Happy New Year!!

繼上次在平安夜去2nd In份工後,早兩日又再收到果間公司叫我昨日朝3rd In! Godness!臨近new year好有holiday mood,都諗住暫停搵工盡情普天同慶一下,過咗Jan 2 至再黎過,昨日原本已經有晒schedule,諗住上午執嘢等下午送新床黎,然後晚上約朋友出街~~~點知就俾呢個call打亂咗計劃!老實講,收線後真係有一絲衝動唔去In呀,奈何都要向現實低頭!其實上次2nd In,個senior都講會再call for 3rd In,即好大機會請我,只係循例見見個GM,otherwise,唔會咁有誠意同我講成咗個幾鐘啦!自己都有把握嘅,只係覺得間公司又唔係咩intl firm,recruit一個人要in 3次好費時失事...

結果都好順利完成個interview,個GM話請我同俾時間我考慮,但...自己又覺得呢份工唔係first priority,就算返咗都未必長做,如果答應咗都似乎睇短期回報可以早日有＄用,唔駛等到過完農曆年先至有工做~~但一旦返咗工又好困身,好難再可以抽到時間見工,唉!好煩呀,究竟應否為著一時之急去返呢份工呢？或是放棄呢?!

今晚係除夕,希望人人都有個開開心心嘅2006!

Happy New Year and all the best!! ^.^

年尾中獎

上星期放紅假之前收到郵局通知去拎掛號郵件,仲一連兩封同媽咪一封,心想點會咁啱架,一定係媽咪參加果d乜乜日報送大禮抽獎,悄悄擅自用咗我嘅ID黎填抽獎表格,仲同我拗話如果抽中報紙點會咁大手筆俾十幾蚊一封發出掛號信件黎通知得獎,哈!所以今日去揭盅,一如我所料,真係抽中!雖然唔係咩大獎,不過有$500 WING ON cash coupon and $200 supermarket coupon都算唔錯啦!估唔到我有d小財運喎...可惜全數收歸媽有,不過唔係佢咁勤力參賽,都唔會抽中我嘅!

嘿,唔知d好運會唔會由此起呢?!希望首先搵番份好工,然後帶到落2006年啦~~~

維園工展會

雖然昨日係boxing day,但似乎收唔到想收嘅禮物~~
人大咗真係唔係好捱得夜,所以昨日都係乖乖留在家休息下,反而今日同咗媽咪阿哥同埋佢女友去咗行工展會(實在係一個意想不到嘅組合)!可能今日仲係紅假,超多人呀！簡直有種感覺自己行緊年宵咁!加上返黎咁耐都盡量避免行咁擠擁嘅地方,搞到一邊行一邊鼻敏感發作,摔到鼻都紅晒,真攞命!

行到一個有工展小姐嘅擋攤,嚇然發現果個家陣晚晚睇刑事都會見到佢嘅海俊傑企定定幫手拉票喎,佢似乎覺得好多人會認得佢咁,當正自己係生招牌多過位工展小姐~~~

Christmas day

昨晚..(應該話今朝至啱)好晏先瞓,不過未到十二點已組經倖俾人嘈醒!夜晚入咗朋友屋企開P,見番班老朋友,大家交換下禮物食下嘢,玩下cards同講下笑下,好快就過咗一個愉快嘅christmas night! ^.^

**在此多謝阿lin預備咗d精心炮製食物俾我地...thx!

平安夜

都有兩年冇在港過聖誕,感覺好似在UK過第一年christmas一樣新鮮,因為在果邊過嘅都好peaceful and family feeling,加上以往身處HK時眼見街上五光十色嘅聖誕裝飾都習以為常,認為呢種模式係理所當然,反而今年返到黎HK再見番,特別覺得有氣氛同lively,又好雀躍!

今晚平安夜過得真好……

X'mas 2005

MERRY CHRISTMAS!!!

越窮越見鬼

今日剛in完一份工,今次終於唔洗in好耐,因為只係first in HRM，呢個女人比起之前果幾個nice好多!話時話,唔知點解對HR果ｄ女人總係冇乜好感,多數都係一副惡死兼麻煩嘅模樣！

真係開始相信一句話"越窮越見鬼",糧地已經夠死架啦,前晚仲要發覺晚晚瞓開果張"龍床"竟然爛咗!!應該係話俾阿哥踩完上去就發現床側爆開咗兩度深深的裂痕,（都唔知應唔應該賴佢好!)不過張床畢竟都瞓咗十幾年,都係時候換過,只不過似乎唔係適當時機拎＄出黎買過張新嘅啫,頓時令我嘅膊頭百上加咗幾百斤...=.=

早兩晚一連出街食咗兩餐生日飯,在酒樓擺兩圍慶祝Dad&Mum's birthday,由於未搵到食嘅關係,只係趕工織咗兩條溫暖牌俾佢地當生日禮物,佢地都應該鍾意掛？!

p.s.啊...昨晚又夢見果個人嘞...

失望

返咗黎個半月了,病足咁耐,雖然話條氣順番好多,但始終未能切切實實斷尾,間中都仲咳幾聲同流鼻水!所以以防萬一,出出入入都仲要帶定條scarf暖頸~~

話就話因為個病而多少拖慢咗搵工嘅進度,好多人都叫我養好病先唔好急於一時,但係自己其實都想快d搵到工做,一黎等$駛,二黎唔想家人擔心而有所壓力,三黎唔想成日俾自己太游閒,要確確實實揾出一個路向,因為就算滿腦子大計做自己想做嘅嘢,都要有$$$去實行先得,冇$就乜都唔洗諗,一切都建基於$$$呀!

其實之前都預咗年尾返黎搵工一定有難度,只不過返黎冇耐就有一兩個interview嘅機會,俾咗個假希望我,以為自己真係咁好彩好大機會唔洗"mau"到過咗年,唉點知都市計畫係失望而回,每次仲用咗成三四個鐘in一份工呀!!!總之好彩嘅嘢通常唔會發生在自己身上嘞~~而定唯有講呢d嘢係急唔黎啦!(但一諗到要"mau"到過咗農歷年,就覺得自己好悲哀,咁會悶死我架!!)

呢排除咗"癡"住部腦搵工外,為咗唔俾自己懶惰,就搵d嘢做下黎充實自己,首要係織下頸巾俾人(已經成功起咗4條貨),然後逛逛書局同到lib記借d興趣書睇,前兩日還挺起心肝去報普通話讀不過要二月先開課呢!

舊地重遊

又話會好凍嘅?!只係夜晚feel到些小涼意,凍極都市計畫有成十幾度,尤其在旺角鬧市人多車多,溫度都同平日差唔多!都詭人嘅~~
昨日終於約埋幾個中學同學仔返去過咗5年嘅TTC探下d阿Sir同Miss,其實主打都係"伍蛇",其他係其次(哈!咁講好似好偏心!)...搭巴士入大興雖然車程唔係好耐,但就搭到好想嘔兼頭暈!可能呢兩年在UK時少搭巴士代步,近則行,遠則搭火車同tube,發覺而家唔係好搭得車,搭兩下就頭暈反胃,真係"水皮"!
言歸正傳,今次返到TTC,感覺好唔同,似陌生而新鮮,但又似曾相識嘅感覺,怪怪的~~淨係講個校舍都已經面目全非,增設咗成幢新翼,好多新設施同科目配合發展之餘,連花草樹木都生息不少...唉,而家d學生真係幸福好多!
以前教過自己嘅老師,大部份都依舊任教,有後生咗亦有老咗,雖然佢地對我地只係依稀有印象,已經講唔出我地個名了,但見番佢地,感覺好開心,因為見到佢地往往令我諗起焦無憂無慮嘅5年中學生活!

WTO 2005

近日鬧得全城熱烘烘嘅世貿會議昨日終於舉行,從新聞中睇到大批南韓農民遊行示威嘅片段,真係不禁替香港警察嘆一句辛苦同無奈!我諗今次係香港警察有史以來最忙最大型嘅一個任務~~其實我覺得d農民嘅反對行動又似乎過激,係咪應該有其他方法去表達佢地嘅不滿呢?!...最搞笑係有條片訪問個農民代表,竟然話覺鬼得HK police對佢地採取嘅態度好溫和,仲好似好appreciate同respect咁添=!= 言下之意,咁係咪即係暗示南韓警察好暴力呢?!...

母校

今晚從一個他人嘅blog睇到提及佢母校,突然間心血來潮走去搵番自己母校嘅website睇睇,睇到好多校園生活相,不禁令我諗起"這校園、這班房、這走廊、這禮堂..."呢首歌~~canteen、球場、甚至一草一木...有一種似曾相識嘅感覺,仲見到好多以前曾經教過自己嘅老師一副副熟識嘅面孔,看似依舊,其實大家都老咗好多,畢竟由中一計起,都有十年多光景了,有d由初出茅廬嘅青年教師變到十年後而家嘅老成持重先生主婦模樣,有d由黑髮變到灰白髮......真係歲月催人老~~

<企中間果個就係我中一班主任阿伍sir嘞,唔知其他書友仔睇到呢張相又認得出幾多個老師呢?>

**圖片取自TTC website**

就係咁,一睇就睇咗成個鐘!唔知睇到我個blog嘅朋友仔會唔會好似我咁,睇到人地個blog後憶起自己母校,撎番個website睇睇呢?!
突然有個念頭好想返去走走呢~~

HK Disneyland

昨日朝10點都未夠就去到Disney玩,都不知幾多人呀!事緣阿大口仔識人帶挈拎到free tkt入場,咁梗係冇執輸跟埋去玩啦,可以慳番$295喎,哈哈!

