聖誕過後

聖誕過後,朋友問我31號的行程,我說我沒有特別計劃,反而想靜靜地過......

勇氣

上星期終於分開了
沒透露半句,確實不易
拿出勇氣,令大家切切實實面對將來
心情矛盾,其實捨不得,但又不得不自私

Merry Christmas and best for all.

x'mas lucky draw~~

終於等到四天假期嘞~~
今年公司在美麗華搞嘅x'mas party氣紛,獎品同食物各樣都唔錯,自己部門十幾人中都有六人都抽到獎品或現金禮券,在云云350人中自己都好lucky抽中$500Broadway禮券,不過又係Broadway,因為昨日部門party時已抽中在Broadway買嘅電子辭典,好可惜冇得更換其他產品,唯有當抽到個luck啦~~

有驚無險

好快就12月中旬了,今個月係我做咗呢份工(快兩年了)以來過得最輕鬆的~~

金融海嘨影響,公司宣佈未來半年香港區都沒有租新鋪開,繼而轉戰大陸市場開新店,此舉不但率先為我帶來12月的清閒,同時亦帶來裁員的恐慌:聞說每個部門都會陸續裁人,而自己部門已有人身先士卒:

上月底某日下午先同某某同事交收新鋪follow up,可是翌日返到公司已從其他同事口中得知他已"人間蒸發"了,連同大家say goodbye的機會也沒有,好恐怖的一件事呢!接著另一位大有potential成為2nd target嘅同事下午自己棄權resign了(大家都在猜其實她早就收到情報,與其被逐倒不如先下手為強自己遞信,否則,那有咁巧合的一件事今日自己遞信,翌日下午某某同事就人間蒸發....)自然流失政策,聽聞其他部門都有發生,因舉公司其實可以慳返唔少~~呢d政治黑幕,到現在仍然是個迷~~~

不到一星期,接著又多一個designer同draftman被揀中開刀,條件非即時走,而是美言下給一個月通知,一個月後走,名義上就算是自動辭職罷了!此等條件是好是壞,實在見仁見智!可憐的是,大家見到被開刀嘅同事照肺後連日以紙巾拭淚,冇得不同意之下又要在這鬼公司多坐一個月,實在是無聊得很!何不補$給人家即時走呢?!

以為是一次過行動一個部門兩至三個,十個部門共三四十個,餘下的應可放心,誰不知上星期某早上,HR阿姐竟急召我地一眾seniors(連我共5個)上31樓開會,上司還緊張地叫我地各自list out自己 on hand work待開會report一下,原因是公司將有2nd round裁人行動~~當時聽到心下一沉,今次開始擔心自己會成為目標,因為自己不到工三兩個月就有雙糧,公司大有可能揀正我呢d在雙糧前走慳返一筆...再者,下年上半年冇新鋪開,要炒主打做HK job嘅我當然是順理成章嘅事,難道會炒其他負責大陸team嘅同事麼?!......

上到31樓開過會,原來HR阿姐心有定案誰是目標:四個junior中走兩個~~叫我地開會就是要大家商量一下之後人手分配嘅影響...阿姐同時又向我地幾個sen,ior派下定心丸,暫時仍是安全的一群~~後來從新上司"姿整佬"口中得知一個意外消息:"你放心啦,阿姐都話老闆第一個開名唔'兜'你,所以你唔會有事"......其實對阿姐一向所講說話有所保留,跟本冇放在心去深究說話嘅真實性,後來言談間再從某某口中得知也聽過同一番話,心裡大概以為是小沈意思,但原來...此話嘅版本是出自大沈,聽到後真是萬般驚訝,估不到原來自己唔係細老闆身邊紅人,只要平時默默作業都會有人留意到的,不枉我啞忍早前的不快同委屈,總算有點安慰吧!
anyway,在於自己立場,呢番話聽過便算,就算係真,今日不炒你並不代表明天不炒我...冇事係絕對的,更何況我只是一個小小員工呢....

做好本份吧~~

發現新大陸嘅大陸喱

早前經過金鐘地鐵站,見到有飲品機售賣玉泉一隻pina colada口味嘅罐裝飲品,出奇地以為新出就立刻買下來試試,仲影下給同事看看,一問之下,原來...已經唔係新產品了,即刻覺得自己變成了"大陸喱"...hahah....

