嘅commercial job,希望呢種小小挑戰係一種原動力令自己覺得值得投資落去吧,不然就是一個錯誤嘅決定嘞...

其實返工前同六美圖去咗廣州一天遊,返到黎好想寫下感受,可惜一直忙到未停過,而家都冇咗當時嘅mood去寫了!總括而言,雖然好似冇咩做過,的來的往兼飲飲食食,但總算是個難得一聚嘅機會(六美圖未試過一同外遊呢)!六個白癡婆走埋一齊當中又有好多笑料,十幾年都冇變,都幾開心呢!^.^

開口中

嘩啦嘩啦~~~開口中,好嘅唔靈醜嘅靈!剛收到早前in過果間蜘蛛網門公司電話請我返工喎,哈!我好神氣咁又推咗嘞!

呢兩三晚都好攰,明天仲返大陸玩,死啦,都未做完d嘢仲去玩,個心總係好似玩得唔安樂~~=.=

嘈音滋擾

今朝被一連串響聲嘈醒,先是剛入夢不久,半夜四點幾就俾個響到全屋都醒過來嘅電話嘈醒,趕起身聽但又冇人回應,激死!接著未到9點半,又被樓上鑽牆聲震醒了!!!連日來留在家做freelance都已經夠攰啦,仲要被樓上由9至6嘅嘈音折磨,簡直忍無可忍呀!!

雖然冇覺好瞓,但都發咗個驚人嘅夢~~~夢到自己坐媽咪車時發生交通意外,大難不死...好險呀!=.=
唔知會唔會"必有後福"呢?

呢兩日都好似好忙,昨朝仲9點返到新公司briefing,點知叫我9點返到嘅人差不多10點先返到呢!大部份人都唔準時返工,見到有同事11點先返到,原本佢地近兩晚開通宵趕工所以先遲返,死啦......我未正式返工已感到果一股強勁工作壓力咯!

結束自由人生涯

哈哈哈!我就快結束自由人生涯(衰d講句咪係糧地~),終於首得雲開見月明,有份full time job,下星期返工啦!定係叫柳暗花明又一村呢?!^.^ hahahaha.....

好在果間蜘蛛網門嘅公司冇打電話黎,等自己少了個在別無他選嘅餘地下去考慮做唔做......咁講好似大有想頭咗d,但都希望唔會發生~~~

今次呢份工一見即請,對方仲好急咁期望我盡快返工,仲越快越好呢!嘩,傻嘅咩!雖然我呢個真係悠長假期,但碰著近期嘅繁忙嘅"自由人生活",都至少俾數天我做埋手頭上嘅工作先,不過佢都好深明大義我嘅處境,最後都決定下星期先正式返工,睇黎我真係要開turbo快快手完成呢筆脹嘞~~事後仲發覺原來confirm咗今個weekend同"五美""遊埠"呢!傾schedule果時完全冇咗件事,好彩係去完返黎先返工咋!仲有仲有,今個星期開始要返兩晚學呢!唉,做乜突然間d嘢堆埋晒一齊來,好tight呀!做番份老本行後都唔知仲有冇時間上堂呢?!睇怕冇嘞,因為做得呢行都冇聽過唔洗OT架,in我果個人兄仲話公司d同事帶埋拖鞋返工方便在公司瞓喎!!死啦,懶咗兩三年嘅我,諗起咁嘅working life就恐怖,人大了,怕頂唔順呀!=.=

見工奇遇

今朝十點未夠又被樓上裝修嘈醒啦!!!阿媽仲晨早開枱打麻雀,可惡!!