除咗早上稍為清涼,天氣大致上都唔錯,中午時仲幾熱下添!之前成日聽到報導話HK Disney好細,冇預期咁多人去,員工service差等...但就我所見,其實又唔係咁差,地方係就係真係好細(唔玩game嘅話,相信30分鐘可以行完整個樂園,行多一兩次就可以認得d路),不過員工嘅服務態度都幾好呀,好似餐廳食完嘢d阿姐會好快手走埋黎有禮貌問咁可唔可以收咗d嘢,又話多謝光臨咁~~仲有果d在四圍都有souvenir售賣亭嘅staff,明知大部份人只有係咁試卡通帽影相而唔係真正會買(正如我地呢d!),有個姐姐真係好nice任我地試戴又主動suggest我戴邊款然後仲幫我地影合照,呢d服務態度冇得頂啦!

game方面就...真係嘆一句"把鬼"!尤其係果個出晒名嘅Space Mountain,真係好失望,完全feel唔到有坐過山車嘅刺激感,礙於地方限制問題,個space唔夠黑同唔夠多起伏位,同在LA玩過果個冇得比呀!好彩拎咗fast pass唔駛等好耐~~其他game大致上都等咗半個鐘左右,都合理嘅,因為如果冇人排隊又好似冇咗樂園嘅氣氛!掛排隊時不時耳邊都傳來操國語嘅同胞聲音,不過就好唔明白,眼見其實都有好多香港人,乜星期四d小朋友中學生唔駛返學,d青年中年人唔駛返工咩?!難道香港嘅經濟仲係差到好多人同我呢d閒人一樣失業?!

巡遊節目唔及煙花精彩,保持到去過其他Disneyland嘅水準!全個樂園最值得推介嘅係果兩個"Lion King"同"Golden Mickey" shows,仲有另外一個3D show都非常吸引,值回票價!去至於食物方面都OK啦,唔算太貴食得入口嘅,$40碟粉麵飲有杯熱茶送,飲品由$10-$20不等,只要唔抱住高要求嘅心態光顧,係可以接受嘅!

總括而言,Disneyland都係啱小朋友玩多d...

Mickey & Minnie Buzz LightyearChristmas Tree

Sleeping Beauty Castle

fountain

Entrance

失望

今日......好失望呀!!!

秋高氣爽

返咗黎一個月,終於感覺到秋冬寒意嘞~
啞咗一晚,好在第二朝有番把沙聲,原先打算推咗朋友元朗BBQ,但難得見到約齊人,所以後尾都決定一到,仲第一次試搭西鐵,真係覺得自己成個"大陸喱"咁!第一次坐西鐵,感覺車廂好清潔乾淨又快捷,心裡又自不然跟歐洲嘅交通網絡比較,香港嘅service真係好好嘞,私人加一分!
,雖然話晒中學時代住屯門都曾經在元朗留過不少腳毛,但入到元朗就好似迷路一樣,人面全非好多嘢都變晒,同朋友仔閒談間都記唔起身處嘅郊野公園,中二時學校旅行已經到過!眼見大家在寒風人中燒烤,我就只可近觀而不可食,一於戒戒戒!忍口只聞住一陣陣炭燒雞翼味~~

保持沉默!!

死伙!!!我失聲了!!經過一個月黎先後睇咗三次醫生,又試過自己買咳水食後,在反覆嘅情況冇好轉下,前日終於要睇第四次醫生,係第四次呀!!今次換過睇第二個醫生仲"拮"埋針,食咗藥後係就係好似收咗鼻水同冇好似哮喘咁咳,但就無端端失咗聲,死未!!就好似醫好一處,第二處又病發咁!
唉...都唔知病到幾時~~~

而家擔心黎緊星期二個interview點算,求神拜佛到時開番聲啦!

果實沒有種植=矛盾?!

上次黎寫嘢係23號,咁快又一個星期啦!!呢個星期真係無無聊聊咁過咗,所以都冇咩好寫記低~~
唯一特別嘅就你係同阿珍珍,CC and Tazed食晚飯,係返黎第一次去人多車多嘅Causeway Bay,好在都冇真正咁逗留好耐,上車落車上樓就食飯然後搭返車返屋企,所以都冇被污氣籠罩住~~

Other than that,都好似冇咩做過,最多都係send下CV搵下工,在家"痴"住電視,陪阿媽飲茶買下餸咁啦!雖然朋友都叫我抖下休息多d等身體好番先搵工,但一來實在不能因為呢個手尾長嘅病而拖住搵工進度,二來又覺得呢d"師奶"生活都幾無聊,間唔中過下就好,過得太耐驚自己會越來越懶呀!而且目前最緊要都係快d搵到工還債,拎$返屋企,唔想被人覺得畢咗業咁耐仲游手好閒,其實真係有無形中嘅壓力架,好心急有份工但又想skip咗interview果part喎...就好似想食芒果但又想skip咗種植嘅過程...幾矛盾呢!

<呢個係好cute嘅阿B>

條氣仲未順

點搞呢?!...條氣管仲係敏感,又咳到就黎窒息咁,好辛苦...救命呀!!!

possibility

點解總係要做被動嘅角色,等待嘅心情一d都唔好受.....好耐未試過有呢種心情嘞~
究竟佢會唔會揀我呢?!

星期六

星期六,心血來潮好想去shopping,但又怕人多,因為自己知自己事,身體仍處於非常時期,所以都係乖乖留在家罷!...

等咗好幾日,佢仍然未打俾我~~~

中英街一遊

昨晚晨早6點幾就出門口同媽咪參加中英街一天遊,5點幾就要起身,正一返工都冇咁早呀~~
都知道平嘢一定冇好架啦,話就話中英街一天遊,但幾十蚊嘅一天團梗係帶去買呢樣買果樣多過行景點!一如所料先係到一d展銷場強迫性地坐定定聽佢硬sell鹿茸產品,跟住相繼到過sell桑茶,蘆薈產品,"假"珠寶手飾同杏仁餅嘅地方,雖然冇車接送,但咁樣馬不停蹄地走完多個"購物點",都咪話唔攰!而實則逗留中英街嘅時間都不過40分鐘!呢條全長只有250m嘅街,感覺有點名不副實,雖然有著歷史遺留落黎嘅古蹟,但其實果種明顯"中""英"分界嘅特色感覺早已消失,現存嘅分界好似已經隨時代變遷而融合一起,如果唔係見到個HK Police嘅警崗,都分唔清邊一面"中",邊面"英"...
anyway,有機會入到去呢個禁區見識下都好,因為唔係人人都可以個人申請入內,要團體申請先可以批准入內~~~

第三次光顧

昨晚去咗2nd In,淨係等都等咗成個鐘,之後分別in咗兩個唔同人,all in all搞咗3個鐘呀!好衰唔衰,in果陣喉嚨又發作,不停咁咳,搞到幾唔好意思呀~~~
之後終於頂唔順,結果都係要去睇第三次醫生!正一條氣唔順,氣管敏感兼喉嚨發炎未好,究竟係咪我自己身體問題,定係HK空氣真係咁差呢?!

財少身子又弱

昨晚又週期性咁夢見果個人喎~~
唔知點解,渾身都好似唔自在,有講不出的唔舒服,一時頭重重,一時氣管咳到好似哮喘咁,一時又...總之就麻煩啦!

1st IN

又不得不嘆一句"唉"!!!
連日來圍繞嘅話题總係離不開"病"~!~,真係不得不承認自己今次打敗仗!睇咗兩次醫生都冇明顯好轉,時好時壞!今日本來可以食到細佬一餐"小肥羊"下午茶,點知準備去之前突然收到個電話約去interview喎,急唔急d呀,而家d公司真係...!!睇在有個機會份上,唯有放棄小肥羊啦~~仲有喎,昨日以為佢冇電話到咪以為今日in嘅機會唔大,所以都冇準備到,於是咪約得遲得就遲,5點囉...仲拿拿臨上返果間公司嘅webpage度做下功課,and then極速熨番件恤衫同執下個衰樣,眼見媽咪細佬去飲茶而自己飲都冇食就去見工...頓時覺得自己好可憐,哈哈哈!已經隕預早咗出門口架啦,但紅隧塞車都一樣搞到遲咗10分鐘,幾唔好意思呀!好彩,成個1st in都ok,只係首先見個manager,佢對我嘅profile都幾滿意,希望next week有機會2nd in啦!

