夢

好奇怪,短短三小時嘅小睡可以為我帶來一點愉快...

昨晚11點多上網中途又睡著了,一睡醒來已經凌晨2點幾,唔知什麼事從睡夢中醒來,只知自己發了一個好夢~~~其實近期已經好耐冇發過夢,亦都好耐冇試過夢到呢個人,今次呢個夢境感覺好唔同,好平靜,果種其實感覺難以形容同解釋.....總之...夢醒令我諗起"生日快樂"呢套戲...好奇妙...真係好想搵人去解夢~~~

x'mas luck

年年都期待過嘅聖誕節轉眼就過去,今年公司冇搞x'mas party轉為24號放一日假,都好過冇啦...不過實則下午都去咗site做嘢....

23號自己部門開咗個lunch party,今年抽獎得到好多獎品獎金sponsor,結果18人,人人有份永不落空,最開心嘅係...我抽中Nokia E72 手電,開心死呀!

24號晚去咗吳生吳太屋企玩,今年雖然人少d,但一樣玩得好開心,份禮物仲為我帶來$50成為今年最好禮物...哈哈,估唔到今年年尾都得返小小luck,希望可以將d luck帶到2010年啦~~

差

時間過得真快,呼一聲又快踏入12月了,上年呢個時候天氣還未凍得13度,11月尾還班人去貝澳秋季大旅行,玩得好開心添!今年天氣好似沒有了"秋"的時節,由穿短袖衫一跳就跳到要穿大褸,衣櫃裡好幾件薄衣又要留待下年先用得著,恐怕過時了=.=

前兩個月好忍得手唔花$買衫,但今個月天氣一轉打開衣櫃見到一大堆舊衣,又想給自己一點獎勵換個新裝,去買個夠~~$真係好易花光,尤其是女人$$,一個weekend逛一逛已經花了一仟大元,買嘅都唔係衫褲,只係無無聊聊一些護膚品同食物....

11月完完全全被工作吞併了我的時間,晚晚11,12點行屍走肉咁拖住疲乏嘅身軀放工返家,明明好攰但又瞓得唔好,精神同睡眠質數差,好情自然差,整個人都悶悶不落,好想好好調節一下心理,點先可以有覺好瞓呢?.....

每週星座運程

整體運：☆☆☆☆
運勢很旺盛，對於未來的想法也漸漸有了明確的目標，只要不是太過遙遠，很多事情評估後就可以用心去作，相信以你的優秀能力一定可以完成！

愛情運
有對象：☆☆☆☆
愛情甜蜜，情人對你相當關心，你也可以感覺兩人可以一起共同度過危機。要以戀愛的態度面對兩個人的生活，將會越來越甜蜜！
單身者：☆☆
避免心情起伏過大，也要注意精神壓力。不要為瑣碎之事煩心，在人際關係方面的表現才可越來越好，但是要注意，不要因此而失去了自我。

健康運：☆☆
你會覺得有些疲累，導致心情不佳，提醒你還是適時休息一下吧！不然你會發現你身上所背的責任將會越來越重，面臨的事情也會越來越多

工作學業運：☆☆
心情不好時不要亂發脾氣。心情低落時可以暫時在工作方面休息一下下，以免造成更多的不順利。

幸運日：1107關心你的家人及享受他們給你的支持，這可以幫助你心情穩定，做事更加順心喔！

發霉日：1110不要給你的情人太大壓力，也不要令自己陷入鑽牛角的狀況當中。

轉載自[www.sina.com.hk]

出trip法國後感

9月10月忙得 頭煙,時間過得好快!
23/9-4/10經過十多日的法國之旅,人人聽見出trip法國,以為是閒情逸緻之旅,無可口非可以再到法國是一件難得事,但....箇中辛酸其實又有幾多人知吖?