昨日去見了一份工,嘩!勁驚呀!事原前日收到call,一聽到當對方講出公司地址時已經多少唔想去in,因為係在一幢大角咀嘅工業大廈天台內!!!心想大概都不會是好東西啦,可是還硬著頭皮去見...... 一如所料,上到十一樓出要行一層樓梯先到十二樓天台!先是找到一度生銹鐵門上有蜘蛛仔正在爬行,再試按掛在門側但又似壞了嘅門鐘,沒有人應門,自己仲忘記帶對方嘅聯絡電話,心諗應否就此走了還是應該等到對方來電呢?!幸好見到一位剛上來"天台"雜物間找東西嘅清潔阿姐,一問之下才知此門內原來仲有三對門,怪不得我拍了好耐門都沒人回應!!阿姐見我一臉無奈,就用鎖匙開了此蜘蛛門,然後真係見到三對門,結果我就再敲一次最後嘅門,就有個後生仔開門了.....

門一打開看不見房,一個四方空間只坐住五個人,驟眼見到兩個大概是老闆嘅男人加一個著suit嘅男仔(應該係interview罷了),佢地嘅對話幾乎可以清晰聽見,我在等之餘便四圍望,一片凌亂兼有點兒"骯髒",心想後悔來了見這份工,倒不如慳回時間回家還好,....結果等了半個鐘先輪到我,而見工過程同表現就ok啦,只係簡約到冇填form同冇提及過salary囉!但似乎個老闆好急住請人用,還問我幾時可以返工~~嘩,若然佢真係打黎請我,究竟做唔做好呢?自己係咪寅係容忍到在"重門深鎖""一片凌亂嘅工作環境下工作呢? =.=

無形壓力賀爾蒙

無形嘅壓力賀爾蒙空線上升!唉...雖然我都心急想快d揾到工,但係未遇到合適都冇辦法架...個個朋友都問"點呀,仲未揾到工呀?",然後經一輪解釋後就有第二句"咁慢慢揾囉"!佢地都奇怪我何解返黎咁耐都未揾到,因為按而家HK嘅economics,應該不太難揾吧~~的確係!career market係好咗好多,我亦到過不同公司in,但正因為機會多咗相對地轉工揾工又多咗,在公司有得揀candidates嘅情況下,自然competitive啦!都係果句,我揀人時人揀我囉......每每人家問起,我都覺得帶來咗好多無形中嘅壓力!其實只想講嘅係...我冇躲懶,並不是游游閒渡日,一直keep住揾工同做freelance,只不過對揾工有所期望,希望大家明白啦~~呢種壓力源自身邊嘅人多於自己,其實我想寫出黎好耐,不過又唔想朋友擔心,但呢兩日d聲音又傳來耳邊,所以不吐不快!

full time home office

唉...不得不歎一句..."人都癲呀!" 雖然未揾到工,但係近期做d freelance等同做full time冇分別!連日來由起身到半夜除了食飯沖涼同睇電視外,大部份時間都坐在電腦前做嘢,就快"發霉"悶死了!奈何冇辦法,鬼叫自己窮咩,手停就口停,自己唔食都想拎錢返屋企啦,返黎呧咁耐家人都冇問過拎錢自己都唔好意思!工作又時不與我,放棄了一個chance又唔知幾時先再遇到!(哈哈,講到好似愛情咁~)其實多少都有點心灰,想要嘢嘅又遇唔到,唔想嘅機會又來,真係天意弄人!唯有再樂觀d等啦~~ 唔知耍要做多久自由人呢?

今朝好激氣呀,為咗趕圖俾阿老闆已經成朝早6點先瞓,正一返正職都冇咁勤力,好似細佬講..."成身散晒嘞"!原本諗住可以瞓留六七個鐘先再做,誰不知踏正9點就已經被樓上裝修鑽牆嘈醒,好討厭呀!,damn!!不過死都要"賴床"到十二點先捨得起身,接著咪又係繼續對住電腦囉......經阿媽打探之下,樓上打算花上三個月大翻身間屋,睇黎今次有排受咯!

記得當初要由HK快速緊張嘅節奏去適應外國慢條斯理好游閒嘅lifestyle實在容易,相反現在要習慣從慢中轉回以前嘅channel,實在令我吃不消!尤其工作上....其實以前一直都過慣衝鋒陷陣嘅工作步伐同壓力下工作,點解現在反而感到樂樂不願呢?!......唔係做唔到,只係冇心又怕了似的~~今時今日咁嘅工作態度在香港揾食,真係唔得架喎!懶散嘅心情點先可以get on the right track呢??

