嘩...又差點犯法俾警察叔叔拉呀!頭先下午正想入厠所時,家姐接到管理處來電,原來媽咪間房其中一隻窗爛咗,只係一粒拉釘連住窗邊在外吊下吊下咁,差d就成隻跌落街!!一定係昨晚太大風加上層樓太舊好多嘢都陸續鬆脫,最終抵擋唔住甩咗啦,好彩冇好似上次新年我間房果隻咁成隻跌落街咋~~其實昨晚在媽咪房一早已聽到一兩隻似有東西跌下嘅聲響,我同細佬都即時拉開窗簾四圍望怕係我間房嘅窗又爛咗,可惜捉錯用神原來係輪到媽咪間房果隻!於是叫醒大佬起身幫手拉回隻窗入屋,不知幾驚險呀!不過最佩服都係隻窗同媽咪,一個可以在掛上黑雨嘅天氣下吊足一整晚屹立不倒,一個就一整晚完全察覺唔到隻窗甩咗!!
No comments:
Post a Comment