年尾又一婚禮

大口仔返咗HK,昨晚約齊一圍枱去咗TST食大口仔介紹嘅"私房菜",價錢平宜味道唔錯! 食完齊齊去咗諾士佛臺飲嘢,近幾個月都好少同朋友去玩過,一班人輕輕鬆鬆relax一下,好開心呢~~

夜歸就遲起,一瞓就瞓到中午12點幾,接著梳洗裝扮準備出席擦鞋仔tea wedding,由於佢人緣唔好嘅關係,搞到班下屬包括我都諗埋d縮數做少d人情,於是大家最後成team人夾$買咗張designer chair送俾佢當人情,雖然每人只係少付'公價人情'一佰左右,但都一於冇理人情都唔做!唔知到佢數人情時少了十幾份人情只見一張椅,會唔會失望到呆咗呢?!怪都只怪佢平日點對班下屬囉~~~

都唔明白,年年有人話邊年邊年不利結婚,但其實年年都有人湧住擺酒結婚,尤其年尾頻頻收炸彈,做禮都做到窮呀!

不過最估唔到,佢竟然冇好似joy咁請晒d高層,今日公司出席的除咗自己dept.同老婆dept.外,就只有大老闆三兄妹同HR阿姐,都唔似係佢一貫作風...不過老闆都好俾面出席之餘竟然坐到落尾,最搞笑係佢遲唔到早唔到,較啱時間在新郎發表感謝時抵達,新郎多謝老闆就成為全場矚目,搞到阿老闆一顯佢混身唔自然....哈哈,好似平時在八卦雜誌見到佢被偷拍時果d看圖描述字句所形容嘅怕醜表現,真搞笑!(第三張相中右側面也)

痴咗線

死嘞...點解會發個咁嘅夢架?! 我竟然發夢自己做咗朋友嘅第三者,冇可能架!!真係懵咗痴咗線嘞!!!大吉大吉!!

公眾人物

今日做咗陪客一個下午,同兩個同事陪兩個老闆同個american designer shop visit兼開會,星期五黃昏放工時段又一城人特別多,一行人坐在餐廳內開會,四周的視線總係朝向我們張枱,望的當然係老闆啦~~雖然我唔係公眾人物,但連帶俾人有意無意留意著都感覺唔自然,何況真正俾人由頭望到落尾嘅老闆呢?!終於明白作為公眾人物的苦況,冇晒自由呀!

近期成日諗起一個人,認識不深但感覺好奇妙...

踏入聖誕月

今過weekend轉眼過了,總算係近兩三個月來過得最輕鬆的,完全冇將工作放入腦內...

繼hoo yang上兩個星期由london到港旅遊,上星期就輪到zoe今年再來hk一趟....時間真係過得好快轉眼又一年,上年11月佢先話同tommyl來港為結婚辦貨,12月christmas我仲去上海出席佢地餐婚宴,估唔到眨眼又一年了~~~好開心同珍惜在hk以外認識的朋友相聚的時間~~thanks!

體會: 朋友分好多種類...有些不常見面會覺珍惜,反而在港常見的,都未必是最可貴的....

近期逛過幾個商場,都紛紛換上聖誕新衣,佈置得好靚好有氣氛,於是即刻拎出相機拍低留念,可惜今晚經過朗豪坊冇帶相機,拍唔到白色佈置呀~~

聖誕快....到了,但唔知點解今年一點都唔興奮呢!

p.s. 忍咗好一陣子,今日終於有時間去剪頭髮,一如以往,剪完成個人鬆晒!

見過佢感覺輕鬆又開心...

第一次夢見

昨晚居然第一次夢見佢,好搞笑呢!睇黎係時候了....

早收工

今日8點左右就離開公司,都應該係近兩個月來最早收工嘅一日咯......
感謝.
突然好想食percy pig!

最近

最近...

心情總係矇查查的...~

weekly note

一星期總係要待weekend先有時間,差點忘記自己要keep任住寫blog~~

哥哥日本巡展臨近,昨日去咗西環幫手packing執拾,體力勞動咗一日攰得很,都怪平日懶做運動所致...

時間過得很快很快

話咁快又一星期,呢個星期好忙..好忙!不過好咯...明天joy放完大假返工,我就冇咁慘咯~~~

昨日今日都要開工,所以呢...成個人好攰,邊到都唔想去,於是昨晚收工後推晒全部約會,即刻返咗屋企!!11點未到就已經大覺瞓,連今早本來要同屋企人去拜山都甩底....一覺瞓到11點幾!好耐都冇試過咯~~不過...而家起咗身都仍然好眼瞓,點解會咁架??!

上星期一家人去咗浸大同細佬影畢業相,自從TI第二年在沙田返學,冇再在李惠利上課後到而家,都冇去過BU一帶流連,舊地重遊,發覺附近都改變晒,李惠利後面多咗好幾幢大學教學樓同學生宿舍,經過望見李惠利,腦內浮現惜日在球場上PE堂, lunch到隔離BU canteen食飯的日子....諗起當時嘅學生活,真開心!到BU間酒樓飲茶,仲諗起第一日返學就同一班只識咗一個上午嘅新同學飲茶,轉眼間都已經係10年前嘅事....時間過得很快很快~~~

冬眠期

好耐有update下個blog咯,有點生疏...
今個十月,忙足一個月!以為8月完咗個outlet後做返細鋪,可以稍為鬆下....點知一直忙到冇停過!!=.=

星期一至五返工放工,最大嘅娛樂就係收夜11點返到屋企食晚飯兼睇電視...人家8點邊睇劇集邊食晚飯,我就11點半宵夜時段邊食晚飯邊睇錄影劇集...真諷刺~~

週末休息日在家瞓瞓出外食食,眨眼就過了...星期一到五又返工放工...life cycle is soooo boring!