只"想"

星期六日在家,其實可以做的事一大堆:
眼見房間桌面亂七八糟,想執又懶執;
新舊衣服房內隨處放,想修拾又懶修拾;
去完旅行該要沖晒相片,想整理又懶整理;
收到多處品牌的割價促銷廣告,想去執平貨但又怕迫;
看見窗外陽光普照,想出外逛逛又懶梳洗裝扮;

反而......老是想"黐"住張床大被蓋頭睡! @.@

究竟...是年紀大了的關係嗎?

十月的延續

都有好一陣子沒有update blog,感覺氣餒了~~

雖然近兩星期工作量終於稍為舒緩了,但延續了十月的勞累同低沉,整個人都沒精打采,假期總選擇留家,日子過得沒半點生氣...

十一月,快點過就好了......

十月

十月的日子十分難過!
雖然放了個短假,但...情緒起伏很大
快到明年就好了...

金牛座(03/21~04/19) 2008-10-01~2008-10-31

整體運：★★★
本月份重心放在人際關係上，不管是在工作、朋友或是愛情關係，除了要學習和人和平相處，同時也要學習分享成果，給予身旁的人任何幫助。工作方面除了自我表現優良外，適時對同事伸出援手，不但可以額外增加經驗值，同事也會對你另眼相看，對日後人脈發展有相當幫助。家庭方面，不管任何事情上都會給予家人支持與資助。


愛情運：★★★
本月份金牛座感情運勢平淡無奇，所有重心都放在工作與人際關係上，沒有多餘心力面對感情世界。有伴侶的你：平時雖然忙於工作，沒有什麼時間與情人聯繫，但只要空閒下來就會趕緊安排行程，不管是去旅遊、風景區或是展覽，只為了能跟情人相見聊心事。單身的你：身旁雖然有不少追求者，但是始終無法讓你心動，生性固執的你堅持耐心等待對的人出現，愛情才有花開結果的一天。

(copied from http://www.sina.com/)

又病倒了

又一次病倒了!
估唔到冇update blog有大半個月,呢個月好tough,冇時間同心情去update,反而估不到今日在又一次病倒,感冒又黎探我嘅情況下,終於update到個blog!!

兩個月來病第二次,成個weekend都在家不停瞓瞓瞓,以為因為近期嚴重睡眠不足以致周身骨痛,以為趁weekend在家瞓個夠就冇事,但還是病倒了,上次大病一場段後不到三兩星期,感冒菌又返黎探我,身體這陣子越來越差,真可惡!

今日sick leave終於可以在家繼續"長眠",好耐都冇試過三日都在家休息,原以為可以食過藥後好好瞓一覺,點知瞓著,電話響,收線再瞓,電話又響,好啦...以為應該不會再來,可惡的居然又響!!大家都report sick leave,總係有人要打來講公事,唔解決又唔得,結果一整個下午都冇好好休息過!!

其實醫生寫咗兩天假紙,但放假都不停收電話嘅情況,等如冇放,睇怕明天都要返工嘞!~~

身心攰得透了

好耐冇update咯, log in時差d忘記了password!試咗砍次先log in到~~

一整個8月份,一星期5晚有四晚ot到十一,十二點先收工,其餘一晚並非冇事做,只係叫自己應該置之不理8點走人拒ot,原因唔想令自己行返上一份工嘅舊路!!我真係真係好厭倦日日ot冇晒私人時間嘅工作模式了!!

自部門大變動後,兼顧咗好多份外事,但得不到體諒,心裡總有不甘,做得唔開心......加上長期嚴重唔夠瞓,結果...感冒又來了,前前後後病足一個月,咳嗽仍未好,再加上另一邊...有些情又弄得一里糊塗.....身心攰得透了,又瞓極都唔夠!唉...

所以,近期好down,放假情願留家"攤抖"都不願出街.

一切一切,咁我又可以同邊個吐呢?!

公司人事變動

好耐有update blog咯...因為近日公司有好多嘢做,加上人事大變動,事原就從上司"擦鞋仔"的突然離職開始....

前個星期一早上HR急call咗我地幾個designers開會,原來就係宣佈擦鞋仔已經遞咗辭職信,7月底即上星期就離職,所以就call meeting相討有關project往後運作之安排~~

得出之結果......由於已正式分brand工作,從前擦鞋仔的工作將自自然由各team head 分擔:
1)日後有關店鋪design嘅事宜,將會直接同老闆交待
2)負責approve自己team人的staff schedules,expenses等事宜,
3)所以quotations,budgets要同senior & apm相討方可上報老闆,
4)直接同各部門阿姐阿哥,brand managers直接due,

換句話,以上變動全都有我份,冇咗departemt head頂住隔一隔,workload大咗好多!!而家先明白到......原來擦鞋仔之前都有佢嘅用處架!!