久病未癒

唉!點解keep住食藥都仲係咳,有時鼻水流流打噴嚏架?!稍稍出街食個lunch返黎都就不停鼻敏感,捽到鼻哥都甩咁滯!!手尾咁長...希望好d好番啦,唔係有掛煩嘞~~~

夜半

唔知係下午小睡咗陣,定係仲未overcome jet-lag,or有ｄ嘢諗,搞到而家HK時間半夜3點幾都未瞓得著～～

今晚又得知另一對朋友分咗手,可能接二連三聽到同樣嘅消息,到呢次聽到時都冇咩咁surprise,只係嘆咗一句!唔知係咪正如朋友所講今年唔利我地同年姻緣,定真係事有湊巧,六對couples都係同年齡喎!搞到我自己都要考慮下係咪應該識番個大小小嘅先得?!...不過好在都聽到有一對今個月結婚,雖然唔係好熟,但都替佢地開心!

病魔捲土重來!

唉...乖乖咁食咗幾日藥兼戒口仲休息咗幾日,本應退咗燒剩番d咳,好番好多,點知就好衰唔衰,因為以為自己好番咪同朋友出街食飯飲嘢囉,返黎咁耐第一次見番班朋友自然開心,咪飲咗d酒,加埋在人多嘅酒吧吸埋d二手煙,咁就出事啦!!三點返到屋企個頭已開始感到頭重重,咪即刻上床瞓覺,瞓到8點半就醒咗瞓唔番,全身仲感到忽冷忽熱手腳"攰癩癩",feel到自己唔妥似發燒,拿拿臨再去睇醫生~~探熱又冇燒喎,只係感冒未清!嘿!最抵死係我同醫生講d徵狀,佢即刻問我係咪出夜街兼飲酒,我話到過吧佢就即刻話"咁一定吸唔少二手煙啦" "咪俾你媽咪知添呀"-.-...之後叫我暫時應避免去人多嘅地方,最後仲俾呢個uncle醫生幽咗我一默"繼續吸多d二手煙啦,哈哈"!搞到當堂冇聲出!-.-都唔知點解,離上次離開HK都不過是一年啫,每次返黎都適應唔到d天氣,兩次都大病一場,冇理由呢個土生土長嘅地方會令我難以適應,聽落好似好誇張咁!

其實昨晚同d朋友仔傾計,得知一齊玩開識咗好多年嘅幾對好朋友都相繼在呢年間同另一半分咗手,唉...作為朋友聽到不禁有d失望同可惜,覺得身邊嘅人同事在自己不在港嘅一年都有好大轉變,上年見佢地一雙一對還好地地,心諗佢地最少果對都拍咗5年拖,應該打風都打唔甩,做定人情飲喜酒,誰不知...總之家家有本難唸的經啦!短短一聚好似變咗單身俱樂部咁,都幾搞笑~~有時諗諗下single都有single好!anyway,希望身邊嘅朋友都解決到各自嘅問題,開開心心啦!

回家了!

終於返到屋企了!但感覺好奇怪,總係感覺唔到自己真真正正返咗HK,好似係返黎渡假多d,尤其係踏出機場回家途中,好唔實在...途中見到好多新嘅屋苑住宅同新建設,雖然舊年summer都有返黎,但只係短短一年時間,好多嘢都唔同晒,有d係完全唔知邊度打邊度,就連最熟悉嘅旺角都改頭換面了不少,真係覺得自己好"大陸哩"呀!其實一踏出機場四圍望嘅第一個感覺係香港d air pollution好犀利,當日天晴但仍是昏昏暗暗,混混濁濁咁!

最不幸的係好似上年咁,一落機就病咗!好記得上年一落機就即刻去睇醫生,今次就拖咗兩三日,結果仲搞到發燒!!喉痛鼻塞醫生反而話唔擔心,最擔心係發燒喎,唔知係咪驚有bird flu嘅徵狀呢?!...
夜晚一瞓低就鼻塞不停流鼻水,又咳到瞓唔倒,食咗一排成藥都唔掂,今日都係要俾$$去睇醫生!d藥真係勁,食完可以瞓足一日,完全陷入昏迷狀態,瞓到仲有d頭痛呢!另外可能因為唔適應天氣轉變同jet-lag,塊面仲即刻長滿粒粒添!睇怕真係要好好適應一下啦~~~~

久別重逢

呢幾日好開心,因為好多呢兩年識嘅朋友仔知道我就黎返HK,不約而同約我食飯見面,搞到突然間忙起上黎,前日仲一日之內走三場,哈哈!其實呢兩年幾在UK都識咗一班朋友,但0係心入面始終覺得果份友情唔及HK識嘅朋友好,直到呢幾日先至發現原來並非所諗,好似有幾個朋友,大家自頭半年一齊做過三兩個月同學後都年幾冇見面,佢地知道我就快要走,在百忙中抽時間到london相聚,雖然不常聯絡,但一見面總會好珍惜相聚時間,尢其係今次,一別後都唔知幾時再見咯!短短幾個鐘頭,令我過得好開心愉快...

The London Eye

Yesterday I went to ride the London Eye. It was a wrong decision to go yesterday becoz the weather was so foggy which I didnt expect. I hardly saw the London scene from the capsule but I had to pay GBP11.5 indeed! It's not worth to pay lots being a 30-minute tourist! I was kinda disappointed with the panoramic view of city London. Personally, I think it's not that geat as the nightscene in HK from the Peak, only the nearby famous buildings like the BigBen, Houses of Parliament and the Westminster Abbey etc are worthwhile taking a shot.

COLD~

病咗兩日,今日終於叫做好d,只係仲有sore throat同俾d藥搞到成日好眼瞓...
昨日仲逞強幫朋友搬屋,哈維!反而夜晚攰d仲好瞓!記得上次summer臨返HK前就病咗,今次又係咁喎!!好記得上次一落機返家放低行李就直到診所睇醫生,因為在機上"焗"咗d感冒菌十幾個鐘,冇病都變有病啦~~結果咪發燒,頭一個星期就在家冇出過街,希望今次快D好番啦~~

得不償失

原本食咗d藥好d架嘞,點知好衰唔衰昨晚同班朋友去Korean restaurant慶祝佢birthday,食咗d辣泡菜就搞到喉嚨又痛番...結果咪衰咗囉!搞到成晚喉嚨乾痛到瞓唔到,日抖食咗d藥又攰又眼瞓,真係有d自己攞黎呀~!

病倒了

頭痛痛,鼻塞塞,喉痛痛,攰"賴賴",仲唔係病倒!

member of England?!

Yesterday I went to central Ldn to meet my fren who's travelling from HK. I'm happy to meet her again at a place away from HK, the feeling is miracles! We hung around at Leicester Sq. and had dinner at Chinatown. Although it's not long, but we did had a good time. It's the last chance to meet frens up from HK in England before going home. Usually, I dont feel that I'm a memebr of England, but when frens came over from HK, I would see myself as part of here, pretty odd~~ haha!

瞓唔著

昨晚唔知點解瞓落床好耐都瞓唔著,個腦海突然諗起一個人,諗起d往事,突然間好想同佢講赹聲"你好嗎?"

剛得知媽咪病咗,希望佢早日康復啦~~

長途電話

今日原本打算在家執拾一下嘢,點知上網不久就連環收到幾個朋友嘅msg,於是乎就開始咗不盡嘅話題,其中同一個朋友傾傾下仲用咗voice calling直接對話,crazy到連飯都冇食涼又未沖咁傾到半夜三更,朋友果邊嘅時間都已經係上午!!好耐未有咁顛了,好在我地係用net chatting咋,otherwise,用電話傾俾果筆電話費都俾到窮呀!

談話當中大家回想起細時嘅點滴,好多嘢都來得簡單直接,冇咁多顧慮,凡事都開心得多,雖然人係要向前望,但其實偶爾回想過去,懷面下都唔錯吖~~~

時間=金錢?!

嘩,眨眼又一星期!時間真真真係過得快~~~
呢個星期頭都冇乜特別事發生,唯獨是前晚重遊Canterbury參加朋友E嘅birthday dinner,自grad咗搬出Ldn後,原來都兩個幾月冇返過去,雖然坐火車都不過是一兩小時,以前住在果度時出Ldn其實都要花同樣時間車程,慣咗都唔覺咩一回事,反而而家要入返去,感覺就好似好遠...真係唔知點解?!好在有另外一個朋友仔嘅順風車坐,交通暢順一個鍾就到,哈~~其實有車真係方便d嘅~~~~!