是巧合,還是註定?點解我每份工都總係做不完,做到半死,冇晒生命力?上天安排俾我嘅考驗嗎?!

數數手指都應該自閉咗好三兩個月,整個人好似冇咩衝勁,就好似冬眠咗一樣,點算呢?!

好多時想寫,但放工返到屋企都攰都死,咩都唔想做...堆埋堆埋,所有箇中嘅人同事都好似遺忘了.......

帳篷婚宴

今日係我嘅拍擋Joy嘅大喜日子,恭喜佢地兩口子開開心心,白頭到老!

出席飲宴,當然要打扮一下,可惜一直在忙,昨日星期六仲要開工,收工後匆匆忙忙用咗三兩小時貪個方便逛咗兩間i.t都揀唔到心水,最後隨隨便便買咗件回家配襯,出來效果都ok吖~~

第一次出席banquette lunch,感覺都幾新鮮,估唔到在香港紅磡呢間酒店都有patio作wedding venue,原來在一個白色大帳篷舉行wedding party係好有feel架喎,(即刻諗起徐子淇個澳洲婚禮@.@), 都係一個唔錯嘅選擇,推介一下俾朋友先~~

公司好多同事都到齊,不過最勁莫過於除咗嘉偉,其餘三位沈家兄妹一家都到齊,認真俾面!冇法啦,鬼叫joy係愛將咩.....唔知如果家偉同老婆都出席,會唔會有狗仔隊偷拍呢?! ^.^

Eason's concert

今晚去睇咗eason concert,都唔錯,但相比下始終覺得學友個concert好睇d....

短短三兩小時,都算係為近期帶來苦中作樂~~@_@

十月星座運程

整體運：★★★
這個月火星進入你的第三宮，增強了你的旅遊運。對於一直想擺脫工作壓力的你，恨不得能暫時放下手邊的工作，盡情計畫和享受一些不同以往的休閒。但是因為身心長期累積下來的負能量，使你發現身體上的不適，尤其是心血管方面的不舒服。因此你必須規畫柔性而不刺激的娛樂項目，慢慢地讓你的健康狀況穩定下來。

愛情運：★★★★
有伴侶的金牛座，在這個月中保持穩定的狀態，兩人的甜蜜指數也慢慢升高。雖然有時候為了配合對方而必須放下身段，一心想要和對方手牽手長久的走下去的你，對於這樣的察覺就不以為意了。單身的金牛座，也不要放棄對愛情的憧憬。在假日時計畫一些行程，邀請三五好友一起出遊，也請好友們把單身的朋友都帶來，也許你會有新的戀情的機遇喔！

投資理財運：★★★
金牛座在這個月在投資理財動作上，不建議用以小搏大的方式進場。雖然以市場面來看，對你似乎並沒有太大的衝擊，或許你想拼一下看看能不能殺出重圍。因此在下場的時候，應該以保本的方式，讓你的金錢得到有效的回收，不宜轉換跑道讓你的財務曲線起伏太大。除此之外，為了讓自己的生活多一點樂趣，該花的錢就不用手軟喔！


***轉載自sina.com

假期症後群

斷斷續續放完一輪公眾假期後,星期二朝早起身返工果一刻,簡直想死一樣,十萬個唔願意起床!最慘係之前一晚都已經12點幾就瞓上床,點知....輾轉反側,1點幾未瞓著,一合上眼就諗明日返工要做嘅工作,好似控制唔到個腦休息咁,於是起身抄低諗到嘅工作,心諗應該都可以放鬆咁瞓一覺好,哈!點知再瞓上床仍然久未入睡=.="再望望個鐘,原來已經2點15分!!再係咁都唔係辦法,瞓唔著又眼光光,浪費時間,於是谷鬼氣再爬起身開燈開電腦上上網,等到雙眼睇到攰先瞓...我諗等到真正入睡嘅時候大概都凌晨4點了!!...

母女問答環節

前夜一番對話:


問: "媽咪,想唔想磨砂呀?"雙手放向媽咪手臂上...

答: 眼神一瞪道:"睇見你對手就煩! 都唔知點解你雙手會咁粗糙(骸)?!成張砂紙咁~~"

問: "點解?!問下你自己點解啦,仲好意思問我!自己諗諗先~~"

答: "點知你呀,你睇下家姐吖,邊有你雙手咁,你都係辛苦命架嘞,冇計....第日嫁同唔嫁都係要捱,嫁咗可能仲要捱多d,有排你做呀!"

問: 嘴藐藐,心想道: "嫁人其中一個目的都係想有一個可以依靠嘅人照顧,咁嫁咗仲衰過未嫁第,嫁黎做乜呀,不如唔嫁?!"

答: "條命註定你辛苦囉".....

問" "=.="......

愛人定係被愛幸福?

在一個人的部落睇到:

1).同一個佢好愛我...但我唔愛佢嘅人一齊，
我覺得好辛苦，無論佢為我做幾多野，我覺得開心；但冇幸福嘅感覺！
2).同一個我好愛佢...但佢唔愛我嘅人一齊，
我可以甘心為佢做任何事，佢都會照單全 收！唔開心；但我有幸福嘅感覺！
點解咁奇怪架呢？係唔係天生犯賤呢？
係唔係男人唔壞，女人唔愛呢？

記得以前自己都有諗過呢個問題,做(1)或(2)會開心幸福d呢?!