唉...希望快d請到個department head返黎啦,好果唔係我地有排做"孤兒仔"呀!

最近

近期都冇咩心寫blog,可能係冇咩值得一提吧!

其實工作上有好多激氣事,好煩好煩,只係返到屋企嘅時候,都唔想再將工作渾到私人空間上了,就直情"不如不說"~~

份工越來越唔對勁,最近一個月晚晚OT到好夜,當初揀呢間公司嘅其中一個原因,都係唔想咁辛苦啫,誰不知....又一次証明自己眼光真係"獨到",份份工都做個半死! 究竟係自己唔識揀揀錯行,還是純粹倒霉呢?!

最近不停諗應否是時候轉工,還是捱多好幾個月等份bonus,...真係好迷惘....

所以...早兩日又決定去剪剪髮...

意外收穫

hehe...一件小小嘅意外,開心足一晚~~~~~
感覺好似好耐冇試過"帶著微笑"回家嘅心情呢!!!

英文字母各性格代表

剛從朋友部落中試了這個網站:

26個英文字母各代表一種性格，綜合起來就是你的個性，重複的字母只計一次。

kenix
K勇於嘗試新事物及新環境
E勇於面對挑戰
N你熱愛工作又渴望放假
I脾氣頗大
X你永遠不願別人告訴你應該做些甚麼

From [VLS]: http://www.vlshk.com/englishnametest.php?u=kenix

.......hm....一半半準啦:

"友共情"

剛準備logout一刻,腦內突然浮起一首歌:

"下雨天總掛念從前,球場上那可愛片段,
突然又已一年,祈望再會面......."

6月仍是下雨天

已經三個幾星期了,都仍然係下雨天!可惡呀,咁嘅天氣實在令人變得醃悶,沒精打采~=~究竟太陽幾時先出來放晴呢?!

呢幾個weekends都冇做過d咩,食瞓同食瞓.....都好似未瞓夠,上上磅發覺不知不覺間重了5磅呀,死伙!!晚晚差不多十點先食飯,又冇運動,放假又大吃大喝,唔肥都唔得啦!

近期越來越發覺自己好浪費時間,放假總係食同瞓覺,但滿腦子都係想做嘅事,行動又欠奉......唔可以再係咁,要有朝氣,要積極,要積極!!!!!

雷雨交加的婚宴

昨晚在雷雨交加的情況下出席eva的婚宴,識咗eva咁多年,印象中好似第一次見新郎真人,兩公婆都為今次結婚消瘦,尤其係eva,虎背消失,背骨重見天日!原來...結婚可以令人有咁大嘅原動力~~

anyway,好替佢兩口子開心...Happy wedding!

好煩呀

今日整日都為咗一件事耿耿於懷,個心囉囉攣,心情極差但又講唔出...... 睇怕今晚都冇覺好瞓...................

原來人窮...心情都特別煩!

唉...好忟好忟好忟好忟呀!!!!!!!!!!!!!!!!!!!!!!!

煩死嘞!!!!!!!!!!!!!!!!!!

窮到燶

呢兩個月死慳死抵慳埋D$,今日居然一日之內花咗二仟幾,好肉痛呀!!!

最近真係窮到燶呀!!!近兩個月都忍手唔shopping,免得行得多花得多,誰不知....今日一行就出事,忍唔住買咗幾伯蚊衫之餘,仲逞強出席找咗大佬餐生日飯,二就仟幾蚊就咁樣冇咗嘞....!好後悔今日做咩咁豪呢!!唉......日日帶飯都唔掂呀!!

四川7.8級地震後感

呢個星期,世界發生咗好多事,當中四川7.8級地震數以萬計傷亡嘅新聞,一幕一幕呼天搶地滿地屍骸的片段,實在令人心酸,好sad......今次嘅天災,沒有令我第一時間諗起內地早前嘅雪災,反而...係04年尾嘅南亞海嘯,印象好深好深=-=

***還記得當時自己仍在英國讀書,由於係new year假期唔洗返學,而日日留在家拚命做好平生以來寫得最多英文嘅graduration essay,當海嘯發生後連日來的每個報導,報章雜誌電台電視台嘅報導都一一在網上看過,當時個個同學都好埋頭苦幹,而我就日日就對著電腦密切留意事態發展,咩好情都沒有,覺得自己好遙遠,冇咩可以做到,唯一做到就係捐錢幫助,第一次透過網上海外捐款予red cross,感覺真係好深...

