"感激我遇見"

今晚睇電視劇集時,戲中講及一對新人於婚宴上回看相識片段,隨隨播出
"靠向你身邊,你帶笑卻無言,在落寞情況常贈我明天...."

係"感激我遇見"呀,嘩...,好耐都冇聽過呢首歌嘞~~其實自己都幾鍾意呢首歌,曾經有一期是開著cd機日播夜播...被遺忘了一陣子而家偶然再聽,感覺好好呢!好有衝動在柜裡搵番伊健隻cd出來聽聽....哈哈....

感激我遇見................

1st b-day dinner

今晚警察叔叔請食飯,原本約好7點半,未收工要8點,到8點還未走得,結果要佢等到差不多9點!要人請食飯,遲到要人等,還要搵定位給我,真係非常唔好意思呀,警察叔叔,so sorry!

anyway, I'm happy to have my 1st b-day dinner with u & thanks for a nice dinner!

Visvim private party

又來update一下:

繼CdG後,星期四日本潮brand"Visvim F.I.L."在中環開HK首間專門店,晚上公司在香港公園的L6餐廳搞了個private party,都係果種PR party,對象其實係城中名人同媒體,8點幾收工後同班同事一齊去湊湊熱鬧,以為類同上次CdG private party feel,點知相比起上次,Visvim係高調好多,相反CdG你subtle同高檔一點...

去到門口已見到人山人海擠滿人,餐廳indoor地方不大,guests大部份都選擇拿住cocktails企出近門口outdoor位一堆堆的聊天,這種氣氛猶如在中環"浦"吧一樣,只是一個high class clubbing~~

入口處一邊更排滿閃光燈閃過不停的記者,好似出席什麼什麼首映禮頒獎禮一樣...冇法啦,鬼叫老闆同娛樂界息息相關咩,在商言商宣傳手法是必言的~~其實個party似乎是招呼外來客的場合,對於係little potato的我們,真是不大適合!尤其係當進入時要被大堆閃光燈閃過,諗起都怕怕~~當時有諗過過門不入,但同事話既然去到就入去湊下熱鬧,所以只係逗留了半個鐘頭,四圍睇睇明星見識下Visvim掌舵人,見到余文樂同Edison同李燦森前女友....etc,以為余文樂好高,原來真人唔算高,仲好瘦下添~~第二日睇新聞自知阿Jan都有去,可惜見唔到佢...

終於多少親身感受到做藝人去到邊都受人注目的苦況,enjoy由自可,唔enjoy的話都真係好慘下~~~自問一d都不嚮往嘞,有時想:平凡都有平凡好~~

發夢

呢兩晚連續發夢:買舊但又大到有六七八間房的屋...同某某旅行...腰背痛到返唔到工....

買到啦

heeheee....終於言出必行,買到啦!買了上次提過的法文歌嘞,仲買埋"生日快樂"隻碟....極開心!雖然唔係佢最新大碟,但都好好聽,值得推介....
CARLA BRUNI - "QUELQUUN MA DIT "

昂平360

上星期六去了昂平360,天色雖然未算陽光普照,但上山時風景總叫清晰可見,(至少遠遠都能見到大佛)吖,尚好!原以為星期六會好多人搭昂平360,好彩來回兩程都只排了5分鐘左右就上到纜車,可能是是近日又發生故障事件而少了人去~~

對於這個skyrail,個人感覺不錯,沒想像中同報導般差~~未搭前覺得$88來回都幾昂貴,但搭過後發覺其實20分鐘橫四五個山頭,整條路徑都唔短架!對於這麼一項大的工程,$88其實都合理嘅~~~

新建的昂平市集給我第一個感覺好似新版ocean park集古村,一間間相連的中式建築食店同紀念品店形成一條小村落,但賣的是starbucks coffee,優次良品等食品,總好似有點格格不入!

現在回想起以前要去大嶼山,好像是件要洀車勞動好遙遠的事,搭渡輪就是唯一選擇...時代變遷後的今天,除了水路,還有陸路甚至架空纜車都一一可到達,真是很方便呢!