朋友的價值

呢幾日有d唔開心,因為覺得自己有被身邊朋友利用嘅感覺,感覺心淡了~~朋友真係咁樣用嘅咩??!乜唔係朋友識得越耐越見真情架咩??!.....

中秋節

昨日中秋節,公司好仁慈早一日出咗email話今日下午4點可以收早,都算唔錯啦~~

女仔多嘅部門的確唔同d,踏正4點真係有同事拎袋走人,遲少少都好似會蝕抵咁!相對下,我部門真係最多人數遲走!自己都已經5點先走避開人人收早嘅交通擠塞,但仍然要一個半鐘先返到屋企呀!

原本今晚會去舊同學搞嘅中秋BBQ,不過因天雨關係cancel....誰不知.....一整晚一滴雨都冇落過,吹脹!!

Mid-autumn look

剪咗髮一個月不到,可能是怕悶,心思思想再整整個髮,於是昨日就去剪了!

今次不止"剪",仲整咗一頭似灰又綠嘅B頭,雖然唔係原本想染嘅顏色,不過效果都唔錯~~今日返到公司嚇親d同事,白燈光下綠色變得更明顯,以為我受咗咩刺激,話我個樣寸咗好多喎.....@.@...最搞笑係媽咪,竟然話"係淺色咗,但d顏色都唔係好覺啫"~~~~~~~~~~~~

希望呢隻顏色可以last得耐d啦~~

中秋果籃

中秋臨近,紛紛收到其他公司送來的果籃,清咗兩個仲有5個!!
搞到連日來都配合我嘅lunch box做飯後果,不停咁食~~由星期日公司要進行噴殺蟲劑清潔,所以星期五晚大家迫住要一人一袋將所有生果拎走,最慘係收工前要到鋪做嘢,結果....迫於無奈要拎住一大袋生果四圍走!!



其中一籃好靚架,係agnes b嘅果籃,月餅中印有自家出品嘅"b"字,packing又靚,我估一定要過千蚊啦!影低留念先~~

健康餐

呢個兩月都駛多咗$$,好窮呀! 所以一連兩日都坐言起行,帶飯返工食,哈!咁又可以慳咗$80大元!!努力...

香港仔都真係冇乜好嘢食,又貴又唔好食,普遍食個lunch都要$40大元!! 仲要係食黎食去都係太興燒味,椰林閣,茶軒果幾間,最離譜係食燒味等同叫外賣飯盒,都要四十幾蚊,真係情願帶飯啦~~~
中秋節臨近,自己部門紛紛收到suppliers送黎嘅生果藍,所以呢幾日在公司食飯都有飯後果伴送,即時覺得自己食得健康咗~~

chocolate gift

昨日收到一盒日本朱古力,好好味....多謝你!

插畫展

早幾日因公事去times square開會,經過atrium見到喜愛嘅本地插畫家carrie chau 2007個人畫展,好開心呀,等候同事之際就用咗十分八分鍾快睇咗一圈,個exhibition setting好可愛,好鍾意呢!不過估唔到佢僧揀times square做展出場地,雖然人流旺但比較商業化,環境唔多啱feel~~

問過在場員工,原來只係展出到16號即係明天,明天又唔得閒再去,睇黎都係同呢個exhibition無緣~~好彩臨走前用電話影咗幾張相啫!期望下一次展出~~

2007-09-12

近呢個星期都冇咩心機做嘢,日日7點人潮散去時個心就好想收工早早已歸家食飯!可惜...晚晚都係要留飯呢!!所以...連續幾晚收夜...今晚8點就走人,都算早啦!

星期三係9月12日"哥哥"嘅忌辰,每年逢4月1同9月12,red mission都會舉辦一些活動紀念哥哥,今年亦不例外,晚上放工前咁啱安排自己落鋪收場,先可以未夠7點半就到達會場參加為哥哥慶忌辰活動,整個function以buffet + 睇viedo + 遊戲形式舉行, 有來自中港日韓新加坡等各地fans廿幾圍坐無虛席,聚集一齊熱情嘅場面都冇被日子沖淡,場面好感動!! 是晚buffet水準平平,$380真係唔值,不過睇在哥哥份上,同呢個活動本身嘅意義,都冇計啦~~~另外,為籌募黎緊12月日本哥哥巡迴展覽嘅經費,席上售賣兩款特別為哥哥設計嘅環保tote bag,本來都想慳幾佰蚊唔買,但最後都買咗一set當做善事,個款ok都會用嘅~~

唉...一晚之間又駛咗成仟,仲話要慳$$......咁點慳呢?

LESLIE, HAPPY BIRTHDAY!!

烏龍王

唔知點解,呢兩個weekends都唔想出街同人迫,於是在家瞓足一個下午,爽呀!
加上近兩個月駛得太多$$$買嘢嘞(幾仟蚊卡數未找頭都大埋),本來諗住可以儲下$$去旅行,點知...=.=....今個月都係減少出街為妙~~

正計劃本月收緊財政之際,神推鬼撞下自己竟然將每月定期還款額搞錯了!!平時自己將$過戶時都好清晰,誰不知今個月過多咗$$仲矇然不知!!=.= ....仲要阿債主打黎問我係咪加咗人工先還多咗$$,先知道自己擺烏龍~~好彩係自己人啫,如果還$俾個陌生人,咁就蝕本啦~~

在財政緊拙程況下仲要咁闊佬,真係搞死自己呀~~

Office birthday P

由於今個星期"擦鞋",即係我個dept head出咗trip直到15號先返嘅關係,心情即刻輕鬆晒!~€~
至少冇人會兩時三刻咁call我入房傾下呢樣講下果樣,諗起又會叫你prepare好d佢要交差嘅嘢俾佢....講晒d時間又做唔到嘢,冇佢在office精神壓力真係好好多!