今天,天災又發生到中國人身上,實在令人束手無策,萬分痛心!自己幫不上什麼,就再來多數捐款,之前打算將生日所以收來的利是送自己一份生日禮物:捐到兒童癌病基金,如今就將呢份心意轉到紅十字會,呢份小小心意令我覺得自己醒神咗,因為原來做咗好事個人真係輕鬆d開心d!

best wishes, 願所有今次受地震影響嘅人平安,快樂!收拾心情重新振作,重建家園!

wonderful day

It has been so long not using webshots since my return from UK...

guess where is it?

http://outdoors.webshots.com/album/563382591coDMxx?vhost=outdoors&start=24

thanks to all my friends

生日週終於完成,一連大吃大喝咗幾餐生日飯,食到肚腩都大咗,係時候要開始將食量調番少了...

詭咗幾餐食之餘仲收到禮物,多謝咁多位!^.^不過唔知係咪因為知道我到咗須要勤化妝嘅年紀,大部份都係護膚品同化妝品多,提醒一下我要好好保養儀容先見得人...哈哈...

anyway, many thanks to all my friends and family!




p.s. special thanks to 堂姐 that tailor made a lovely b-day cake for me.

Happy Birthday~

2008年５月２日全民迎聖火

(居然俾我在屋企窗口影到聖火車隊由沙田段途經屋企樓下返紅磡繞道段喎，哈哈lucky!)


今日放咗自己一日假,雖然好似咩都冇做過,但在5月2號香港傳聖火嘅大日子,人人返工難得自己可安坐家中收看,都已經係一個bonus啦～～

初初對呢日冇乜特別感覺,但直到收睇到全港市民齊齊穿起紅衫響應迎聖火,果種動力原來係好震撼,先發覺原來自己都投入呢件事了,真正感受到身為中國人參與北京奧運盛事嘅喜悅,睇到好感動～～２００８北京奧運真的來了！

今年第一個生日蛋糕

昨日雖然一半同事出咗去工作,公司得小貓三幾隻,但都好有心買咗個b-day cake同我預祝,所以切咗今年生日嘅第一個蛋糕,許咗今年第一個願~~thanks!

晚上約咗班朋友食慶功宴,數數原來都4個幾月前嘅事嘞...時間過得真快~~
今晚bbq cancel,轉食晚飯......

豁開了

星期一返工,真係特別多麻煩事,一開個大會由下午3點半,居然可以開到7點多,坐足一整個下午乜都做唔到,仲要俾各部門衝著幹,成為眾矢之的,唉......

今日終於踏出第一步,豁咗出去,不論結果是好是壞,都總叫盡力了~~

還是始終短髮好

忍咗好一段日子,諗過留長小小做番個lady,但最終都忍唔住,星期日去咗剪髮,剪完......一身鬆晒!

其實之前諗咗好耐都未諗到想點剪,入到salon髮型師問我想點剪,就隨便講咗句:兩邊剪短,前面隨便修理一下就可以!....此話一出,髮型師就自行大膽創作,將兩側剪到短無可短~~今次,真係玩大了!

本週星座

身體要好好照顧的一週

整體運：☆☆
身體狀況不佳，要是能好好多多休息，身體的能力將更能發揮到最好。要多小心過度熬夜或是情緒上的變化，很容易會影響到睡眠的品質。

愛情運
有對象：☆☆
最近會因為得罪情人的家人而令你煩惱多多，和他的家人最好要保持良好關係，以免他也對你不滿。

單身者：☆☆☆☆
單身的你，有機會大大展現魅力，朋友撮合也會促進你的緣分到來。能認識交心的對象

健康運：☆☆☆
你可以選擇運動來養生，但還是要小心運動相關的傷害，千萬不可以太大意，以免身體受到傷害。

工作學業運：☆☆☆☆
重心都放在工作身上，完全沒有約會時間，但是有機會升遷加薪或遇到貴人，但不要因為壓力讓身體出現問題。

幸運日：0423只要你能夠認真地好好相處和對待，將會成就一段不錯的緣份喔！

發霉日：0419今天要小心越親近的人就越有相處問題產生，記住一有誤會就應立即解決

(copied from sina.com)
******************************************************************
怪不得呢幾日咁攰啦...