懶瞓

好快又過了一星期,這幾天雖然多了個幫手drafting,但都平均做九,十點先收工,時間上好沒什幫助呢~~

近期多了"今朝沖昨晚的涼",好多時食完飯不用兩三個鐘就一覺瞓到大天光,好似一瞓就不能起!最慘連妝都懶得落,搞到近期的皮膚差了~~

moody friday night~

Although it was happy friday last night and the new concept got approval from me. shum, I didnt go anywhere....stayed at home and ZzzZz all night after work...pretti much moody~~

終於"拍板"了!!

返假前等不到老闆,以為要等到下星期先有機會再見到佢...嘿,阿哥今日講老闆已返港並會下午落來17/F,於是即刻執好準備給他看的圖,抱著happy Friday mood不想ot的心情等到7點,心裡焦急著要收工時老闆就剛好來,哈哈哈....經過重做了不下好幾次的new concept design,終於被老闆approved啦,可以鬆一口氣!於是連忙拿袋收工,待下星期回來先繼續做~~(走時的心情就是"彈下彈下"的步出公司門....)

............

心情低落......

新幫手

昨晚瞓得不好,加上半夜雨聲連連,今朝又要一早起床返工,簡直是十萬個不情願呀!一日之間的天氣變化真是大,昨日起床時天氣晴朗,心情都特別愉快,還忍不住拿起相機拍拍窗外景色,很久沒見過市區的天氣是藍色了,真美!相反,今天整天色陰沉沉,碰著假期後第一日返工,做事都提不起勁~~

******************

今日全部project人都返齊公司,還多了位新同事返工,lunch一齊去了飲茶,好似過年食開年飯一樣,好搞笑!朝早一返到公司,阿哥就同我講位新同事主要是請來幫我手畫圖....嘩,聽到即刻開心晒!出來做工好幾年都未試過有一份工是不用自己"一腳踼"的,從來都是自己安排自己工作,現在居然可以有人幫手share minor work,真是有點受寵若驚同不習慣,霎時間都不知應安排什麼給他做~~即時諗起佢講過我"一睇就知我係唔慣被人服侍"這句話!in a way, i dont deny....anyway, hope all goes well....

假期最後一天

話咁快5日假期就過了,感覺好似冇做過些什麼有意義的事~~

好多朋友仔都出外旅行,對於近期財政緊拙的我,當然是疊埋心水留港消費...
數數原來5日假期裡只有兩日是約朋友出行街,其餘三日都是與家人過...(雖然休息時間多了,但好似好悶呢!)=.=

放假前一早同自己plan好schedule要好好利用,但原來5日真是好快過...訂好要做的到最後還是未做,激死!...好似立下決心要執好房間,明天要返工了,到現在還是原封不動!...又好似想逛下波鞋街買對新鞋仔,但又因為懶自己一個人逛街,結果又得個想字!...還有想好好清理一下電腦的files,但日日開著它只掛著上網surfing...唉!唯一有付諸實行的,就是決心去剪了把看得不順眼,想留又不留的頭髮!原來要由好短頭髮留長的階段,真是一件很難的事~~只是想稍稍留長一點都動不動想將它剪掉,睇怕我真的不會留長髮了!若要變成事實,想必是為了某人某事才拿得出這份耐心......

Art exhibitions visiting day

今天突然變得很有藝術情操,去了港九看了幾個art exhibitions!

老老實實,除了在英國時有這閒情日緻定四出看exhibitions外,在HK數數看得exhibition最多的日子都應該要追溯到讀T.I.的時代了,或許近幾年在HK都偶有看過,但都記不起來咯...what a shame!@_!

到了中環一帶的private galleries都"摸門釘",因為假期嘛!剛巧經過域多利監獄看到有個開放展,可惜遇上lunch hour關門,無緣入內參觀一下~~在HKAC看過"absolut creativity"同"The black book of falling"後,發生了段小插曲:



在book shop無意中聽到一首french song,雖然聽不懂但感覺好舒適,當下沒有即時衝動買下這cd,但回家後好奇心軀使下上網search這隻cd的資料,試聽後好喜歡好懋再聽,所以決定過兩天就去買這隻cd!(其實很少會偶然聽到一首非流行曲就喜歡了,更很少會為此而買下,感覺好奇妙~~莫非這就叫一見鍾情?...heehehhe..)