10月頭Uni已經開咗學,所以餐飯局都見番幾個同學仔,佢地其實同我一屆,可惜佢地大部份都只係掛住玩又懶,玩晒d時間,結果咪畢唔到業要retake final yr囉!真係好唔明佢地諗乜,local果d已經俾好少學費,都仲可以終日游手好閒掛住蒲,而同我一樣俾int'l fess果批仲衰,俾咁多元$又係一樣咁玩,浪費晒d時間,雖然屋企有錢support,自己又young,但都唔係咁玩法架!!或者自己真係老啦,唔明佢地d心態~~~

領悟

好幾日冇寫下嘢,呢幾日都好勤力咁埋頭苦幹揾$$,幾乎冇出過呀!今日終於叫做完成得八八九九,下星期應該可以收埋d$嘞,哈哈!...
有幾樣嘢想講番,一是早兩日發夢自己坐飛機氣流,架機要突然緊急降落,在呢個緊張又刺激嘅關頭,隔離竟然坐住一個我唔想見到嘅人,哈,心想:點解我仍未揾到心目中嘅Mr.Right上天就要送我走,隔離仲要坐住一個唔係我最想見嘅人呢?!......end up我未搵到個夢嘅下場就紮醒了!醒來後令我回心一想諗,有時有d嘢真係唔可以強求,尋尋覓!覓過後,到頭來得到的可能並非如願,所以凡事都不必強求太多,一切隨緣,珍惜眼前嘅一切就最為開心吧~~

另外,近期滿腦子計劃,想做喱樣想學果樣,自己一直唔係果d善於運用時間嘅人,次次諗好下一步想咁想咁,到預定時間時又做不出來~~~呢個壞習慣改極都改唔到!睇黎真係要list out想做且要實行嘅事先得到!!anyway,乜都假,返HK後首要係揾番份工,冇工就冇＄,冇＄就乜都冇得實踐!講起工作,畢竟都有兩年冇正式做一份長工,突然間個心有ｄ謊,好怕搵返一份好似三幾年前做過日日唔停做十二個鐘,做到隻"積"嘅工,諗落真係怕怕咯！不過呢個係HK社會嘅現實,要搵食都冇辦法啦~~~

The Ring

Today I watched an old movie THE RING >>>"午夜兇鈴"(貞子)American version, it's not as scary as the Japanese version, perhaps Japanese one is more impressive, especially when 貞子climbed out from the TV, the American one is not surprising at all and the scene setting is slightly different from the original. I couldnt actually feel the horrible atmosphere...

Afterwards, I also watched another Japanese scary film called "咒怨", the story is not attractive and quite confusing! I think The Ring is the most impressive one among all Japanese scary films.

That's my day! Originally I supposed to do some freelance, eventually I only spent my day on two movies at home! gosh~~

夢

(晴)
大事不妙!!昨晚又發咗個好長嘅夢...都唔知應唔應該講好~~~~~~~~~~~~~~~~~~~~~~~~~~~~~~~~~~~)0(
我竟然夢到自己竟然同一個識咗好耐嘅朋友dating喎!現實中根本冇可能,點會同佢有機會呢!!成個夢就好似一個live show咁長,都唔知點解自己成日會發個d不符現實嘅夢,諗起都有d打冷震呀~正一發夢王呀...哈哈!

自製燈籠

前晚同朋友終於試過兩年幾來第一次在UK打邊爐,論材料論設備,當然同在HK冇得比啦,一切從簡!在HK出街打邊爐要食貴海鮮先為至抵,食魚旦金茹之類視之為cheap嘢,但呢度食魚旦金茹已變為上等食料,因為單係一包類似十粒八粒裝嘅香港仔四海魚旦都賣成三十幾蚊,一包金茹賣成二十蚊,試問又點可以以磅計買黎食呢?!呢餐最豐富都應該係果一包十片,類似肥牛但又冇乜口感嘅切片牛肉!除咗牛肉同有限嘅魚旦金茹外,仲有平時打邊爐唔多會揀黎食嘅蟹柳條,仲有菜同磨茹粉絲蘿蔔,雖然唔可以好似在港盡情咁食,不過都叫做試過另一體會,正所謂"小食多滋味"!哈哈,除咗材料唔同,最搞笑係煮食爐具,我地用咗小型電飯煲當作打邊爐嘅鍋,d水煲極都唔滾,結果要用煮食爐稍稍煮熟d餸先放入電飯煲滾呀~~

而至於中秋節晚上,反而冇特別煮大餐,只係好似平時咁食飯...不過就花咗一個鐘整咗個小型楊桃燈籠,諗住飯後一齊點著掛於屋外,可惜太細,點著咗蠟燭影咗兩張相後,換過電芯都黎唔切再影多兩張就成個燒著了,剩番個支架,唉~真係激死!好彩都叫曾經擁有過三分鐘及一張相留念!


燒前


燒後

中秋節

(陰)
中秋節快樂!雖然今日係中秋節,但呢度一如平常冇乜特別!而且呢幾日嘅天氣轉涼了,又時好時壞,整個人都冇乜mood!所以今天日都係無無聊聊在屋企過~~

反而前日同朋友去咗英國local theme park, ALTON TOWERS玩機動遊戲,Alton Towers相比早前去嘅Chessington World of Adventure佔地大D,刺激D,適合audult玩多D!我地已經揀平日去但一樣咁多人,玩咗大概８個games,平均每個game都至少要排30-50分鐘,而實際玩嘅時間只係果一分鐘,有兩個過山車之類嘅game仲短時間,全程得果30-40秒!玩得唔夠過癮呢!大部份games都相類似,刺激度算ok啦,其中有兩個都幾好玩,一個叫"OBLIVION",係兩排十幾個人一齊坐,上到一個點就成90度好快咁向下衝,個離心力都幾犀利幾scary架,呢個係我唯一在下衝時唔敢張大雙眼嘅game,不過好有挑戰感!另外一個game係叫"AIR",同一般roller coaster不同嘅係條軌係在果掛座位嘅上面,個人就好似駕空俯臥吊住咁(即係好似"爬"住嘅姿勢),真係好有天空翱翔嘅感覺！
Alton Towers有度唔好係交通唔方便,其實唔係在London,差唔多去到Manchester!所以如果冇揸車,要搭成三個鐘火車轉巴士先到,５點就close,多人掛隊玩嘅話,一日應該行唔晒成個樂園~~所以我地晨早７點就出發,一來一回總共搭咗6個鐘車,累極了!



Oblivion


Air

hot topic

前晚發夢夢到一個人,一個曾經跟自己好接近嘅人,提起佢...基本上已有好一段日子冇聯絡,ever thought this person would be entirely out of my life,直至年前在一次偶然機會下再聯絡上,雖然而家仍有keep contact,但發覺原來好多嘢真係可以除時間而流逝,正如感覺也可以隨隨退下,從前以為不可能的現在都否定了, nothing is impossible!時間真係一種令人又喜又悲嘅妙藥~~

另外,連日都來睇到好多有關HK Disneyland嘅負面新聞,我發覺酷愛"投訴"真係原來香港人嘅特色!些少事就投訴呢樣投訴果樣,如天文台因打風於早上稍遲宣報停課而狂遭家長炮轟,地鐵頻頻因故障事件而又狂遭狠批諸如此類嘅事,屢見不鮮~~唉,其實呢d嘢好多國家都會發生架啦,好似london嘅underground同other transports,三唔埋兩日就有delay或故障,d外國人咪都慣晒,根本唔當係咩一回事,佢地抱嘅態度係...你投訴都冇用,地鐵停駛或非緊急故障咩,咪最多唔出街囉~~絕對唔會為市民方便而加派人手漏夜開工作維修,that's their attitude!所以話呢,其實HK各樣基建設備都已經係好好,好進步架啦,至少有效率先吖!好似今次disney咁,到世界各地嘅disneyland玩game都要排隊架啦,真係唔明排耐d隊都可以講餐飽嘅~~初開幕冇人掛隊玩game先至驚啦,冇預計要掛隊咪唔好去玩囉!

本地jet-lag

(晴)
唔知點解呢排d時差無厘頭又發作,未返HK就已經有jet-lag!日間就不停"釣魚",夜晚就鬼打都冇咁精神!搞到好似一隻帶住黑眼圈嘅貓頭鷹一樣~~

memorable day on 912

(雨）
912真係一個值得紀念嘅日子,當中嘅梗係有HK Disneyland開幕啦!近日睇到好多有關嘅消息,各樣都準備得如火如荼,雖然自己身不在港,親身感受唔到果份令人振奮嘅喜悅,但仍然是一樣咁開心,開心並不是因為有得唔駛坐飛機到老遠嘅Disneyland玩,而係香港一個在地圖上只係一丁點嘅地方,居然Disney會在云云國家中選中了HK建址,即代表HK有著其魅力所在,咁身為HK人嘅當然感到自豪啦!不過大致都估計得到面積最細嘅Disney應該唔會好玩得過歷史悠久嘅美國Disney,近日眾人興奮嘅係"貪新鮮"萬眾同歡嘅感覺而已~~

此外,當然唔少得Leslie嘅birthday!記得舊年912仍在港有份參與哥哥忌晨嘅紀念活動...估唔到咁快又一年了,Leslie離開我地轉眼已兩年多,但係我同其他fans一樣,仍然好掛念佢呢!>_<舊年912有立法會選舉相伴,今年就有Disneyland開幕,唔知出年又有咩一齊紀念呢?!
在此向哥哥說聲:
Happy Birthday!

蠢事

昨日出咗去central London meet up朋友E,之後做咗件非常stupid又後悔嘅事,就係返屋企前去chinatown買d嘢食~~~揀咗個泰國入口芋頭,只係驟眼一看個價錢,大約睇到5磅幾英鎊per kg,心諗ok啦,應該頂多兩英鎊就可買到,跟住咪到counter俾錢...嘩,點知個收銀員放上磅一秤,個芋頭要GBP5.03呀!!!It's rediculous,當堂擘大個口得個窿呀!後面排晒長隊又唔好意思唔要越個芋頭,而家諗番又唔知點解當時冇即時問番有冇打錯價錢,就咁內心為之氣結地帶著疑團離開!事後諗越覺得唔抵,怪自己唔睇清楚先買,又怪個收銀唔知有冇打錯價錢,同都唔知係咪有1kg咁重!正一咁大個女都未食過咁貴嘅芋頭架,HKD70喎~~~何況唔係咩貴價食品,都只不過係一個芋頭!!!買之前原先諗住用黎煮西米露,而家都要諗下仲可以煮d乜,要食得其盡,好好品嚐至得!正如細佬所改嘅名副其實"一頭芋"呀,haha...