撇除工作,可能是因為已到過法國好幾次,今次去相比起之前5月份去(5月份對上一次是2005年), 已經沒有了分秘必爭要重遊paris每個景點的興奮,況且今次整個行程時間編排是以工作為先,公司首次到歐洲開業而自己被派負責今次project,由在港作前期功夫到遠赴現場安排施工,呢個project參與部門眾多,怕自己做得不好且做不來,精神壓力好大,由出發第一日已染上流冒喉痛,原本5日藥就將藥劑拖慢服用,驚一連食完打後幾日沒有藥到怕自己支撐不住,加上連日晚出早歸嘅返工時間將生理時鐘完完全全打亂,睡眠不足加上病未癒,結果喉嚨勁痛臉上又長滿暗瘡....再加上當中又發生好多煩事要即時執生解決,連回程機位都幾乎安排不了,好彩最後都可以提早返港...anyway,現在總算可以鬆口氣~~

(待)

沒架子的CHI LAM

星期四晚在公司忙得一頭煙嘅時候,目光一轉嚇然見到老闆同Chi Lam同老婆靚靚隔住玻璃partition望住我地部門(好似在金魚缸被望嘅感覺一樣~.~),雖然只係離遠望見,但男嘅近期嘅鬚根look好型仔星味十足,女嘅沒上妝樣子就比較殘, 我自然反應禮貌地同佢地點頭,兩位都有點頭回應...

星期五晚又在OT時間上完樓上搵老闆,搭lift返落樓時在電梯大堂又見到chi lam,(相信又黎公司搵老闆)...我同另一同事同佢一齊入lift,大家目光上都有打招呼,我地主動問佢係咪搵老闆,佢反問應在那一層找到老闆,短短三兩句近距離對話,除咗被佢靚仔吸引住,還被佢嘅回應同眼神留下深刻印象,相信佢都應該係個沒有架子嘅人,感覺好nice~~

平日見余文樂上公司見得多,冇諗到一連兩晚都見到chi lam,聽說原來有同事都有搵佢合照,佢全無拒絕,大家對佢印象都係好評,連男同事都認同佢好charm好靚仔喎~~~哈哈...

現在諗返當時,都冇諗過好似其他同事搵佢影相,因為覺得謬謬然搵佢合照感覺好odd,可能...自己唔係老啦,冇咗o靚妹仔追明星影相嘅心態咯~~~

8月份

激氣呀!HR同事今日同我講上兩次入院嘅病假連續四日,要扣我20%人工喎!明明只係請咗三日半都要按醫生紙上嘅建議病假日期作準,早知係咁,果日連早上都唔返工啦!病本身已經唔想發生,而家仲要扣咗人工,唉...

喉嚨keep住痛咗三幾日,知道自己近期身子弱易受感染,趁今日放假就早早去咗睇醫生,冇錯,又再睇醫生!以免待到再感冒發燒先去睇,入院入到怕怕了~~~幸好今次只係一般輕微嘅啤呼吸道感染,希望病埋今次可以完完全全康復吧!

下午食過藥好眼瞓,瞓咗個好長嘅午睡,張開眼都已經係晚上7時半,感覺整個人好似充滿電一樣,好滿足~~

8月份話咁快就過咗大半,即係暑假好快會過去,秋天接著來臨,中秋國慶聖誕等節日接著跟隨...時間唔知係咪人大咗,覺得時間真係過得好快,好想每一日都可以過得慢d....

最近工作量開始又越來越多,樣樣都急樣樣都趕,基乎每日都做到抖不過氣,09年下半年都要過著這些日子,諗起都想嘔!

9月...生活上唔知會否有所不同呢?....等待...

小病是福嗎?

發高燒入院唔夠十日,早幾日又再發燒入院,半個月內連入兩次醫院,先來吊鹽水打針兼抽血,照肺兼做埋心電圖,左驗右驗最後係乜事都無,雖然針插到手都腫晒,d護士姐姐又認得我,但都叫求得個安心...thanks god! =.=

唉...自問身體一向並非叫好,但不至於差成咁,病....身心其實一d都唔好受!究竟自己今年係咪咗犯太歲呢?!出院後都怕自己再被街上悶熱嘅天氣同病菌感染,向公司申請兩日Home office,雖然冇返office,但手頭上堆積嘅工作仍是等我去做,所以一連幾日都乖乖留在家忙個死,額外嘅休息時間其實是冇多到~~

因為今次嘅病,令我在醫院留醫期間迫住早睡早起,早上無意中睇到一齣台劇"命中注定我愛你",一向都好少睇台劇韓劇,怕它節奏慢,但睇過幾集後覺得原來呢齣劇都幾好笑同感動...亦因為今次嘅病,呢個星期在家時間多咗,白天忙裡偷閒中可以繼續睇到電視播呢齣劇,還開始追看起來!於是整個weekend除咗食同瞓,其餘時間就將借返來嘅DVD一口氣看完...除咗好耐之前嘅日劇時代,真係好耐都冇試過咁煲劇嘞!其實睇完個故事,啟發咗我一些個人諗法,感覺有所領會呀~~~

可能睡眠時間多咗,呢兩晚都發咗個好長嘅夢,其中一個夢又係慣常性,其實好耐都冇夢見呢個人,每次夢到佢,醒來後都總會帶俾我不同嘅感覺,好奇妙!