今個星期有兩位同事生日,所以密集式食咗兩個蛋糕,好味但似乎太過密度了~~其實在呢間公司自己部門有個慣性又不文明規定,每逢有同事生日都會簡短嘅切餅儀式,一齊在pantry食個cake影下相,叫做慶祝下啦~~有時密集程度可以一個同食三幾次,同一個動作同一個地點影相更新全家幅,連cake supplier都係指定嘅美心,所以有時都覺得好循例式為食餅而食餅~~ -.-

同事仲講笑話美心應該俾我地一個VIP,因為幾乎蛋糕櫃入面嘅每一款蛋糕,我地都試過了!

May

July & Sept

photoshop in August

呢兩個月忙著:


**new shop @ Silvercord Centre **Julia & Rory's visit to HK from UK


**new shop @ Citygate Outlet

屋企休息一天

哈!好彩昨天去咗游水咋,今日整天都天陰陰下著雨~~

可能真係大耐冇做運動,今早起身後成個人都"攰賴賴",最後選擇留在屋企休息一天...

其實在屋企可以有好多事做,但唔知點解,一開著電腦總不知不覺對足一天,net surfing總係最耗時,尤其最近一有時間就沉迷著溜覽網上其他人嘅blog,好似唔同行業嘅人分享唔同生活點滴,都幾有趣~~

一整天唔出街其實可以好快過,感覺好舒服,放多幾天假都真係唔嫌多呀!!

游水

連續忙咗兩個月,今個weekend終於叫做有返自己時間抖抖~~

昨日隨興之所致,瞓到11點幾起身見個天色大好,就好有衝動想去swim swim,其實自己都不懂游術,只係趁難得有私人時間又唔想浪費飲飲食食瞓下就過咗,好想做下有益身心嘅活動,因為自從自英國返港後,始終都嚮往咗悠然自得嘅生活,到而家返咗hk踏踏實實過返城市人打工生活,就好似失晒呢種感覺同行動,於是...坐言起行,下午一個人走咗去游水晒太陽!

此舉,其實令自己覺得呢幾年性格真係改變咗好多~~換轉係以前,一定唔會自己一個人去游水,冇人陪伴怕這怕那,可能在真係時間訓練出來吧!情況形同九乘九香港人唔敢裸泳在香港泳灘游水一樣,但去到外國會相對地孤且一試~~大抵較以前大膽同任性,就算知道熱抖陸續散去,游2小時左右泳池就關閉都要堅持要去,安排好今天想做嘅事就要做!因為今日唔知明日事嘛...

人家的喜訊

估唔到忙碌中咁快又一個月了,呢個月都發生咗好幾件事要記低,好似今日lunch就收到一個喜訊,同我一team嘅partner Joyjoy o黎緊10月尾結婚了!!^.^佢同男友在沙田T.I讀inti時認識(咁啱係同我一屆嘅隔離1107班),拍咗拖咁多年都依然"糖痴豆",所以聽到呢個消息都好替佢地開心,恭喜恭喜!!

其實joyjoy同我差不多年紀都快結婚了,自己呢?!人來人往,好似仍然未搵到一個可以付託終身嘅"對先生"喎~
=.=

本週星座一覽

金牛座（04/20~05/20）
有效時間：2007/07/28~2007/08/03

(事業好運到的一週)

健康運：☆☆
忙碌的情況無法改善，你的睡眠品質越來越不佳，建議你不如慢慢的安然面對，不要讓自己太過於疲累和無法休息。

工作學業運：☆☆☆☆
工作變得更加忙碌起來，尤其是最近這段時間，加班的情形增加，不過你也從工作中開始學習到與人團隊合作的重要性，並且感覺學習不少。


***************************************************************
copied from Sina.com

敏感

好攰好攰...日日都好似好攰....=>=

近期都算係返咗呢份工以來最忙的日子,上頭越壓越多project落我team人身上,工作排得密密麻麻,早幾日終於獻出咗第一次在黃竹坑ot到深宵坐的士返家....以前返灣仔就習以為常啫,估唔到返呢份都難逃一劫!

以小籠包為主題的新鋪project進行得如火如荼,下月初就竣工完成,所以除如常落site inspection外,上星期一就專程返東莞睇個一比一4m幾直徑的小籠包prototype,以確保運落hk前作出最後修改~~最慘係上午一直在公司開會到一點多,連飯都趕唔切食就趕去同個contactor搭車去黃崗過關,再乘包車直上東莞間纖維製造廠,去到時都5點多,逗留一個鐘又趕頭趕命咁返落hk,一來一回車程總共花了5個鐘頭,真係好費時!! 果一刻令我即刻明白到中國原來真係好地大脈搏....