Bowling

(晴)
下午同朋友仔去咗"碌ling",原本在UK bowling係幾貴架,不過個場近排可能唔夠生意,做promotion GBP6.99 weekdays 6pm前任玩,所以先去玩下!如果玩得多咪抵囉,好似我地唔想蝕,於是博晒命一連玩咗6個games,咁計番其實都抵嘅......不是興奮過後,碌到隻手有d痛呢!
其實都好年都冇玩過嘞,搬出Kowloon同做嘢後都好似冇去過or may be once?!可想言之有幾耐呢!記得讀書時有一排放學後成日都去碌嘅!是隔幾年,玩嘅地方同去嘅人都唔同了,感覺不一樣但還是有一股興奮呢~~

出糧

(晴)
今日突然間覺得自己好有用,因為從freelance中賺咗筆pocket money,都幾lucky呢!
於是好有購"物"慾地走去掃貨>>>所謂"物"係指食物,就係去Marks&Spencer買嘢食嘞,仲突然間好想食cheesecake,結果一連買咗幾件不同味道嘅cheesecake返屋企慢慢嘆,當中最好味係New York cheesecake,yummy yummy!單單一伴件買cheesecake嘅事,已經足以令我開心上半天,原來自己都好易滿足呢!

no news is good news?!

呢個星期係平凡的一週,冇乜特別事發生......只係較為散漫同冇恆心!!要做嘅事日復日咁推遲咗原有計劃,睇黎又係時候鞭策一下自己嘞~~
今日收到朋友E來電,不經不覺佢又Greece屋企返咗黎UK,話咁快又一個月啦...唉!不過都好,又多一個朋友仔返黎,多番d人氣唔駛咁"靜局"~~hehehe...

Test

剛玩過一個朋友forward過黎嘅game,又好似幾準下喎~~


"性格測驗"
http://www.cantong.com/ptest.htm

>>>>>>>>>>>
玩完所揀選嘅結果係:

獨立，前衛，不受拘束

你追求自由及不受拘束，自我的生活。

你的工作及消閒活動都與藝術有關。

你對於自由的渴求有時候會使你做出令人出人意表的事。

你的生活方式極具個人色彩；你永遠不會盲目追逐潮流。

相反地，你會根據自己的意思和信念去生活，就算是逆流而上也在所不惜。




另外一個test都幾有趣,不過呢個所謂人工智能都估唔中我心目中嘅object!

"20問題內知道你所想的"
http://y.20q.net/anon

問候

今朝收到兩個來自遠方嘅來電問候,霎時間感到好warm,自己很幸福似的~~

遲來的熱浪

(晴)
今日超級熱呀,以為只係會前兩日熱一陣,點知check過forecast先知今日應該係今年最熱嘅一日!不過我寧願熱多一陣子,summer長d人都爽d,因為唔想winter咁快來呢~~

自朋友Z從holiday返黎,呢幾日間屋都熱鬧得多,至少煮飯時可以煮多幾味餸一齊食,唔駛成日煮"碟頭飯"啦...hehehe...

Country Affairs at Hampton Court

Today is the Bank Holiday in England. I went to the Country Affairs at Hampton Court with my fren, remember just few days ago, I said the summer season apparently passed as the weather getting colder and colder. But today the weather suddenly becomes hotter again, shiny and lovely! really unpredictable!

The Country Affairs supposed to take part at the west of the park, unfortunately we got off at the wrong stop which was the other way round of the park!! So we walked along all the way from east to west of the park for a hour! That's my recent healthiest exercise!...

AMOEBA magazine

今日無意中又俾我到d好嘢,話說從頭...唔知仲有冇人記得我嘅中學時代有一本雜誌叫amoeba,當時我就係佢嘅fans,期期都買,果時個個星期俾廿幾蚊買一本,對我黎講已經係好奢侈~~其實amoeba內容同而家嘅milk,姊姊等雜誌冇乜分別,多數係sell美容同時裝廣告,冇乜好睇!但當中amoeba有一樣嘢好吸引到我去買,就係佢嘅 graphical cover design同內頁有幾版怪怪地又好特別嘅Illustrations,我仲特登翻到介紹編輯人員名單中揾個Illustrator嘅名,諗住嘗試認識佢多d~~後來amoeba冇再出版,屋企書櫃亦放滿了冇位再擺,最後唯有割愛,只係揀咗幾期最鍾意嘅同埋撕下果d illustration pages keep住,其餘都掉晒!世事就係咁奇妙,估唔到數年後嘅今日,從sina無意中睇到一個插畫師嘅私人blog,起初都唔知呢個女仔就係自己一直欣賞嘅illustrator,再深入睇到佢post出黎嘅作品同提起amoeba先知,哈哈,唔知呢d係咪叫緣份呢?!

在"LINKS"果度post咗佢個blog出黎share,當中有幾句我幾有共鳴的:

"因為作為一個藝術的工作者／學生，外國的天空都是那麼的又大又闊，外地的生活、文化、人物、事物都會為自己帶來無窮無盡的沖擊。當然如果只像一般香港外國留學生一樣每天只懂坐在書房溫書，閒時上網ICQ 或者一日煲１０集港產電影劇的話，你只會愈覺失落。"

Double rainbow again!

嘿,今日俾我無意中從一個blog睇到另一個新blog,終於又搵到個我有興趣睇嘅topic嘞...

順帶一提,前日黃昏時分雨後再一次睇到double rainbow不過今次冇第一次咁興奮嘞,加上又忙緊其他嘢,都冇影到相～～而且今次見到嘅心情唔同上次,但又有講不出的感覺,唔知又會意味著ｄ咩呢,hehe!anyway,希望可以好似上次咁有好兆頭啦!

豆漿

自上次飲過BBC auntie整嘅豆漿後,飲開有條引,於是今朝無無聊聊自製豆漿嘞!hm...味道唔錯,但因為冇auntie果個自製賥隔渣袋,所以始終唔夠auntie整嘅咁好滑~~努力吧!

秋天到了

(雨)
今朝起身無端端喉嚨好痛,唔知係呼咪近期食得熱氣嘢多呢~~
好彩屋企平時都有d藥看門口,頂住先!其實印象中呢兩年都少病,好似都係一兩次傷風感冒,perhaps呢邊空氣好過HK好多,體魄強咗啦,hehehe....上次屋企人黎又帶咗d藥留低俾我,加加埋埋本身d藥,都冇用得著!

今年UK嘅summer都應該過了,比起上一兩年,都不能叫熱!印象中最起都係得6月尾7月頭果幾日超過30度,真正叫熱,其餘時間多數係陽光與風相伴~~10點過後才天黑呢種叫人興奮嘅心情亦不再,8時許天色已黑嘅景象又隨秋天而來,霎時間對英國嘅冬天來臨有著失落的感覺,害怕果種下午三四點天色全黑,整天落雨濕濕嘅沉悶氣氛呢!

奇想

(晴)
今日做咗大懶蟲,一覺瞓到中午先起身喎!
呢排成日都滿腦子塞滿一堆問題問自己,但d問題總係想唔出答案,結果搞到自己心情更複雜!!其中一條問題係問自己:"而家自己嘅生活欠缺d咩呢?"......想了一想,可能係一份...
朋友們聽見我嘅"牢騷",必定話我諗得太多,應該放鬆d,但我就是這樣的了!
人到咗不同嘅階段係須要不同嘅衝擊,或許我就欠咗呢d...

Blog

本來諗緊今日好似冇乜特別事發生,冇嘢想寫...但睇留朋友仔d msg,就順便講下呢個blog嘅問題啦~
其實揀用呢個blog而唔用時下popular嘅msn personal blog,sina or xanga blog等嘅原因係個人比較喜歡呢個blog嘅community,個network又大d可以睇到好多不同Nationalities寫嘅嘢,雖然要register先可以留msg係麻煩d,但咁又好似block到d outsiders亂咁留無謂廢話,冇咁雜囉...

之前一直睇開果個blog,個bloger最近因某d原因唔再寫佢嘅flavour,只會有限度偶爾update下,真係幾失望,就好似平時追開本小說,突然間停產睇到大結局就冇咗一樣!如果朋友們睇到其他人d interesting blog,都可以在此post出來分享下~~

American Pool

(雨)
又係佢嘞,點解唔係續夢朋友有第三者嘅故事,而又係夢見呢個人呢?!

昨晚又去到BBC屋企BBQ,一係n年都唔燒一次,一係就連燒兩晚,終於將食剩嘅通通食晒,auntie先肯放人!晚飯後去咗玩amercian pool,雖然比snooker easy,冇咁多規則,但又係好耐冇玩過,玩到差唔多last 2 games先至warm up,未能盡慶呢!