希望今次嘅病真係小病是福啦~~

7月真係好倒霉

話咁快就到7月尾,忙著安排旅行,忙著公事,被麻煩路人甲的入侵,搞到7 月的生活突然變得緊張.....當中由期待終於可以放大假去旅行到後來所有planning都改變了,各方為著瑣事沒完沒了的爭吵,工作的壓迫,心情起落實在大得要命,原以為放假可以真正relax一下,$就用完了,但其實應該一點都沒有放鬆過,真係好想好想好想好想再放一個大假.....

禍不單行的是,早幾日無故一夜間發高燒到差不多104度,睇急症後轉送留醫吊鹽水,亦因之前外遊返港而被抽血驗這驗那,慶幸最後驗唔到有事,但就無辜被困醫院住咗兩晚,攰透之餘又放低晒手頭上的工作,下星期一返工就換來做個半死!有得選擇的話,真係情願返工日日OT好過~~=.=

7月真係好倒霉呀!....希望好事快d來啦~~

"不如不見"

ditto...

give me a breath

可唔可以俾我靜一靜呀?!我已經好煩架嘞....唔好再煩我啦唔該....

5 月update

woo...原來好耐冇update個blog了,5月份只係post過一次,最近真係身心都懶了...

眨眼09年又過了一半,自己年頭時定下想做的目標又好似無影無蹤...唯一有實行嘅就係每星期都抽兩小時去做運動,雖然實際上對keep fit沒太多幫助,但強迫自己假期早早起床去做做運動steam一steam,確實精神了,keep it up!

近幾個月,連串參加了幾個好朋友嘅婚宴,無論睇到當時人及其他身邊朋友心態上的轉變,確實又令自己了解自己多一點...

原本今年生日冇咩心情,所以冇打算慶祝,連同家人飯局都推卻了,只想靜靜地過...

但好開心生日前後收到好多朋友嘅sms祝福,真係好多謝佢地~~

今年生日真真正正冇收過一份禮物,連以往收到的,今年都靜止了......都好,也是自己所想的,完全終止了...

最近聽到一對好友起了感情嘅考驗,心裡不其然有點擔心,無論呢個變化是好是壞,當真正要面對同作出決定是一個苦事,但往往是給自己一個喘息的機會~~希望佢地好好面對,諗清楚自己想要的,開開心心過每一日...

為咗4 月嘅飲宴裝扮得好d,艱苦地把頭髮留了差不多大半年...忍了4個月,前兩日終於去剪髮了,雖然今次冇上兩年的勇氣再把頭髮剪得短短,只係剪了個較好女仔嘅髮型,感覺一樣開心滿意~~^.^

髮型師問:"點呀,剪唔剪短呀?"

答:"唔嘞,之前留得咁辛苦,今次剪短d但唔好似之前咁短就可以了"

問:"咁呀...one length啦好嘛?"

答:"hm..."

問:"唉,唔洗答嘞,我話事啦,一如以往,你唔好問我點剪嘞,就咁決定啦"

答:"=.+ 是但啦..."

其實...女人好多時都拿不定主意,始終都偏好有人幫自己揸主意,相信呢點我就係典型的一類...haha~~

Paris weather forecast~~

寵愛張國榮

***轉載自蘋果日報 - 生活名采 - 2009年04月05日 星期日寵愛張國榮http://appledaily.atnext.com/template/apple_sub/art_main.cfm?iss_id=20090405&sec_id=38167&subsec_id=38173&art_id=12603875&cat_id=11370645