4月23日星座預測

2008-04-23 星座運程 {金牛座}

懷抱較高的理想與寬廣視野的日子。對自己的現狀較能以反省的態度來看待。特別是平常有著惰性、作息時間日夜顛倒、生活習慣不正常的人正是打破現狀的機會來了。

copied from sina.com

隨身拍

早前隨意拍下的相

新成員

昨晚太攰,一覺瞓天光,好滿足^.^~~

hehe...今日行supermarket時遇著日本食品節promotion,又為家中牛奶妹收藏多了兩位成員~~

無聊留言

點解近期多咗d無聊留言架!都唔知乜水黎嘅~~

夢回來了

好耐都冇試過了,近期又持續發夢......夢到a,b同c~~a就久不久就會出現夢中,b都出現過但要睇心情,而c就好耐都冇夢到,今次c出現嘅夢好長,瞓醒一刻都仲有記憶,不過而家諗不到個夢其實係咩一回事了~~~

點樣?

一連串哥哥活動後,生活又好似一切回復平靜~~

早兩日托同事買咗張六合彩票,哈!居然中咗三個字嘅安慰獎喎!中咗好幾次安慰獎都係透過他人買,反而自己買就冇咁好彩中獎~~

近期聽到不少人都話我個樣殘咗好多,就連茶水阿姐都話我個樣好攰好冇精神,死伙!....其實都知自己事,以前都冇日日化妝,而家為著個樣可以精神d,返工都keep住淡裝,點知都俾人睇穿了,難道要來個smoky eye返工先見得人?都已經不惜工本去做facial,但都好似......唉!

新寵

最近買咗部新相機GX100,哥哥自然成為呢部新寵嘅主角,大拍特拍~~

最愛佢24mm wide angle,成個紅館都影得晒,so good!

部機有menu function,可惜被我當作成傻瓜digital用...哈哈!唔得,要努力點學,將新玩具好好發揮一下~

~20080405~

~20080401~

~20080331~

~20080330~

~20080329~

繼續張國榮五週年紀念08'

《這些年來……繼續張國榮五週年紀念》

「The Live Moments。張國榮拉闊時光」露天播放會（免費入場）
日期：3月31日 (星期一)時間：晚上8時30分
地點：香港文化中心露天廣場(近樓梯位置)

「聲留。情動 ——張國榮音樂之旅」展覽（免費入場）
日期：4月1日(星期二) 下午3時至晚上7時4月2日(星期三) 至4月6日 (星期日) 上午10時至晚上8時
地點：香港文化中心行政大樓4樓展覽館

「1827天的懷念」星光大道紀念圖片展
日期：3月29日(星期六)至4月6日(星期日)
地點：尖沙咀星光大道(金像女神像側)內

「星影流金——張國榮電影回顧系列(四)」電影欣賞會
日期：3月29日(星期六)至4月2日(星期三)
地點：尖沙咀廣東道25號嘉禾港威電影城

「張國榮 - 星 . 聲傳奇」互動音樂活動（免費入場）
日期：3月28日(星期五)至4月13日(星期日)
時間：上午11時至晚上9時
地點：九龍灣國際展貿中心大堂 (EMAX)

獻花活動
*香港杜莎夫人蠟像館*
日期: 3月29日(星期六)至4月6日(星期日)
地點: 香港杜莎夫人蠟像館(哥哥蠟像旁)* 現場播放「1827天的懷念」視頻

香港文華東方酒店
日期: 3月 31日至4月3日凌晨
地點: 香港文華東方酒店

假期終於來了

終於等到嘞!等到四大天假期!正!!!

記得星期一講過仲要多等三日先放假,估唔到忙下忙下轉眼假期就開始了~~呢兩個星期花咗多好$$,入不敷出,所以呢個假期都冇咩特別節目,打算留在屋企好好休息一下~~

好消息vs壞心情

最近自己嘅眼光都幾靈驗,估的都中!估中邊個邊個新同事會quit,估中好友婚訊...etc.但偏偏估唔中六合彩!不過唔希望估中自己心想著的事~~

繼早兩日收到zoe懷孕的消息,昨晚又收到美玲出年結婚的喜訊!知道身邊嘅朋友得到幸福,真係替佢地高興,恭喜恭喜!衷心祝福佢地~~

昨晚一班朋友出來食飯,大家替美玲佢地高興之餘暢飲一番,玩到四點幾先散~~但諷刺的是,其實自己呢兩日心情好down! 借昨晚出來見見朋友詭下酒飲,都不好意思透露半句...