另外,本月的星座:
"延續著之前的重重問題，你的壓力重擔更是重重增加，加上個人對於事情變化逐漸的顯得不耐煩，尤其是來自與家人之間的相處溝通不良，你的情緒變化落差出現兩極的狀態，不是毛躁得無法容忍一絲絲的拖延與失誤，就是把所有的煩擾與苦悶積壓在內心裡，雖然你也時時在告誡自己要放開心胸，但大多時候你都還是處在專牛角間的狀態。這樣苦悶的心緒會持續到月底，之後你就會有接不完的活動與玩樂，反而需要多控制些，免得玩過頭誤了正事。"

...唉...!

朋友的第三者

昨日做咗應要做嘅事後,夜晚就去咗BBC屋企BBQ,天氣好好不太熱又不太涼,加上auntie預備咗好多美食,串燒雞,羊,豬,鮮菇,腸子,沙律...etc.,仲有auntie親手磨嘅豆腐花呀!yummy yummy!食之餘仲學咗原來要好多重功夫先至整得滑口美味,哈!唔怪之得以前整豆漿整極都唔好味啦!有機會返屋企整黎試下先~~

食到飽飽返屋企以為可以發個好夢,啊...點知發夢夢到朋友個男友有第三者,詭住我朋友仲要俾我見到!正在考慮應否話俾我朋友知之際,就有人按門鐘嘈醒我,haha...唔知今晚會唔會續夢呢?!又唔知我呢個朋友在此睇到,知唔知我講嘅主角就係佢呢,hhahaha!!

Tarot Cards

昨晚執執吓嘢發覺原來自己有副Tarot cards,買咗一直冇玩亦唔識玩!其實一直對tarot都有ｄ疑問,ｄ人咁迷信嘅原因同箇中嘅奧妙,之前有朋友同我玩過幾次都唔係幾準,可能當時冇乜認真去玩,心中冇乜特別問題想問掛~~適逢今次心中有ｄ疑惑同機玄巧合下,於是睇住guide book試玩一下...哈!信者則有,不信則無,原來係真架,終於試到佢ｄ威力喎!其實有ｄ解說都唔太明白,不過求知問題嘅答案又好似幾準,究竟關唔關集中念力事嘅呢??點都好...都係玩下啫!

住家菜

繼媽咪上個月過黎UK煮過下住家飯俾我食之後,今日到朋友BBC家終於正正經經食到另一餐住家菜,auntie隨手煮咗三味餸,都幾好味架,尤其係果碟"欖菜炒四季豆",yummy!其實第一次見auntie,佢份人都幾nice,仲叫我Wed再去佢家BBQ,但感覺唔係幾好意思去咁~~!講起BBQ,真係好多年冇去過嘞,對上一次應該係SARS之前,ages ago呢!!
記得以前中學時代,BBQ一定係聯誼活動之一,諗番中學生活,乜都唔駛憂慮,好開心呢~~~

無題

(雨)
昨晚半夜原本瞓唔著起身post咗編嘢寫吓感受,點知打完個page load唔到,激死呀!到而家想寫番又唔記得咗,所以有d嘢都係即興好d,"攤"耐咗嘅感覺已經唔係果回事...

今日是世界左撇子日

今日是「世界左撇子之日」，慣用左手的人團結起來，要求不要忽略他們的存在。

美國前總統克林頓及英國王子威廉均是左撇子，左撇子生活上有很多不便，很多產品均為慣用右手的人而設計的。藉由世界左撇子之日，左撇子希望提醒使用右手的朋友們，不要忘了全世界每10人就有一個「左撇子」，應該要更重視他們的存在。

2005/08/13(轉載自明報)

哈哈!有趣的新聞一則...差d忘記自己都算係左撇子添~~~

敬佩的人

剛從細佬度睇到佢提起姐姐(非親家姐),自己都心有所感,感觸起來!早兩日係佢嘅生日,近十年八年佢嘅生日都幾乎同佢過,記得舊年summer返港都趕及到醫院同佢慶祝,諗起都好似係不久之前嘅事咁,估唔到咁快又一年了!
唯讀是今年冇一齊同佢慶祝,真覺得有d可惜,好彩派咗細佬做代表,希望佢今年生日過得愉快啦...呢個令我常常掛心嘅姐姐,好堅強好令我敬佩,尤其係出事後呢幾年,雖然病情不見好轉,望見佢亦不禁令我心酸!望見佢就好似對住一塊鏡,從佢身上所經歷嘅,令我學到好多嘢,學懂幸福並非必然的,學會凡事要看得開,唔好時時將自己嘅事放大,世界上身邊仲有好多事還值得關心,更看到自己嘅微不足道...講就好似好誇張,但佢嘅堅強真係令我成長嘅寶貴一課!
姐姐,加油呀,never give up!

另外,今日係阿Jannie姐同一位冇聯絡嘅朋友生日,祝佢地生日快樂!

仲有,sina嘅星座對我真係幾準,話我今日係發霉星喎,又真係!
唉,呢幾日嘅心情好反覆,好需要一d指引...

迷你戲院

昨晚做咗一件好笑嘅事,就係去咗戲院睇畫港產片,巧夫!!雖然對香港人黎講呢套戲已經落畫好耐,但呢度都仲上緊,不過唔係間間有得睇,只係london popular果三兩間cinemas先有得睇,因為話晒都係外語片嘛...
其實一直對周生d片都不大感興趣,所以在初上畫果時d人講到幾好笑都冇衝動去睇,今次只因個日本朋友想眕睇而又見係原聲廣東話版唔駛費神,咪即管一試在鬼佬地方睇港產片嘅滋味,其實俾$120睇埸在港價值$40-60嘅戲,真係幾stupid!!仲要個院迷你到唔可再迷你,細得"離譜"!!全院得六十個位,個screen細到可以嫓美家庭影院size一樣,總之成間院就似一個平時上堂嘅classroom咁上吓!佢地搵$嘅方法係有一手...

平凡的一週

yesterday, I went to watch the cartoon movie "Madagascar" with my fren, it's quite interesting! It's pretty good to watch movie at cinema in uk, at least whenver u go, it's no need to queue up to buy tkts and not much ppl at all, can buy the tkts 5-10 mins b4 the show started, quite comfortable...

other than that, nothing special in this week~~

珍惜

can't stop my tears drop after hearing a touching words from a sleepless person....make me suddenly sleepless too

雨過天晴

(晴)
終於雨過天晴了!...經過整整一星期嘅時間,今朝終於收到IBM完整嘅replacement pack,可以用返電腦做嘢,定晒!^.
其實諗番自己今次遇到呢個問題都表現得好慌寸大亂,所以學到嘅結論係"凡事都要鎮定d去杷處理,絕處可以逢生"~~~

疑難???

究竟要大排檔鴛鴦好吖,定係要傳統English morning tea好呢??
好難選擇.....

黑到"墨斗"!!

(陰)
唉!.....都唔知呢幾日做乜,黑仔事件接二連三發生!!
繼差d被撞後,yesterday仲黑!前晚冇熄電腦就瞓著覺,朝早醒來睇到signal個battery就冇電,都覺得奇怪,因為插住"火牛"應該唔會顯示冇電架,restart咗後都仲可以用多三幾分鐘,點知話口未完就自動熄機!!之後試過不同方法再開都唔得,反而淨插battery仲有開機反應,於是打去IBM問下warranty repair,點知佢地竟然揾唔到我嘅registration info!!結果講電話花晒d時間仲冇結論,只叫我check email...都話明連電腦都開唔到又點online呢?!於是專程去internet shop上網check email,收到嘅reply只係叫我pack好部laptop but not incl the adaptor!!俾佢激死呀.....
worse still,諗住打返hk向阿哥求救,點知連個電話都玩我!!唔夠credit之餘又top-up唔到,結果要行到public phone打,收線後返到屋企又用唔到,唔知點好,果一刻係呢兩年黎第一次感到無助!!就算之前got frustration from study,都好似難唔到我....但今次就被d technology難到,真係慘呀!
好彩咁啱個朋友都係用IBM,於是借咗佢個adaptor試,得咗!證明只係個adaptor問題,都鬆番口氣...不過都要等Mon再打去問多次,希望快d解決到...今日斬都係暫時借朋友個adaptor用住先,之後唔知幾時先可以用到部電腦...唉!

險

今朝可謂又驚又喜!從一個tutor口中得知原來其他tutors對我嘅表現,印象都唔錯,都不枉自己呢兩年嘅努力,是好是壊,佢地係睇得出嘅....總之開心啦~~
驚嘅就係過馬路時差d俾車車到,當時我邊行邊諗住同tutor果番薯對話,只係向一個方向前行,都冇留意到交通燈!!說時遲那時快,一架私家車已經向我衝過黎......到我聽到"咇"一聲長響時至發覺自己已經行到班馬線中間,而架車頭就已經駛在我前面,仲清楚睇到個女司機連聲破口大罵!果一瞬間先至驚嚇,十足電視劇中d人遇車禍時"張大個口得個窿,呆晒嘅感覺一樣,好彩架車唔係高速咋,otherwise......