唔知係咪間廠因為製造纖維玻璃關係,使用化學原料令環境空氣差,去完返來後臉頰無緣無故敏感起來,紅得似化了裝一樣,加上呢期天氣又熱得要死,皮膚就更差,搞到我成個星期裝都唔敢化,黑眼圈原型畢露!!可惡=.=

carefree look

昨日照照鏡,發覺原來自己唔見人嘅日子係可以好"烏wei"! =.+
平日返工見朋友會執下儀容,但一到放假,真係好懶好隨意唔想打扮,於是昨日同家人出街食lunch同約咗判頭拎嘢,都一於冇理好carefree咁帶住副厚厚嘅眼鏡同街坊look就咁穿梭於旺角街頭,好大膽呀,而家又再剪了一頭短髮,俾熟人見到實嚇一跳!不過咁樣先有鬆一鬆正真休息feel~~

之後本想趁summer sale行下街執下平貨,可惜天氣太熱人多車又多,結果都冇心情去行就回家避暑咯~~

大熱

成個星期都好熱,平日要返工迫住就冇得揀,到咗呢兩日放假如冇必要,都係留在屋企為妙~~

雖然話擦鞋友飛咗出trip,成個星期在office精神壓力上可以叫做輕鬆點,但數工作量其實一點都冇少過,仍然晚晚做到10點幾11點先走...明天佢返office了,好多工作事要滙報,唉...諗起要同佢交代都煩呀!唔發顛由自可,一發顛就...=.=^

星期五晚約咗同cc慶祝生日,但在site同判頭夾嘢搞到8點先走得,搞到遲大到,真係唔好意思~~去咗小南國,價錢都幾貴但味道一般,覺得"翡翠小籠包"某幾道菜味道還較它好,都唔知點解會排長龍等位!之後去咗間bar & restaurant飲嘢,氣氛環境都唔錯,冇近star avenue果邊咁多人,但一樣可望到維港view,尤其果晚天朗氣清,對面海五光十色的高樓大廈清晰可見,只係我地左坐近門口位,冷氣不足,搞到珍珍"潮熱"不停叫熱,哈哈...好搞笑~~



cc,
Happy birthday! Be happy, always!
Hope your dream comes true and all the best for your life!

煩

終於捱到weekend啦~~今個星期雖然已經返少一日工,但真係覺得時間過得好慢,可能係做事同心情都稱心不如意,真係要用"捱"來形容...

作息不定時,連帶原本食四日藥到日前都好似食咗一半都冇,天氣又悶熱,心情就差上加差!唉...工作煩,近期又有其他事又...想嘅嘢似近又遠,唔想嘅又偏偏在近,搞到個人煩晒,好忟憎呀~~

不過,晴天總會來臨嘅....希望明天一覺醒來所以事都一一解決啦~~zZzZZZzz

十二色萬國旗

病十日食足十二種藥.... =.=
食到個人"瘟瘟躉躉"....見到呢d萬國旗都怕怕咯......

7.1回歸十週年

雖然仍未病好,但見一連幾日假期,冇理由叫自己待在家中日瞓夜瞓就過了,於是決定出動~~昨午帶著半睡半醒的精神狀態下外出飲茶,晚上就去了睇ocean 13,可能前對兩集的印象都模糊了,對今次第三集復仇故事缺少了投入性,初段還覺得有些悶呢!整套戲叫做一般啦~~

睇了兩次免費醫生仍未痊愈,小人之心自然想到那些設有公司醫療保的醫務所,醫生大抵是比較馬虎處理病人,正如一般人都認為公園立醫院門診睇醫生,所處方的藥定是離不開三兩款...第二次藥快食完,到底明天應否再去看同一間診所呢?...

今日瞓醒都已是中午時份,一開電視就睇到一連串的10週年慶回歸活動,自己不其然在想:轉眼就十年了,十年前的今日,自己身處何地做緊咩呢?...

7.1 確是一個值得令人反思的日子~~~

搵食甚艱難

好不容易過了一星期到7.1呢個weekend長假,終於可以抖下...

病足一星期,燒退了,但感冒仍然纏身!加上週初天氣悶熱,返工搭車時人多車多,簡直想暈低呀...所以之後落幾日雨都係好事~~

帶病返工已經辛苦,工作極忙都不再話下,最難頂嘅係...仲要無謂地受了一頓冤屈氣,被人瀉了一隻大獲,唉!...在"有你講冇人講"的情況下無奈忍氣吞聲,實在心有不甘,覺得萬般委屈~~~

結果...被照肺照足一個lunch time,連飯都冇謂口食,病到死死下手頭上一堆堆的工作又多又煩,又再一次深深體會到"搵食甚艱難"的道理!

病...(續)

昨日睇完醫生食過一次半打藥瞓足成個下午,喉嚨的確好冇咁,四肢的確冇好似痛到入骨,但仍然攰"籟籟"冇晒力,加上昨晚又瞓得唔好,開住冷氣都成晚夜醒~~

本來朝早如果如常返公司就諗住full day sick leave,但碰巧又事必要老遠入到東涌工作,想唔去又唔得,結果硬著頭皮做完事先向大佬請下午sick leave啦!今日天氣又熱,出入室內室友有中暑嘅感覺,好辛苦呀~~

話就話sick leave,返到屋企都3點幾以為可以瞓下,點知瞓唔夠兩個鐘頭就俾公事電話嘈醒,自己又衰做唔出唔接電話唔理,settle好後想再瞓又瞓唔著,結果唯有起身睇電視...成日人就好攰,但總係休息唔到....好耐都冇試過咁咯!快d到weekend啦,可以真正抖下...

病

唉...無啦啦又病倒!!喉痛頭痛又發燒,周身骨痛成個人軟晒,好病唔病揀正週末先病,搞到在家瞓足兩日呆頭呆腦!結果,都係要去睇醫生~~

呢d時節出入室內室外,真係好易病到,小心小心~~

事出突發

嘩,今日公司發生咗件突發事!