一覺瞓到下午一點先醒,打開窗簾見陽光充沛,原本大好一個星期日是應該要出外走走,但頭重重心情仍重重,好像沒有半點氣力,還是想留在家抖抖...

恭喜恭喜

呢兩三晚都好夜瞓,唔知點解收工返屋企食飯,睇一陣電視,沖涼,check下email, 睇下報紙surf下net,感覺冇咩做過,瞓落床都兩三點,都唔知d時間用咗去邊就過咗!!

本來今晚冇打算update,不過食晚飯時收到zoe嘅長途電話,好開心聽到一個gd news,佢有咗bb呀!恭喜恭喜!!^.^聽到呢個消息好替佢開心,婚後婚姻好美滿,而家仲為家庭多添一位成員,簡直係一個幸福小婦人~~身邊嘅朋友得到幸福,其實都好感動,祝佢一家生活平平安安,開心快樂!

好聽

近期覺得呢插曲都幾好聽(唔係唱得好),好易入腦~~

抱著空氣

作曲: 鄧智偉填詞: 陳詩慧 編曲: Johnny Yim
主唱: 鄭嘉穎、周麗淇

K: 談情時太美妙 但是已經告別了
痛愛每天困擾 是沒法可預料
N: 愛上你太奧妙 為甚要開這玩笑
看痛苦的破曉 伴著我的合照

* 合:曾快樂曾相戀 曾擁抱吻著你
曾吵架曾生氣 如今一一記起
如果心仍不死 容許我 掛念你
明知道迷戀你 而可惜沒法擺脫別離 抱著空氣

K: 說再見那暗示 現實要捨棄情意
N: 但是我想你知 事實我很在意

Repeat *

苦星期一

剛剛收工食個"宵夜飯",不得不上來呻呻......

過完一個weekend,今日一返工,就做到半死!今早一醒來已經覺得腰背痛,痛足一整日,到lunch仲要開始頭痛,完全冇心機做好原先訂下要完成嘅工作,慢手慢腳...捱到10點頂唔住要放棄,決定返屋企!今日先星期一,幾時先等到星期五呢?!

哈,返到屋企睇住預錄嘅"第七天"食住飯,竟然冇咁頭痛喎,真神奇~~

最近

最近-有追看電視播的"最美麗的第七天",雖然故事真係做戲先會有,男女主角亦非演得甚出色,但確實看呢對螢幕情侶演出,總有一種吸引力,因為佢地確實都好相襯,睇得出彼此的默契令佢地演繹情侶演得好自然好喜歡睇到佢地sweet嘅感覺......哈哈,電視迷即係電視迷!
還有,套劇把在日本取景的地點拍得好美,睇完又令我好想好想放假去旅行,好想去好多好多地方感受一下...

最近-有次同個好朋友傾計,到談話的尾聲佢講:
"......唔係話要到結婚,但講真我都好想聽到你早日搵返個人依賴下,我都想你開心d,始終兩個人總比一個人好...."
聽完我好感動,感動你的了解,感動你的關心同擔憂,兩眶變得紅紅,眼淚差d流出......
好多謝你的祝福,多謝有你呢個好朋友!希望你都一樣,早日搵到你願意照顧的人~~

承認...這些年來,我仍是一樣的"眼淺"......+.+

最近-突然想將頭髮留長小小...

最近-想興趣增值...

最近-天天食西餐...

最近-好想買新相機...

最近-心態變了...

三月第一篇

呢兩三星期好忙,幾乎晚晚做到11點幾先返到屋企食晚飯!!只係今日臨收工前出外工作,先可以8點返到屋企食餐飯,安坐家中睇住電視食晚飯的感覺,是近期罕有發生~~

轉眼又大半個月,有幾日發生咗的事其實好想即晚記低,但每晚總是好攰好攰,都懶得費時了~~直到今晚叫做忙裡偷閒,終於坐下來寫三月的第一篇...

在家食飯睇電視,雖然平淡,但呢種簡簡單單的休息放鬆的生活就叫我最享受....

前個weekend都跟不同朋友飲酒聊天,都幾開心......到上個weekend反而同屋企人過,一樣開心!