攰!

好攰呀, 攰死我啦.....................!!!

窗還沒修!

昨晚半夜(應該係今朝零晨),唔知做乜瞓落床兩個鐘頭都瞓唔著,結果左碌右碌,三點幾仲係眼光光!
今朝十點未夠又俾個黎check鋁窗嘅師傅嘈醒,真慘!
冇錯!隻跌爛咗嘅窗到今日年十二都未修理,阿媽原先仲諗住過埋十五先叫人黎修理,搞到每晚都好清晰聽到街外嘅嘈雜聲!可是我跟大姐唔想忍受下去了,都係早日搞掂為妙~~點知報價整兩隻窗要花上仟多二仟,都係等屋企嘅話事人決定罷了!唉...新年流流又要破大財嘞!!

Thanks

**I just realised that u've caught up all my blog in such a short time after I told u my blog, u surprised me! I'm kinda confused what I really want to take and give on this stage at the moment, although it has been a long and decisive matter & we eventually couldnt work out a perfect solution. So I think the decision I made (or we dued) would be the best choice for us for a long run, I do hope it's not a wrong decision and who knows~!~ I'm so glad to have u, a considerate person beside me all the time, always! & ...
thanks for everything!

不切實際的金牛座

呢幾日心情持續發霉~~除了對著電腦電腦,又是電腦!睇黎真係要揾d有益身心嘅活動做下至得...
做到攰時又忽發其想,發下白日夢諗d不設置實際嘅嘢都幾好,不過自己又有d唔明白,明明係典型金牛座,應該係實實際際,按部就班嘅性格,又點解會成日鍾意發白日夢呢?!

我成日都諗,如果可以多少預知到自己嘅將來都唔錯,尤其係當遇著迷茫嘅時候,真係好想有人指引,是好是壞都至少有個明白,好的結局可當作一股衝勁,用心落力去將其完成,相反知道壞結果時,就自然成為另一股勇氣力求改變事實,呢個諗法合唔合邏輯呢?!對於近期嘅景況都似乎有點無奈,如果而家有人指點下迷津咁幾好呢~~~^.^

發霉星

今年在港過嘅新年冇比想像中咁興奮,未返黎香港前一早諗定今年新年要點大吃大喝,補足前兩年冇玩過冇大食過嘅機會,誰不知...今年過年大部份時間都同親朋戚友一齊過,自自然冇玩得呧咁癲~~眨眼又過咗嘞!

hea咗幾日,呢兩日先開始做應承阿老闆要原本今日交貨嘅freelance,唔知係咪仲係holiiday mood,覺得自己好散慢,仲有D覺得好似今日星座所講金牛座嘅"發霉星"一樣~~究竟以前嘅衝勁去咗邊度呢?!

不吐不快

今晚本來明明熄咗電腦沖涼,但又因為同咗某某msn傾咗一些感受後有所感,於是三更半夜都係要再開機寫低心中忐忑~~

佢問咗一d問題(p.s.唔係咩情人關係嘅問題),我又好坦白地講出自己嘅睇法,可惜換來嘅係鬧出不快嘅氣氛!>>>>>>
其實我唔明你這邊廂對我期望某些事,那邊廂自己又做唔到,咁點解要咁自私有所要求呢?!!要知我睇法時,到我講出你又唔啱聽,因為對呢件事上你根本就有一個期望我同你一致嘅standard answer,咁大家講黎有乜意思呢!!都唔知點解同你會咗咁嘅,一傾得認真d就火星撞地球水溝油!或者係係一直冇變過還是我自私咗呢?!其實我只係安於現況,唔想大家有什麼改變,咁唔係對大家都好d咩?~~

本來呢兩日有件開心嘅事值得高興,意外收穫咗一部二手新電話,本來諗住揾到工後獎勵下自己出買部新機,而家唔駛花錢買仲有新機用,開心都黎唔切,但就因為一段對話打亂了興奮嘅情緒,諗落都唔值得嘅~~~~算吧,熄機瞓覺!