之後在HK Museum of Art又看了一個有趣的exhibition"不中不英-chinglish"香港藝術展,意思是港式廣東話,介紹內容quite funny,值得一看!之後還有機會再到星光大道補影上次401冇影到的哥哥光輝閃耀30年的圖片展,去到先記起今日是last day啊, so lucky!

....總結今天的收穫不錯,a meaningful day!Thx E.

終於放大假了!

太好啦,終於可以放5大日假了!!!

終於可以瞓晏些,可以好好休息了...yeah!!

水靜河飛的一個工作天

今日是假期前最後一個工作天,公司有些同事一早已提前放假,有些去了site,結果成個project dept只剩低三四人水靜河飛,眼見同層的其他部門感覺都是冷清清的,easter holiday好似一早就開始了~~

整個下午在趕著放假前做好張rendering給老闆過目,邊等邊做等到人人都陸續放工,其實一早就想走了,但又怕他真的會下來,內心掙扎了一陣子,決定等到8時多還沒出現就走人,結果他當然沒出現而我叫做盡了本份等到8時多啦!不過居然全層中還有兩三個同事盡責過我,還未走喎~~

假期倒數

返多兩日就放5日easter holiday啦,十分期待!!!

(心情就好似小學時期待放長假一樣)...... @~@

續...CdG HK

可能因為自己對足這個重新被翻新的空間四十多日,入到店內第一時間觀察著的並非昂貴的衣服鞋襪,而始終是留意著裝修過後首日人客對店內設計的觀感眼神,還有察看四周有否被弄污等等...反而對著他人排隊入內選購的衣服,都用不上10分鐘就看完,因為看得上眼的都根本買不起! ~~唔知其他人有否察覺到我的行徑呢?!會否覺得我好奇怪呢?! hahah....

"襯"完熱鬧後打算離開時,被同事C叫了一齊跟老闆沈生,玲姐伉儷,公司高層及有關同事食晚飯,心諗到要跟一圍枱有份量人仕坐埋一齊飯局就很有壓力,但覺得如果自己唔去,project部門就只得一個site sup同事出席,部門阿哥又放假,一個designer都冇又好似唔太好,所以最後都去了...

這餐應酬飯設宴地點在灣仔某高級餐廳,一心以為只有一圍枱,誰不知去到先知到"大鑊",原來加埋有二十幾人呀!!同場還加插wyman,心理壓力越來越大,越來越怯!一張長長的枱有如Harry Potter裡魔法學校grand dining hall那張一樣, 重心人物坐在長枱中位,然後little potatos側坐在兩邊伸延,好衰唔衰自己被編到坐在最憎的"主席位",立即想拒絕就坐,但又沒辦法推卻,只好硬著頭皮坐下!

唉...最尷尬的是...當全部人坐下而大家不其然將目光都投視在我個主席位(因為一張咁長的餐枱,主席位通常都是焦點所在!!),矚目非常!!雖然離老闆位置都有一段距離聽不清對話,但當玲姐同老闆目光都望向我方向時,鄰座的其他人又望向我,相信老闆是在介紹公司同事給她認識,那刻就剛好到我!!最慘是我根本不肯定他們的對話,同老闆可能根本說不出我這potato的名,但為表禮貌又不得不點頭微笑,當場尷尬得想搵個窿捐呀!!莫講話guests,就連同枱食飯的公司同事我都未全部認識,完全可以想像到其他人望到主席位坐著個連名都不清楚的little potato的奇怪目光~~

結果...全晚隨了跟三兩個同事傾計外,其餘時間都不自然地低頭進食,唉......總之超級embarrassed同樣衰啦!!=_= 雖然現在回想起其實有幸能同知名人士同枱食飯,是很難得的,但這些應酬飯局真是一次就夠了~~

Leslie 401 - 2007

Dearest Leslie,

miss u sooOo much at this memorable & unforgottable day!

the 4th year of 401

love
kEnix....





M.C. 丘凱敏

嘉賓Eason