寵 愛 張 國 榮 拍 戲 的 幕 後 工 作 人 員 稱 呼 我 「 姐 姐 」 ， 稱 呼 張 國 榮 「 哥 哥 」 ， 我 猜 想 他 們 也 許 認 為 我 們 兩 個 是 特 別 需 要 被 寵 愛 的 。 一 九 九 三 年 我 們 一 起 拍 《 東 邪 西 毒 》 和 《 射 鵰 英 雄 傳 之 東 成 西 就 》 ， 那 個 時 候 我 們 倆 都 住 在 灣 仔 的 會 景 閣 公 寓 ， 總 是 一 起 搭 公 司 的 小 巴 去 片 場 。 有 一 次 ， 在 車 程 中 他 問 我 過 得 好 不 好 ， 我 沒 說 上 兩 句 就 大 顆 大 顆 的 淚 珠 往 下 滾 ， 沉 默 了 幾 秒 ， 他 摟 著 我 的 肩 膀 說 ： 「 我 會 對 你 好 的 。 」 從 那 一 刻 起 ， 我 們 就 成 了 朋 友 。
二 零 零 三 年 三 月 的 一 個 晚 上 ， 我 吃 完 晚 飯 約 施 南 生 看 電 影 ， 她 說 她 剛 好 約 了 張 國 榮 看 電 影 ， 她 要 先 問 問 「 哥 哥 」 再 打 電 話 給 我 ， 我 心 裏 納 悶 ， 幹 嘛 要 先 問 他 ， 就 買 票 一 起 去 看 好 了 。
在 又 一 城 商 場 戲 院 門 口 的 樓 梯 上 方 ， 他 靠 在 牆 邊 對 我 微 笑 ， 那 笑 容 像 天 使 ， 我 脫 口 而 出 ： 「 你 好 靚 啊 ！ 」 他 靦 腆 的 說 剛 剪 了 頭 髮 。
我 們 看 的 是 《 紐 約 風 雲 》 ， 這 部 戲 太 殘 忍 、 太 暴 力 了 ， 我 看 得 很 不 舒 服 ， 散 場 走 出 戲 院 ， 他 摟 著 我 的 肩 膀 問 我 好 看 嗎 ? 我 搖 搖 頭 。 就 在 他 的 手 臂 搭 在 我 肩 膀 的 時 候 ， 我 被 他 震 抖 的 手 嚇 得 不 敢 作 聲 。 他 很 有 禮 貌 的 幫 我 開 車 門 ， 送 我 上 車 ， 在 我 正 對 他 那 異 於 往 常 的 紳 士 風 度 感 到 疑 惑 的 時 候 ， 他 已 經 關 上 了 車 門 。 總 覺 得 不 對 勁 ， 回 家 打 個 電 話 給 南 生 ， 問 她 Leslie （ 張 國 榮 的 英 文 名 字 ） 怎 麼 了 ， 她 說 ： 「 問 題 很 大 。 」 我 瞭 解 狀 況 之 後 ， 斷 定 他 得 的 是 憂 鬱 症 。 南 生 說 他 的 許 多 好 朋 友 試 了 各 種 方 法 ， 看 了 許 多 名 醫 都 沒 用 。 我 聽 說 大 陸 有 一 位 醫 生 不 管 你 生 什 麼 病 ， 只 要 用 他 的 針 一 扎 就 好 ， 希 望 能 說 服 他 去 試 一 試 。 那 段 時 間 正 是 非 典 沙 士 傳 染 最 盛 的 時 候 ， 所 以 就 把 這 事 給 擱 置 了 。 沒 想 到 從 此 以 後 ， 除 了 在 夢 中 ， 就 再 也 見 不 到 他 了 。
四 月 一 日 晚 飯 後 南 生 告 訴 我 Leslie 出 事 的 惡 耗 ， 我 搥 胸 頓 足 ： 「 為 什 麼 不 幫 他 安 排 ！ 為 什 麼 不 幫 他 安 排 ！ 」 其 實 也 不 知 道 那 位 醫 生 對 他 會 不 會 有 幫 助 ， 但 還 是 一 再 的 責 怪 自 己 。
Leslie 走 後 ， 幾 乎 每 一 位 朋 友 都 為 自 己 對 他 的 疏 忽 而 懊 惱 。 他 是 被 大 家 寵 愛 的 ， 他 也 寵 愛 大 家 。
歲 月 太 匆 匆 ， 轉 眼 之 間 他 走 了 六 年 了 ， 今 日 提 筆 寫 他 ， 腦 子 裏 泛 起 的 盡 是 他 那 天 使 般 的 笑 容 。

二 零 零 九 年 三 月 三 十 一 日

林 青 霞 （ 著 名 演 員 ）

END

6th Anniversary of 4.01

2009.04.01

不經不覺哥哥已離開6年了,呢6年正好印證了自己的經歷同成長......