恭喜發財

新年快樂,新春大吉,狗年行大運,心想事成...
昨晚唔知係咪做咗成日大掃除,好早就眼瞓了!又唔知係咪掃一寸寸厚嘅塵時吸咗d塵,搞到成晚至而家喉嚨都好唔舒服,好唔鍾意新年流流有呢種感覺呀~~~今晚要出去同大堆親朋戚友食個年飯,順便今年仲可以親手埋利是呢~~~

落地開花

雖然新年流流,但都不得不說一句"激死"!!年廿九,一家上下今日都好落力乖乖留在家大掃除,就連平日唔執屋企嘢嘅大姐都主動地抺窗,咁我當然要做好本份抺埋一份啦,誰不知...兩年冇抺過自己嘅窗(我唔在的兩年有冇人抺過就不得而知嘞~~),穆一隻都未打個全開就""一聲脫下然後再成隻"砰嘭"一聲由三樓跌咗落街,把我嚇得半死!連忙探頭出窗外睇看看有冇傷到人或車,好彩窗口係向後座內街,未有傷及任何人亦冇乜人知,於是襯未有太多人發覺就同媽咪落樓下收拾殘局兼毀屍滅跡,因為鋁窗跌落街係犯法架,點知原來個管理員完全聽唔到有聲喎!好跌唔跌,年廿九先黎跌,臨時臨急邊揾到人上門整番隻窗呢?!仲要呢兩日會下雨添!結果...用咗個好低B嘅方法,就係用牛皮膠紙將塊大膠布四面貼實,唉...希望呢兩晚唔好落雨啦~~~~~
咁樣一個落地開花,唔知會否係一個不祥嘅兆頭呢?!好擔心添......

行花墟

昨日同媽咪去咗花墟買年花,嘩,可以用"墟坎"來形容!人山人海,迫到有如置身年三十晚嘅維園,搞到我走出人堆後個鼻又再一次打噴嚏咗成晚!"o"
迫咗兩個多小時(根本成條花街只係行咗一半,其餘一些小巷還未踏足到呢~),終於買咗今年流行嘅"串串金"同"富貴子",串串金一大顆黃黃的,好似桃花一樣;而富貴子就細細粒紅紅的,驟眼看似一串串mini冰糖胡蘆,好可愛;媽咪話今年d花價貴過上兩年,有d幾十大元一枝枝計,亦有d三五佰一束,其實咁計,一條花街一日一萬幾千人光顧,保守估計每人平均花上二三佰(有d盆花如籣花更要花上一仟大元!),總生意額都非常可觀,花販一定賺到笑啦!

另外仲買咗一種叫"大象耳"嘅綠色陪襯植物,形狀幾特別,還會長出小花頭呢~~之後仲為咗d花買咗個大花樽,點知買到返屋企插晒d花先發覺樽口太大,搞到看似好凋零,好唔順眼睛!為咗稱心滿意,結果......又為咗個花樽再行多一次去花墟買過幾枝咗壯大整盆花嘅氣勢!雖然屋企行到花墟只不過十分鐘,可是抬著一枝枝比人高嘅串串金來回兩趟,都已經把我同媽咪累透了!最後用咗三佰多大元砌出一盆年花,都攰得開心嘅~~~

新年辦年貨

哈哈...新年就快到,唔知係咪受街外環境氣氛影響,好有shopping意欲,加上在鬼佬地方過咗兩年鮮為人知嘅農曆年,所以對今年新年多少有點興奮,於是呢幾日四出辦"年貨",博晒命咁俾藉口自己買咗好多嘢,衫仔褲仔同鞋仔都有!^.^其實仲有嘢想買,不過諗到月尾找卡數就死伙,所以都係收手吧~~

昨日in咗一份工,大概機會平平啦,都唔敢奢望!