今朝原先返工前去咗新港site meeting,未到10點就收到HR同事電話,這邊廂通話中,另一邊廂同我一齊的兩個同事亦同時收到call,急召全個dept. 11點半返到公司開會~~收線後我地三個一直估著發生什麼事,最大不了都應該係話我地成team返工時間遲得過份等,於是唯有趕緊返公司睇下發生咩事~~

原來...係...有同事從project中收受supplier/contractor回佣,俾公司證據確鑿捉到正即炒!所以HR急call meeting,有幾個同事都逐一被問話!雖然各人都繼續做回自己岡位,但呢件突發事搞到成個dept都整日氣氛沉沉...老實講,近兩個月接二連三少咗幾個designers,人手不足遲遲未請到新人workload大咗仲發生埋呢件事,士氣確實受影響不少!最慘係有人在此形勢下仲領導不善,毫不體諒下級苦況,受完壓力就轉壓到我地班小薯身上!唉...公司大階級多麻煩就自然多~~

實屬巧合

近兩星期可以用三個字形容"忙忙忙"!~

一直同外間一般人一樣覺得做inhouse design一定"hea"好多,但做咗呢份工之後,真係發覺其實都唔係,至少呢幾個月未試過游手好閒,工作量有時最多都只可形容為...中等!較鬆動時叫一單接一單,忙的時候就好似近期一個人同時handle四五間舖,實在做到冇停手,早幾晚一連趕工ot,晚晚又貪心想趕返屋企睇電視劇,就情願拎晒未做完的工作返屋企做,迫不得已的三幾晚就留在公司ot,最夜試過11點幾先收工~~雖然比起上一份工,做到11點幾都唔算得係咩,但...真係頓時有種感覺自己的生活好似返到去一年前一樣,晚晚帶著永疲乏的身軀回家!!sigh.....i dont wanna go backto the hell~~>_!

早陣子記得自己講過,有晚無意中聽到伊健的"感激我遇見"而想起好多往事...哈,估唔到今日又咁啱案件重演喎!下午在harbour city聽到鋼琴王子彈奏出久遺了的"甘心替代你"...又係伊健喎!以前有一期佢的歌好hit,演古惑仔演到街頭巷聞,數數手指都十年了,唔認老都唔得~~原來好耐冇聽一首歌,突然再聽,感覺係特別好聽架~~下次有同一感覺出現,唔知會唔會又係伊健的歌呢?

動搖

懶...懶懶!...近期生活上都有好多有感而發,但總係懶著寫...

07年的生活好似過於平靜,好想吸收一些新知識,好想有不斷嘗試新事物,好想識多些不同層面的人,好想好想......年紀唔細了,唔想在放假的日子裡總是逛街買嘢,飲飲食食同瞓覺......難道在香港生活的日子就是這樣??真係唔想....

於是,上網四圍search下有d咩課程報讀,總是拿不定主意來...

最近對做了4個多月嘅工開始動搖,最初一抱嘗試的心態去接受呢份工,覺得可以學到新事物又是新挑戰,於是定下目標多放一兩年時間去投入....但 因為最近經歷了些無謂又無聊的辦公室政治遊戲後,開始對自己投資在這份工的時限有所動搖,覺得自己應否繼續去適應自己不善面對的遊戲呢?!...

5月心情

部laptop離開咗一星期,昨日終於返來了,仲真係快咗呀! Thx 大佬!不過唔知要俾幾$呢??

最近晚晚都睇全城熱爆的"溏心",當中講到阿Alfred倒數同常在心分開後的日子寫日記,提醒咗我到下星期二,原來自己都寫咗兩年了!時間真係飛逝!~~兩年前的這陣子,自己還在為畢業project衝刺,而家諗返,都唔知點解當期時仲可以花時間開blog呢?!無聊一諗,若然有時間,將自己呢兩年打過的中文字加起來計計多少字,或者可以出書了!正如劇中Alfred所講,呢兩年打過的中文字,相信係我呢廿幾年來最多了....其實另邊廂,又係一件自豪的事~~由兩三年前一隻中文字都唔識打到今日雖然打得唔快,但總叫可以不須動不動要問家姐細佬如何打這打那先完成一篇,已經是跨了一大步,哈哈....繼續努力吧!

看看5月份寫字仔的篇幅比4月少了一半,係懶惰咗還是冇事特別想寫寫?似乎兩者都是!...除咗5 月頭一陣子興奮過後,往後的5 月就好似突然靜止下來.....加上最近工作上受了一些無聊又無謂的冤屈氣,心就沉了一下....感情上仍停滯不前....如何是好呢?!

好想放下假,到別處走走....好想有些新衝擊,做些有意義又充實的事,投出一個新目標,生活才精彩!

miss UK

i miss my life in the UK....simple but relaxed!!
where's my life in HK now?!


today when i saw my fren's travelling photos from her blog, so missed......miss the places I used to go or pass by>>>Victoria East train station in Ldn; mega supermarket >>>Tesco, Safeway & Sainsbury; road to Uni from home>>> Grove Lane & High Street of every town...; simple route of everyday life while study: shopping at supermarket & preparing foods for daily meals, chit-chat with housemates every night, d/l HK drama to watch with laptop but without having TV for 2+ yrs at home, working on school project overnight at the last minute, travelling ard Europe while school holiday...etc etc....miss all these man!

Compare with my current life in HK, what is my simple route?....apparently absent........

剪草~~

今日雖然落了一整日雨,但都係出去搵佢剪頭髮~~因為忍唔住要修剪一下堆唔長唔短嘅亂草!!之前剪的都係男仔頭居多,好不容易先將兩側頭髮留過耳,忍唔住剪短又好似好唔抵,結果....只係剪短了後面的髮尾,感覺成個女仔晒!...^.^

唔知係咪4月放得假多,好快過了就出糧...但今個5月好似過得慢好多,日日諗住幾時先到月尾出糧日呢?!