最近從飲酒證實咗原來飲得大量酒後,跟隨飲一大杯開水先睡覺,沖淡血液中酒精含量,對減低第二朝醒來出現頭痛手腳痛的機會係有好大幫助~~

越忙就越想有新衝擊,最近又想學一些新事物,記得上年年初同自己講過要學新嘢,講就講足一年但完全冇實際行動!不過近期有呢顆行動心好強,只係.....$$手緊而已@.@,都唔知點解,銀行户口總係原地踏步,有減無増!!還$,家用,供款,保險等固定的開支都令我把新行動卻步~~~

到底....幾時先可以唔洗為糊口而生活呢?!.....

傷心情人節晚上

姑丈今日出殯,事前大部份親屬一早請咗假,送姑丈最後一程...

哭哭啼啼傷心頻撲了一個上午,中午食過英雄飯完成了所有儀式後,諗住都叫鬆一口氣,晚上還可以同班朋友食飯,但原來高估咗自己...身心其實都累得透,下午回家都頂唔順要瞓一覺,醒來...心情還未想出街見人,所以最終都推了飯局,靜靜留在家中休息...

昨日係情人節,其實過往對情人節都不太重視,印象中都好似沒有一個刻骨銘心的情人節~~今年就更加冇感覺,心情更加sad....昨晚人家紛紛準時收工去慶祝情人節,而自己就趕頭趕命完成手頭工作,8點離開公司趕去靈堂為姑丈守夜,大部份親友都已在場心情沉重,今晚更是二十日以來第一次見到姑媽......佢整個人都消瘦同憔悴咗好多,一見到我同家姐就攬住我地一齊喊,聽到其他人安慰的聲音,又喊,眼淚似乎沒有停過,見者好傷心好心痛!

是夜,係一個難忘傷心的情人節晚上!

long chatting dream

前晚好夜好夜先瞓,夢到自己同佢chat咗好耐...醒來覺得好comfort~~

近期都聽見唔同人間接讚佢,開心......

第六十八首上上籤

got a forward email of following from friend,
(http://www.asahi-net.or.jp/~EB3Y-KKTK/oracle/oracle_68.html)




wonder if that's true....?!

終於等到了...CNY!!

yeah!一連四日嘅年假終於等到嘞!!終於可以鬆一鬆,臨放假前嘅三天工作簡直排山倒海,樣樣都話急,樣樣都迫到埋身都唔知做得邊樣!最慘係我個心一早就無心戀戰,飄咗去假期了!

呢個假期都係好好休息一下算了.....

holidays coming....

again a busy weekend,for work for frens meeting and....all have been filling up my brain!
although it just few days left from CNY holiday, cant wait for that esp. when busy working at office! looking forward to the coming Wed.........

busy weekend

Last weekend was kinda busy for gathering......

Friday
went to restaurant having annual dinner with family and relatives after work. Then joined Chung's b-day party straight away til 3am.

In the party, saw lots of secondary schmates, some could be recognised and some couldnt. But have already forgotten their names since hvnt seen each other for ages! and this disclosed
the fact that we are far away from the age of teenager for 10 more yrs!!

A friend told me puppy honey would also attend the party, mental preparation were not ready to meet as long as we hvnt met after separation....By the time i arrived, he just left with his family. Dun know if this proved that we hv no more affinity or else...hahaha~~what I could know was just from frens about his recent life and from pics. Anyway, knew he's staying good is already a gd news.

Seeing lots of "old people" in a night brought up thousands of memory......it's like everything happened was just last night! Time really flies.....


Sat
Went to have hair cut afternoon. It was bloody crowded! no seat could be found even though i had made appointment! This time those faded-out golden hair were more or less cut, quite short just left some looks as liberately high-lighted. hehee~~petti good, i like it! He asked me after this, what's more could I deal with my hair?..oOOO

Then went to Tabo's house for sabu-sabu with group of frens. It's damn cold in Tuen Mun, hv lost the feeling of living in TM, so didnt expect it's freezing! We all had freezing dinner on the roof floor, but had fun indeed...thx dear.


Sun
Dined out with fu and chai, it's a funny but kinda monkey business as we were in the conversations with no reality, esp chai...think he could be the best person as stress releaser...hahah

離....開了

上星期過得好快好快,快到自己都唔知五天工作日裡忙過乜~~ 工作以外就記得睇咗兩次醫生!