自己過馬路從來都唔會咁唔留神,整乜鬼今次諗嘢諗到咁唔小心?!!

來電

(陰)
今日突如其來收到一個電話,真係熱切期待明天的來臨.........
good luck!

London短聚

(陰)
今日又去咗central Ldn,為的只是見朋友一面~~
自從grad後,朋友們走下一個,走下一個....greek妹今天都要返Greece過summer了,都唔知有冇機會再見面,所以臨走前相約在station附近短聚!而Fri又輪到001,唉!搞到我霎時有點衝動想返屋企添>.<........
呢幾日都外出,將計劃實行嘅進度拖慢咗,係時候加把勁專心完成,不容許自己再懶了.....

Day trip to Stonehenge

昨朝一早出發約咗"００１"到Victoria集合,join local day tour坐coach到Stonehenge,星期日British rail班次一如以往地疏落,唔係有engineering work就係某某線close!其實７am都唔算早,只不過呢度係凡事以假期為先,冇人做嘢!ticket office唔開,要從machine購票,搞到買錯貴票之餘仲唔記得攞返return果程票,到出閘時俾架機"食"咗張"飛"先察覺,結果回程時要博懵搭霸王車,好彩冇人查飛咋!!
都唔知係自己定係００１黑仔,次次同佢去trip梗有"喱"嘢發生,今次就係遇上著天氣差!!之前幾日都好好天,正一貴人出門招風雨,風雨大到有傘都濕晒身!之前一直從image同TV睇到嘅Stonehenge, ,等我仲抱住終可一看以巨石聞名嘅世界奇觀,點知去到嘅感覺係......"把鬼"!!!早前已聽朋友講果度除咗幾舊石之外就乜嘢都冇,但真係估唔到果度既然列為Heritage亦為著名旅遊點,竟然連為旅客嘅而設嘅設施都唔足夠,四圍已經荒蕪,好似yesterday咁大雨,都冇一d shelter or roof供遊客躲避,而且d所謂巨石係比想像中細,大概都不過係少於3個人高度,又被圍攔攔住,同遊客路徑有相當一段距離,加上又橫風橫雨,根本影唔到相,所以都幾失望!仲要俾個guide詭咗我地入場費,見到d人自出自入,可能根本唔駛收＄,真可惡!大煞風景之餘又冇癮!!不過最可惡都係個變幻莫測嘅天氣,食完lunch後天色仍然未好過,直到差不多回程前一站到另一個Stone Village in Avebury先轉晴,上咗車後仲出猛太陽,全程焗sauna添,6點返到Ldn先出猛太陽真吹脹!!

Degree Show05 brochure

yesterday出去就係去攞呢份要俾$嘅brochure啦...

terrorist attack

繼7/7之後,yesterday又來一單bombing in London!!以為上次explosion後,短期內都唔會再發生第二單,而家仲要搬到Ldn,都幾scary!雖然yesterday嘅bomb唔係好嚴重,只有一人受傷,但從tv睇到一樣覺得好笑嘅嘢,有班人竟然因冇人傷亡而開香檳慶祝,冇人傷亡係值得開心,但都未至於要慶祝呀!!搞到好似一件盛事咁,真激死!
在一連串恐慌後,British Government在呢件事上採取嘅態度同行動都比US911慢,雖然市內四圍都加派咗好多police巡查,但個人意見始終眼見佢地嘅action同defence都未處理得當,就underground同bus等善後交通處理就已經唔掂!不過Ldn transport不嬲都混亂架啦~~

其實自explosion發生後,收到好多朋友問候關心,真係唔好意思要佢地擔心我......放心,我冇事,其實london好大,只要唔係central london,都安全嘅～～哈!yesterday先同屋企人講呢排冇必要都盡量唔會出central Ldn,免得佢地擔心,點知今朝一早就因為要約個朋友拎番d嘢,結果都係出咗去central Ldn,但出乎意料地the tube in Ldn竟然冇想像中咁混亂,可能今日係Mon,所以唔可能完全安排所有tube lines shut down,otherwise,就會造成大癱瘓!!而表面睇到d人都一如以往如常返工,好平靜,冇報導所寫嘅恐慌同緊張嘅氣氛!

各奔前程

(晴)
搬咗屋後呢幾日都係留在家,一來唔想花無謂嘅$,二來要執番d功課同其他野,其實一時間有d唔慣,兩年來一直都要忙著學生應做嘅事,而家畢業了,身份又快要轉回工作者,感覺好似脫了節咁,好唔現實,好多時都唔覺自己已經畢咗業!自從grad後,大部份書友仔都各奔前程,呢度唔同HK,grad後一個call大家就可隨時見,呢度d朋友就算係local,都來自不同省分,坐火車由南到北都六七小時,況且要返國嘅返國,要回hometown都回了,想見面都唔易,又或者跟本唔會再見,仲留在london嘅只得三兩個,有時都幾悶架!
等完成手頭上嘅事,都希望可以寫留之前去旅行嘅日誌,不過都唔知記唔記得囉...hehehe~~

update

原來都有成十日冇寫過嘢啦,先由6月拼命趕final project and final assessment,到月尾屋企人到來,set up degree show,同屋企人四處遊玩,然後出席grad ceremony,等到佢地返HK,再同阿Mr.Ho逛逛,到佢走埋之後,跟住又忙著執恰搬屋啦,暫搬到朋友家一個新環境,花咗兩日四處逛熟習一下附近環境,到今日先叫稍息,不過其實又接住一連串事要做.....首先係要執番個portfo黎搵工啦,仲有一d其他鎖碎事....唉!
朋友們知道我grad了,近日紛紛問我一連串"W"...when,where,why,what,...etc. 當然一定問個指定問題:"幾時返HK呀?",然後再問"你唔係就快返黎咩,做乜又要搬嘅?"本來都好多謝大家關心,但問下問下,答下答下,真係有d煩厭!因為有d嘢自己都未plan好,咁又點確實話到俾大家知呢.....如果日後有咗明確嘅去向同返hk日期,一定會同大家講,請放心同唔好見怪,可能已經習慣咗一個人做嘢唔駛同人交代嘅方式.....

平安

Today I just came back from the trip, since the terror explosion in London, I got many warm concern from lots of friends. So sorry to let them worry.....

I'm safe in England, dont worry!

I will let u know my days later....have to ZZZZZZ now...nite!

一家團聚

超攰呀~~~~~~~~
My family finally arrived at Ldn today, im so happy and excited to meet them again since lsat summer. It's awful that I got up @4am and caught the earlier train to the airport. (4am 起身真係我嘅極限!) Actually I didnt sleep at all last night!!

Some interesting matter happened today, but Im damn sleepy now..................may be leave it after coming back from my trip. I'll write more in details later.My frens, see ya a week later!

school life dreaming~~

last night I had a long dream, the background scene in this dream was a secondary school age. It's weird that I returned to the the first day of term time 1/9 of F.5, lots of my frens appeared in the dream too...it's like a re-acting of the film! But I forgot the details of the dream after getting up in the morning,hehehe~~funny!

初次地攤擺賣的經驗

(陰晴)
匆匆忙忙咁又到月尾了,真快!自早幾日忙完晒所有final嘅嘢之後,表面好似輕鬆輕鬆等grad,實則冇停過,分別只係冇咗學業上嘅壓迫感,稍稍鬆一口氣,手頭上仍要忙著的仲有好多...
今日又攰又喜,開心嘅係終於覺得自己唔係淨識洗$,一直都想做嘅買賣終於實行,適逢我同hsemate都就快歸家,趁臨走前就盡地一"煲"執晒d唔等洗嘢出黎拎去Sunday morning car-boot sale賣,由於係who comes who first,所以想要得到好攤位就要"倒塔"咁早起身去霸位,都係果句,一向遲睡遲起慣,要5點起身真係一大考驗!仲要兩個傻婆左手挽一袋右手推一匧在清晨嘅街上行,好彩UK嘅summer 4am就天光晒同個morning market離屋企不遠,冇咁scary~~
可能因天氣唔好關係,冇預期中咁多人黎霸位,好容易就揾到個近entrance嘅有利位,隔離左右仲冇人添!其實初到時都好唔自然,四圍擺賣嘅人都係local residents,起初都投以怪怪的眼光,估佢地心諗我地無啦啦有兩個女仔asians,一睇就知係學生,居然會係度擺擋,不過都唔理得咁多,一於send all the stuffs 為上,foturnately,黎買嘢嘅人都好nice,冇被倒亂或為難,只係偶爾有幾個細路搞搞震,由6am賣到12pm足足6個鐘,雖然賣唔晒d嘢,但收入都唔錯,同hsemate夾埋俾租GBP6.5最尾net profit都賺咗成三十幾英鎊,真係幾好架啦!除咗賺$外,其實都係一個好好嘅experience,在HK一定唔會有個唔顧身份在地攤售賣嘅機會,都不枉我之前果晚冇乜點瞓去執嘢～～

空歡喜

(皓熱)
好激氣! 原本約咗今日去Ldn睇屋,等一向遲睡遲起嘅我一早起身,正準備出門口之際,個女仔突然打黎話唔出租喎,搞到我空歡喜一場兼waste my time,不過有d嘢係整定嘅......