東涌工作一天遊

連續幾天天氣都風和日麗,天朗氣清,好有應該去渡假的感覺---陽光與海灘好想放假去旅行啊!!

昨日一整天都外工作,公司將在東涌citygate開間1萬2千呎的sale shop,所以就去了開會兼site survey嘞~~嘩,之前冇正式行過citygate mall,原來都幾好行喎,Swire而家仲將個mall重新包裝成好似外國的名牌factory outlet,格調當然未做到好outlet feel,仍有待改善,感覺同一般市區的shopping沒大分別,但整體上可能因為地區關係,成個感覺好游閒寬敞,人流較我想像中旺呢!可惜車費貴,otherwise,行得市區mall多,久不久去逛逛都唔錯!當中還趁lunch hour去body shop尋寶~~

以前在UK例必到Body Shop outlet巡視業務,返港後一直覺得Body Shop在HK冇outlet shop係一件憾事,所今次之行發現到第一間sale shop在東涌開業,簡直開心死,仲買到價錢平一半的body butter添!

心戚戚然

今日聽到一個有點唔開心的消息...話說某某同事以為我過probation後加了人工,因為佢自己今年大幅度加了30%人工,而無意中又爆了另一位同我同期入職同事appraisal後都加了人工,而我就.....=!=

自問呢三個月以來表現未算突出,但都算ok啦,何解呢?是未夠努力還是上次講嘢太直得罪了阿哥呢?!突然間心有點戚戚然,有點灰!難道我又要等轉工先有機會調整薪金?!出來做工咁多年,印象中只有一份工是有機會在職期間加過人工,仲要係得幾百大元!!次次不是遇著做不過年尾就已經轉工,就是地遇上公司冇雙糧,真倒楣!!唉...都係算啦,呻下就當冇事,希望在明天....

餘花新景象

四日後變成......

Happy Birthday~

Thank you very much!



仲有細佬買嘅chestnut birthday cake,yummy! Thanks too...

生日週 pre-celebration

heheh....雖然5月1 假期下午要開工,但連續幾晚都約了朋友仔食birthday dinner,呢個生日週過得好開心呢~~無論有請食飯,冇請食飯但有sms greetings都好,多謝晒我班好朋友!Thanks so much.

"感激我遇見"

今晚睇電視劇集時,戲中講及一對新人於婚宴上回看相識片段,隨隨播出
"靠向你身邊,你帶笑卻無言,在落寞情況常贈我明天...."

係"感激我遇見"呀,嘩...,好耐都冇聽過呢首歌嘞~~其實自己都幾鍾意呢首歌,曾經有一期是開著cd機日播夜播...被遺忘了一陣子而家偶然再聽,感覺好好呢!好有衝動在柜裡搵番伊健隻cd出來聽聽....哈哈....

感激我遇見................

1st b-day dinner

今晚警察叔叔請食飯,原本約好7點半,未收工要8點,到8點還未走得,結果要佢等到差不多9點!要人請食飯,遲到要人等,還要搵定位給我,真係非常唔好意思呀,警察叔叔,so sorry!

anyway, I'm happy to have my 1st b-day dinner with u & thanks for a nice dinner!

Visvim private party

又來update一下:

繼CdG後,星期四日本潮brand"Visvim F.I.L."在中環開HK首間專門店,晚上公司在香港公園的L6餐廳搞了個private party,都係果種PR party,對象其實係城中名人同媒體,8點幾收工後同班同事一齊去湊湊熱鬧,以為類同上次CdG private party feel,點知相比起上次,Visvim係高調好多,相反CdG你subtle同高檔一點...

去到門口已見到人山人海擠滿人,餐廳indoor地方不大,guests大部份都選擇拿住cocktails企出近門口outdoor位一堆堆的聊天,這種氣氛猶如在中環"浦"吧一樣,只是一個high class clubbing~~

入口處一邊更排滿閃光燈閃過不停的記者,好似出席什麼什麼首映禮頒獎禮一樣...冇法啦,鬼叫老闆同娛樂界息息相關咩,在商言商宣傳手法是必言的~~其實個party似乎是招呼外來客的場合,對於係little potato的我們,真是不大適合!尤其係當進入時要被大堆閃光燈閃過,諗起都怕怕~~當時有諗過過門不入,但同事話既然去到就入去湊下熱鬧,所以只係逗留了半個鐘頭,四圍睇睇明星見識下Visvim掌舵人,見到余文樂同Edison同李燦森前女友....etc,以為余文樂好高,原來真人唔算高,仲好瘦下添~~第二日睇新聞自知阿Jan都有去,可惜見唔到佢...

終於多少親身感受到做藝人去到邊都受人注目的苦況,enjoy由自可,唔enjoy的話都真係好慘下~~~自問一d都不嚮往嘞,有時想:平凡都有平凡好~~

發夢

呢兩晚連續發夢:買舊但又大到有六七八間房的屋...同某某旅行...腰背痛到返唔到工....

