嗚~~~~期待咗好耐嘅easter holiday,終於有得放假咯!!不過臨到放假前一日,眼見公司其他嘅員工輕鬆地一個一個咁準時收工,真係羨慕死我,因為我仲要OT到11點先走囉!根本feel唔到第二日會放長假,直至今早可以瞓得晏才起床,先有個signal今日自己真真正正放假!
呢個星期勞勞碌碌中度過,感覺對上一次寫blog好似已經係好耐嘅事~~又係時候總結下過去呢幾日自己做過d乜咁攰!睇遲下怕呢個部落要由daily blog轉做weekly了~~
首先,星期一晚其實係公司在中環伊利近街一間意大利餐廳食annual dinner,7點未夠d同事同老闆就去晒,因為阿頭一個突如其來又不合理嘅工作指令,搞到我頭昏腦脹兼火滾,越做越忟憎,最激氣係個dinner7點半開始佢6點幾先打返公司叫我manage,跟住仲要俾個admin打黎催我出門口!喂,大佬啊,工作又未做完,已經好忟架啦,仲要打黎催三催四又話所有老闆朋友都到齊只欠我同等埋我嘅另一個同事,你估我唔想好似其他人準時到咩,好鍾意留在公司做到最後走架咩!!講起就火都黎呀!開頭諗住呢餐係去到各自order嘅果種西餐嘛,做嘢趕唔切最多咪唔食,鬼知要等齊人先開始咩!好在有個同事好好咁等埋我一齊到7點20分全公司最尾果兩個先坐的士去餐廳囉! =.=
其實到今時今日有一個原因令自己仍然打算在呢間公司捱住唔走,係因為佢有某些作風係有別於一般design & arch firm which I appreciate,好似annual dinner,老闆唔會為慳三兩個錢而隨便訂兩圍中菜就算應酬了各位,反而會花上$400一位去品嚐意大利菜~~根本上佢地係懂得享受的一群,單是這點已經跟自己過往做過嘅公司很不同了!因為兩圍中菜廿幾人共六七仟元跟一張長餐桌廿幾人共約一萬元的感覺已不能相提並論了!
攰了,一周回顧明天待續......
No comments:
Post a Comment