星期一下午收到媽咪通知,姑丈住院兩星期,終於敵不過病魔.....離開了...收線後,心一沉,整個下午冇辦法集中精神工作,一諗到三日前先去過醫院探過姑丈,希望佢可以早日出院回家過年,估唔到三日後就...離開了,來得太突然....心好唔舒服呀~~最傷心的莫過於姑媽,失去咗一個同自己走過幾十個年頭嘅最愛,果種痛....一定難受無比!....如今要姑媽一個人去面對,好擔心佢無辦法去承受呢個打擊,一諗到呢度......呆坐在位,兩行眼淚就忍唔住流,結果整個下午就乜都冇做過....

其實由細到大,姑姑媽丈都好錫我地四兄弟姊妹,能夠由四年前變到有今日嘅我,佢地都係兩個其中重要嘅人,真係好多謝同感激佢地,總之一切盡在不言中......

may he rest in peace.

醫生篇

上星期四睇咗第一次醫生冇效....到今個星期一收工立刻再睇,不止冇效,仲咳到甩肺,氣管仲敏感添!!阿醫生仲幫我探熱,話我未退燒,仲有少少燒喎....咁大個人好少燒咁耐,真係百思不得其解?!嚴重重感冒連續兩日返工做咗幪面超人,咁啱另一同事又感冒菌入腸後復工,結果齊齊做咗幪面黨搞到隔離dept嘅同事冇人敢入我地範圍....hahhaha...

今朝咳到頂唔順兼唔好意思,同事紛紛叫我早退返家休息,連'擦鞋仔"都好有人性,叫我早d走去睇醫生.....但其實我想同佢講....一早睇咗兩次公司醫生,不過冇用之嘛!!結果都係要走去睇返自己睇開嘅醫生!!4點幾先交低手尾俾個junior放心離開,雖然唔係多咗半日休息,睇完醫生返歸都只不過係5點半,雖然攰....但果種心情尤其輕鬆,可能係因為終於唔洗帶住工作放工返家,5點幾又正正係一般人收工搭車返屋企嘅時間,好似感覺自己終於嘗試到正常人嘅打工模式一樣,明明只係早走兩個鐘,就好似偷得浮生半日閒......

經過好幾次睇公司醫生唔掂最後要睇自己醫生埋尾嘅經歷,証明唔洗$又貪方便嘅,真係冇差d架!返屋企即刻食咗一次藥,氣管真係靜晒順暢得多....早知一早就睇自己醫生啦!!唉.....

要快d好番....星期五六都有bbq聚會,恨咗燒好耐架嘞,快d好番好番~~

2007 December

07年中寫得最少都睇怕係12月,一整個月都好忙,加上斷斷續續的假期令人心都散,完全冇mood返工!

打從12月中放自己大假開始,日本之旅後第一日返工就開x'mas party,基本止都冇做過野!放兩日假玩下又返兩日工,再放假又返一日工,跟住又放假......28號daddy又擺大壽,30號kitty結婚去觀禮,高興咗一輪後....個人完全玩到散晒咯~~~

踏入一月假期放晒,又要收拾心情回到工作崗位,最慘要等到2月過農曆年先再有假放呀.....如果每個月除咗星期六日,再有多二至三日假就幾好呢?~~~^.%

踏入新一年,本應好好為自己訂下一些新目標,但係......因為呢個假期症後群仍然潛伏,搞到個人懶到極點,差d咩都唔想做.....枱面雜物就越堆越厚,十足一個"狗竇"!!

返來了....sick leave

恆心真係好緊要,一唔keep住寫blog就一直懶下去....如果唔係因為發燒,今日sick leave在家休息,都唔會抽得空閒上網,都差d忘記自己有個blog咯!

估唔到d病菌可以起得咁快,昨朝起床發覺喉嚨痛,下午開始越來越唔舒適,好彩收工趕得切去睇醫生,醫生話原來我發燒呀,自己都唔知,一心以為只係感冒,怪唔得之成個下午塊面又紅又焗,但手腳依然冰冷.....

食咗d藥,喉嚨依照痛,全身感到忽冷忽熱,結果成晚冇覺好瞓,決定要sick leave好好瞓一覺~~~瞓極個人都好攰,有種瞓唔醒嘅感覺,無論對住電視或雜誌,唔駛5分鐘就自然瞓著,搞到成日都冇心機做任何事....好似在浪費時間咁,好耐都冇試過咯....