買到啦

heeheee....終於言出必行,買到啦!買了上次提過的法文歌嘞,仲買埋"生日快樂"隻碟....極開心!雖然唔係佢最新大碟,但都好好聽,值得推介....
CARLA BRUNI - "QUELQUUN MA DIT "

昂平360

上星期六去了昂平360,天色雖然未算陽光普照,但上山時風景總叫清晰可見,(至少遠遠都能見到大佛)吖,尚好!原以為星期六會好多人搭昂平360,好彩來回兩程都只排了5分鐘左右就上到纜車,可能是是近日又發生故障事件而少了人去~~

對於這個skyrail,個人感覺不錯,沒想像中同報導般差~~未搭前覺得$88來回都幾昂貴,但搭過後發覺其實20分鐘橫四五個山頭,整條路徑都唔短架!對於這麼一項大的工程,$88其實都合理嘅~~~

新建的昂平市集給我第一個感覺好似新版ocean park集古村,一間間相連的中式建築食店同紀念品店形成一條小村落,但賣的是starbucks coffee,優次良品等食品,總好似有點格格不入!

現在回想起以前要去大嶼山,好像是件要洀車勞動好遙遠的事,搭渡輪就是唯一選擇...時代變遷後的今天,除了水路,還有陸路甚至架空纜車都一一可到達,真是很方便呢!

懶瞓

好快又過了一星期,這幾天雖然多了個幫手drafting,但都平均做九,十點先收工,時間上好沒什幫助呢~~

近期多了"今朝沖昨晚的涼",好多時食完飯不用兩三個鐘就一覺瞓到大天光,好似一瞓就不能起!最慘連妝都懶得落,搞到近期的皮膚差了~~

moody friday night~

Although it was happy friday last night and the new concept got approval from me. shum, I didnt go anywhere....stayed at home and ZzzZz all night after work...pretti much moody~~

終於"拍板"了!!

返假前等不到老闆,以為要等到下星期先有機會再見到佢...嘿,阿哥今日講老闆已返港並會下午落來17/F,於是即刻執好準備給他看的圖,抱著happy Friday mood不想ot的心情等到7點,心裡焦急著要收工時老闆就剛好來,哈哈哈....經過重做了不下好幾次的new concept design,終於被老闆approved啦,可以鬆一口氣!於是連忙拿袋收工,待下星期回來先繼續做~~(走時的心情就是"彈下彈下"的步出公司門....)

............

心情低落......

新幫手

昨晚瞓得不好,加上半夜雨聲連連,今朝又要一早起床返工,簡直是十萬個不情願呀!一日之間的天氣變化真是大,昨日起床時天氣晴朗,心情都特別愉快,還忍不住拿起相機拍拍窗外景色,很久沒見過市區的天氣是藍色了,真美!相反,今天整天色陰沉沉,碰著假期後第一日返工,做事都提不起勁~~

******************

今日全部project人都返齊公司,還多了位新同事返工,lunch一齊去了飲茶,好似過年食開年飯一樣,好搞笑!朝早一返到公司,阿哥就同我講位新同事主要是請來幫我手畫圖....嘩,聽到即刻開心晒!出來做工好幾年都未試過有一份工是不用自己"一腳踼"的,從來都是自己安排自己工作,現在居然可以有人幫手share minor work,真是有點受寵若驚同不習慣,霎時間都不知應安排什麼給他做~~即時諗起佢講過我"一睇就知我係唔慣被人服侍"這句話!in a way, i dont deny....anyway, hope all goes well....

假期最後一天

話咁快5日假期就過了,感覺好似冇做過些什麼有意義的事~~

好多朋友仔都出外旅行,對於近期財政緊拙的我,當然是疊埋心水留港消費...
數數原來5日假期裡只有兩日是約朋友出行街,其餘三日都是與家人過...(雖然休息時間多了,但好似好悶呢!)=.=

放假前一早同自己plan好schedule要好好利用,但原來5日真是好快過...訂好要做的到最後還是未做,激死!...好似立下決心要執好房間,明天要返工了,到現在還是原封不動!...又好似想逛下波鞋街買對新鞋仔,但又因為懶自己一個人逛街,結果又得個想字!...還有想好好清理一下電腦的files,但日日開著它只掛著上網surfing...唉!唯一有付諸實行的,就是決心去剪了把看得不順眼,想留又不留的頭髮!原來要由好短頭髮留長的階段,真是一件很難的事~~只是想稍稍留長一點都動不動想將它剪掉,睇怕我真的不會留長髮了!若要變成事實,想必是為了某人某事才拿得出這份耐心......

Art exhibitions visiting day

今天突然變得很有藝術情操,去了港九看了幾個art exhibitions!

老老實實,除了在英國時有這閒情日緻定四出看exhibitions外,在HK數數看得exhibition最多的日子都應該要追溯到讀T.I.的時代了,或許近幾年在HK都偶有看過,但都記不起來咯...what a shame!@_!

到了中環一帶的private galleries都"摸門釘",因為假期嘛!剛巧經過域多利監獄看到有個開放展,可惜遇上lunch hour關門,無緣入內參觀一下~~在HKAC看過"absolut creativity"同"The black book of falling"後,發生了段小插曲:



在book shop無意中聽到一首french song,雖然聽不懂但感覺好舒適,當下沒有即時衝動買下這cd,但回家後好奇心軀使下上網search這隻cd的資料,試聽後好喜歡好懋再聽,所以決定過兩天就去買這隻cd!(其實很少會偶然聽到一首非流行曲就喜歡了,更很少會為此而買下,感覺好奇妙~~莫非這就叫一見鍾情?...heehehhe..)

之後在HK Museum of Art又看了一個有趣的exhibition"不中不英-chinglish"香港藝術展,意思是港式廣東話,介紹內容quite funny,值得一看!之後還有機會再到星光大道補影上次401冇影到的哥哥光輝閃耀30年的圖片展,去到先記起今日是last day啊, so lucky!

....總結今天的收穫不錯,a meaningful day!Thx E.