***都唔知乜解究,一轉版面嘅title就乜都睇唔到,但轉番原本個名又睇到喎,激死呀...想轉下個title都唔得!!!

同日發市

今日天色陰沉,起身後上網同tazed聊咗幾句佢就話我心情似乎幾好,其實我只起身不久仲傻下傻下,還以為佢順口開河,點知...佢又幾準喎!下午一連收到幾個來電,其中一個係阿老闆揾我過年間做freelance,說時遲那時快,下一個打黎嘅竟然係月頭apply果間公司叫我去interview,冇錯~~係月頭嘅事了!收線後心一想,好似突然出現一道曙光,一係幾日唔發市,一係機會就同一日咁黎!跟住一鼓作氣下連apply兩份工,希望快有回音啦~~

最近聽到朋友講佢嘅家庭煩惱,忽然覺得自己其實擁有一個好健康正常嘅家庭,已經係一個bonus,應該值得慶幸!人生不如意十常八九,其實做人只要凡事睇開d睇遠d,好多嘢自然來得開心!
所以你要頂住呀,一覺醒來又係美好嘅一天!支持你...

版面大革新

呢兩日顧住修整個blog嘅新版面(見未有工返冇咁忙就來個大革新),以為呢度好似yahoo/sina/msn果d版面咁易下個掣就可以轉換,真係低估咗轉換嘅難度呀!!呢度嘅system好麻煩兼費時失事,要自己轉到html版面先可續一修改文字圖像顏色等項目,又唔可以將jpg/gif.簡便地upload為background,要先轉為host link方可post出來...結果......係花咗兩晚時間去熟習更改嘅運作!!gosh!!!對於冇學過電腦程式甚至web programming嘅我,真係有難度,下次有時間都咪再搵ｄ咁嘅嘢搞嘞!　=!=

就係抱住一日未征服到新事物一日都不肯罷休嘅心態,呢兩日就咁貢獻咗俾d無聊事上，搞到拖慢咁頹積極揾工嘅進度,不過挨年近晚,不到十日就過件年,相信登報請人嘅機會不多,還是耐心等到過咗年吧反正自～嘅holiday mood一早就出咗黎,早兩日仲走去冇＄學人辦年貨...嘿...服未!不過想買嘅就買唔到,冇預買嘅就買咗返黎~~

作怪

(陰)
唔知點解近期心情總是覺得"厭厭"悶悶咁~~冇工返應該比起其他打工仔來得游閒冇乜工作壓力,自己都唔明點解心情總係忐忑呢!難道我係賤命格?!要忙得死去活來冇時間諗嘢先得?!!
當務之急就係解決咗一個決定先,日子臨近只是不想作出結論而已!

2006星座運程

踏入2006年頭,當然要關心下自己嘅運程先,於是四圍搵下睇到以下預測:


愛情運---金牛座2006年因為戀愛宮位受到月亮感應點以及小行星的多重影響，愛情上可能會遭遇到一些特別的現象，關係的演變也多出乎自己的意料，使得你感到緣分或是宿命的奇妙。單身的你:很有機會遇到奇妙的緣分，對象也十分特殊，而你也有可能會不明就裡地，進入新的一段關係當中。

財運---一切繁忙的你，無論有沒有刻意花心思到財務上，也一定都會忙到這一方面的。那不如先花點心思來規劃會比事到臨頭才採取因應措施來得有保障多了！火星對財務宮位有所影響，可能會有揮霍或漏財的情形，這到了四五月之後，就會逐漸趨於平穩

事業運---2006年金牛座似乎特別繁忙，然而真正讓你吃力的地方不在工作本身，而是外務特別的多，能有經濟實效的工作，反而沒辦法用太多心力去投入，這也是你煩惱的原因。比起事業上的工作，家庭事務花費你更多精神。裡裡外外都要奔波，只能說是「能者多勞」囉。

嗯...甚麼為之"奇妙的緣分"呢?對象身份特殊?難道係G4特工?!