天氣持續皓熱,熱到夜晚都瞓唔到,冇air-con真係差d...

大公告成

lalala~~finally everything is done!
Today's assessment was not as serious as I expected. The examinar is a nice man, acutally I was quite nervous at first and didnt know how to say. In the whole conversation he did asked me some questions about the project and my thought of the course. It's quite relaxed indeed.

Anyway, now I can focus on manage other stuffs and things should be in progress....
hopefull I can manage it on schedule.

中頭獎

唉...今朝department個sec打黎通知我,明日external assessment被抽中要見examinar,仲要晨早第一個!!早前先至話只會抽三幾個,通常係抽最好同最差嗰幾個,原來係流料!等我仲心諗邊得咁好彩吖,諗住可以疊埋心水安排其他嘢,點知又要拖多一日,都唔知要準備d乜添架......~_~
總之中獎又唔見到我啦!

dream

(晴)
I had a long dreammmm last night! Someone appeared in my dream again, unexplainable! This is the second time within a month~~~I think I'm really stressed! and dream is a way to release my pressure from daily life.

Finally I had sun-bathing this noon. The weather is so nice today, hopefully my skin can turn darker.

hard feeling...

I haven't experienced of not sleeping to work overnights (3nights!!) eversince from quiting my work in HK! It's a nightmare to on the turbo speed to do the project, I cant believe myself~~im completely worn out....gosh!

Finally I had my submission yesterday. Apparently everything is done after assessment, but actually it's not! Im kinda depressed coz of unsatisifying with myself...I'm sure I can do it better than that and doubt that if did I pay 100% effort on it?!

Anyway, I dun want to just giving an excuse to comfort myself.....

忙忙忙!

冇時間啦~~

端午節快樂

(雲)
端午節快樂!
日日係咁對住電腦成日....我對眼就快盲架啦!

七日期限

唉!仲有七日大限就到--->Internal review!!!呢兩年所努力嘅,得唔得就睇呢鋪啦~~
一日48小時都唔夠用,太多嘢要做啦,除咗project之外又要安排其他嘢,某某人仲以為我好得閒,靠晒我安排...實則邊有吖?!真激氣!
明天就係端午節,其實都唔記得,都係聽收音機先知,今年冇糭食...

時光飛逝

踏入六月,時間好似越走越快!匆匆忙忙趕下project呾又到10號啦!有時時間溜得快到唔知做過乜又過咗一日,雖然有時好想快d完成個course,做另一d想做嘅嘢,但相對地又想時間過得慢d,繼續......
人就係咁自傷矛盾架,想一得二!!

冇電

(晴)
haha~瞓足一晚真係唔同d架!自前日開turbo到yesterday evening,足足有30hrs冇瞓過,雖然唔係咩正式assessment,都唔係人人turn up,但好似serious過final crit,4個tutors對１個student~~佢地仲要遲到成個鐘,晨早返去pin up,差不多係頭嗰幾個最早到,結果亦係等到最尾幾個!! 本身已經唔夠瞓,lunch後連眼都張不開,頂唔順到要在studio"閃埋"一邊眠一眠,雖然studio都幾多人,但都置之不理,一眠就眠咗半個鐘~~原本天氣都算熱,不過醒來後竟然沾寒沾凍,呆呆的思緒混亂,開始感覺到不適,擔心到present時組織不到要講乜......等到５pm終於輪到我,奇怪地到present時竟然反而覺得熱可能講得多自然得熱番~~幸好有驚無險順利渡過,tutors feedback都幾好同useful!
由９am－７pm，好耐冇試過逗留學校咁耐,返到屋企醫肚後連涼都冇沖就大昏迷到今朝!!
足夠睡眠真係好緊要,尤其年紀越越來越大,捱一兩晚夜就好似冇晒電咁,相比起以前玩通宵唔瞓第二朝仲可以精神奕奕,真是大不如前.....
另外,唔知係咪攰得滯,last night發咗個好長嘅夢,又再一次夢到佢......so far,我諗佢係我一生人夢見得最多嘅,夢嘅嘢有時諗起都覺得奇妙,因乜解究呢?居然可以夢到一個人咁多次~~

又要開turbo了

(又陰又晴）
唉!relax咗輪今晚又要開turbo了!原以為final crit後都唔洗再present直到final review啦,點知轉突然又睇到張notice話過兩日要review,搞到又要刻不容緩......激氣!!

攰!

(晴)
唔知做乜成身都好攰,好似擔過泥咁~
下午去supermark入貨時個cashier找錯$,返到屋企先發覺佢以為我俾20quids(實際我只俾10quids),結果買嘢for free之餘仲多找咗$,hehe....無端端多咗意外之財～～

今日4/6係大佬生日,祝佢生日快樂先！^.^

行雷閃電

由半夜一直行雷閃電到而家,搞到冇得好瞓~

空歡喜一埸

本來在web搵到一間房租,點知到contact先知要6月搬入,咁急點可能呀!又要花時間再找~~
而且呢兩星期都冇時間...唉,搵屋真煩!
唔覺唔覺又到星期尾,成個星期都唔知做過乜,心急趕工但行動總係唔協調,真係唔講得笑,要再開turbo先得!!
另外,last night去睇咗一齣類似楝篤笑嘅舞台劇,"The reduced Shakespeare Company",係以Shakespeare嘅創作&事跡為藍本作主題,無聊得來都搞到gad,不過Eng version talk show 個流程好快,冇乜breathing time~~

最緊要健康

數數手指,距離家人來UK不到一個月,咁耐冇見面,心情當然興奮啦,眨眼又一年,時間過得真快~~
正在開心之際,last night收到來電得知家人中身體出現咗問題,所以過來計劃可能有變,希望check過冇事啦,身體健康最緊要...
夜晚瞓得唔係幾好,雖然今日冇schedule,但個人都唔得醒神,呆呆滯滯咁!

假期後的一天

Last night一如以往三更半夜先瞓,但一早就俾同學Ivy嘈醒,想瞓都瞓唔番,激死!
唔知幾時開始,生活時間日夜顛倒,日間總係唔能夠集中精神坐定做野,相反越夜越精神,工作效率同思維仲快,搞到養成遲睡遲起的壞習慣,十足跟香港時間生活一樣~~~
講番今日嘅tutorial,近期project方面好似有d暗湧,出奇地順利,跟不同tutors tutorial時,大致上都冇乜收到challenge,好似冇乜試過咁!另外,話咁快又到交租嘅日子,同包租婆提起搵屋嘅事,令正要煩擾嘅事似初露曙光,又似乎順意!其實唔係話懷疑自己嘅能力,係反而有d擔心事事太過順利,希望一切繼續順利啦!
......hm....係咪諗得太多呢?!

Bank holiday

今日係Bank Holiday,呢度嘅public holiday d人好嘆,四圍都關門,supermarket都係,真正享受佢地嘅holiday,summer就好d啦,d人都會出街行下window shopping,或者去park走走,但winter時條街冇人行,靜到吖~~
唔知係咪因為大腦"游"咗幾日,好想做d outdoor activities,好耐冇玩啦,好想行下山,四圍走走....
朋友們都好出奇地問我點解會咁得閒寫blog,我都講過,咁啱有幾日break time,之前連續2weeks開行turbo趕project,都冇乜點瞓過,咁呢個weekend咪俾自己休息下,我覺得做人最緊要識分寸,應做時做,太過死讀書或太過懶散,唔得好好平衡都只會弄巧反拙!我諗呢d係呢兩年所體會到嘅...

relaxed weekend

原本諗住可以好似yesterday咁去晒太陽,點知今日天氣又轉回天陰陰,真掃興!講起晒太陽,yesterday noon同朋友E & P去附近公園躺在草地上晒太陽,雖然陽光依然,但超級大風,搞到都未晒黑到就走了~~之後同阿家庭主婦去ASDA同outlet shopping,嘩!好耐冇shopping啦,竟然有意冬外意收穫,GBP9就買到對adi,平到難以置信!呢兩日都好放縱下,完全將project忘記得一乾二淨,因為完咗final crit之餘又意外地可以在兩日內收到feedback result,攞到唔錯嘅成績加上天氣又好，個人心情都輕鬆d~~
不過relax埋tmr嘅Bank Holiday,就要再次努力做埋final餘下嘅modification!

第一次

其實呢個blog都開一段時間,一直都冇"的"起心肝去寫,直到前日完成咗final project crit, 見可以稍稍忙裡偷閒,先終於坐言起行去寫我的第一篇,希望自己可以有恆心keep住寫啦,叧一方面又可以train下自己打多d中文,因為諗起都醜,到而家打中文d速度都仲係......慢到嚇死人!!>_<呢兩日唔知做乜,天氣忽然轉熱,今日仲熱到28度,太陽晒到簡直唔想出街,d"鬼佬"一個二個出街都打大赤膊,係呢度係好平常事,冇人會覺得怪,所以d 公園草地今日都攤滿一團團"白豬"晒太陽!下午打電話返屋企時,聽媽咪講先知HK都冇咁熱喎,睇黎今年英國嘅夏天早到呀,都係好事黎嘅~~ 係呀,如果d朋友仔有時間,多d黎睇睇啦,hehe~~