無事忙？！

oh...唔覺唔覺原本有成個星期冇上黎,唔寫即係冇特別事值得記低或是好忙,但諗番呢幾日做過乜又似乎記唔起,只係可能太零碎嘅雜事加起黎都不足為記~~其實印象中自己呢幾日都幾忙,正一無事忙!

首先本應應承咗朋友幫手諗個talk show嘅setting,點知自己可能太耐用腦做design,加上曾經熟練過３D嘢再用起來竟然笨手笨腳,冇晒水準兼做不出樣來,結果拖到而家都未交課,諗起都羞恥呀！

另外,就同ｄ朋友仔食下飯,努力咁完成第八條頸巾,見咗份不見也罷嘅工咁啦~.~好彩今日總算對自己有ｄ貢獻,付出咗幾個鐘去教下畫畫,搵番ｄ食黎填補連日來嘅娛樂費,雖然都係搵埋唔夠食,不過叫做好過冇啦

選擇放棄

今日天氣突然寒冷,先提醒到冬天還在!
一整日持續咁腰骨痛,用盡方法都唔掂,最終都要食藥止痛~~
下午終於作出個嘅決定---選擇放棄!放棄咗個諗咗好耐都找不到結論嘅choice!...放低了一個,似乎還有另一個決擇呢! _#_

安慰七獎

哈哈!今日同家姐搖控媽咪幫我買張電腦票六合彩,諗住博個運氣,竟然真係博到中咗三個字打收番$20打個和,反而買票嘅媽咪就落空喎~~真係羨慕死一注獨得果位人兄呀,五千萬呀!

夜晚同班舊同事食飯見到初為孕婦嘅老闆娘,一副幸福少奶奶模樣,唔知自己幾時先唔駛為糊口而疲於奔命呢?!

復發

死伙!昨晚食完一頓豐富嘅buffet後,今日飲嘢時又"濁"親,之後又開始黎料咳番,喉嚨成晚好唔舒服仲feel到有d痛,慘啦...唔想再俾$睇醫生嘞!

熱鬧的除夕夜

HAPPY NEW YEAR!!

由昨晚除夕玩到今朝5點幾先返屋企瞓覺!嗚...好耐未試過,前兩年x'mas同new year都過得好平淡,今年都算玩得癲嘞!除咗同班老朋友一齊過之外,仲約埋TI嘅朋友仔加埋佢地d朋友一行廿人一齊食晚飯睇laser fireworks,雖然d煙花就失色咗d,但可以同一大班自己黎自五湖四海嘅朋友歡聚一番,果種感覺都幾特別!^.^
食飯間餐廳在中環碼頭,除咗貪佢個view睇到煙花外,個set din就真係麻麻地嘞~~原來我呢期真係有d抽獎運,繼早陣子抽中cash coupons後,昨晚又被抽中得咗份小玩意,當拎番個彩咁啦...

食完飯十點幾大家就嘗試向Time Square進發,希望可以迫入中心地帶,可惜黎趁虛嘅人太多嘞,根本未埋到去附近街巷已經被人潮塞住了!好在有朋友諗到向警察叔叔撒謊話在Time Sq一間cafe book咗位,咁先可以順利"攝"入Russell St.,仲俾我地走咗入一間蚊型糖水舖扮等位光顧,邊等邊玩game好快就踏入count down時刻,臨尾仲"摃"埋上糖水舖果幢唐樓天台睇蘋果倒數,雖則被外牆廣告擋住大部份,但到少唔駛同萬人迫先,count down果一刻望下去整條街萬人空巷,場面幾咁壯觀呀!

開心count down過後,轉移陣地到朋友屋企繼續盡興,閒聊一番後就各自回家了!零晨４點幾在MK落車仍然可見滿街都是人,香港節日氣氛真係冇得"彈"!

2006到咗,等我訐番個願先~~