03年
3月我遲了工,決定去英國讀書
4月1號哥哥離開了,傷心極了...同時間SARS在港爆發,fans個個帶著口罩也要到殯儀館送哥哥最後一程...
同年7月離開香港到了陌生的英國展開新生活,第一年912紀念晚會無法參加,只從網上得悉一切報導,好遺憾...
10月頭正式開學,從此開始了三個年頭家裡沒電視而靠日日上網得知香港一切的生活...
10月底學校study trip首次去了西班牙...
12月聖誕新年第一次去了法國意大利,第一次過了一個旁惶無助的平安夜...

04年
4月香港401活動亦錯過了,多謝親朋幫忙收集所有情報...
4月復活節期間第一次到了瑞士旅行,好開心...
6月尾開始放暑假,家人首次來英探我兼齊齊去法國,德國意大利旅行...
7月返港放暑假兼做freelance賺錢,多謝舊老闆關照...
9月終於可以參加04912紀念活動,好深刻...
10底放完假收拾情返英開學...
12月聖誕假去了愛爾蘭5天,隨後就埋頭苦幹為畢業論文博殺...

05年
3月復活節假期去了奧地利旅行...
4月401活動也錯過了,無奈但默默紀念哥哥...
6月尾終於完成所以課程,家人第二次來英為著出席我的7月的畢業典禮,同時第二次去瑞士及法國旅行,好開心...
7月家人出席我的畢業典禮,既開心又感動,感覺終於完成了自己的夢想...
7月底搬到朋友london市郊的家暫住搵工兼做freelance,生活十分寫意...
9月還在英國,無法參與05912活動,好可惜...同時決定返港生活...
10月26號離開生活咗兩年幾嘅英國返港,一切都已習慣,好唔捨得...
11月稍作生活調節去重新適應香港生活,12月開始搵工...
12月聖誕前夕去了上海出席朋友婚禮,好感動...

06年
2月正式上班,以為搵到份好工,開始了10個月的活在澳門"非人生活 ",過了每月工作時間超過400小時的地獄式訓練...回頭看,雖然刻苦但穫益良多...
4月401及9月912活動終於可以親身幫手做volunteer,感動感慨又感謝...
7月身心極度疲累,壓力過大,決定把頭髮剪短,感覺輕鬆了...
10底,心情低落,辭去了工作去了泰國布吉放放假,重新調整自己...再度遇上...
12月底收到現在公司offer,一月正式上班...

07年
1月開始返工一直到現在,感覺悶了...
4月參加了401紀念活動,陳奕迅出席支持,好感動 ...
9月912活動為哥哥慶祝忌辰,氣氛好但仍感慨萬分...
12月中去日本幫手為哥哥搞巡迴展覽,亦是第一次去日本...

08年
年頭姑丈離開了,好傷心...
3月30,31日去了有關哥哥的藝術生命回顧及研討會,聽到林夕對哥哥的相處點滴,好感動...
4月401去完Chanel mobile art exhibition就去了文華看大家送給哥哥的花海...再去紅館欣賞陳淑芬為紀念哥哥逝世5週年的"繼續寵愛音樂會",梁朝偉為哥哥唱"為妳鍾情"....大家對哥哥嘅寵愛,感動得流淚...
5月2日奧運傳遞聖火經過我家樓下,印象深刻...
6月去過柏麗灣後,愛上這個小島的環境...
9月912酒店慶祝哥哥忌辰,氣氛似乎沒有以往般傷感,但仍然思念...
7月中國第一次舉辦奧運...
10月頭,自05年英國後,舉家到北京旅行,十分難得...
10月開始,經歷工作上低潮期,灰心...
11月尾同班好友去大嶼山camping,開心又難忘...
12月感情落空,要從重新適應一個人,好down...

09年
3月好友1結婚嫁到台灣,既擔心又捨不得...
3月終於踏出第一步,實踐今年訂下之其中一個目標:定期做運動!
4月今年401本想靜靜懷念哥哥,不參與任何活動,依舊返工放工,可是晚上還是在文化中心音樂晚會散場前十分鐘趕到一看,見到現場坐無虛席男女老少,有專程早早排隊入場的公公婆婆,有路過的情侶,有唱片公司高層低調躲在一角欣賞,也林憶蓮倫永亮,就知道哥哥的魅力絲毫未減,六年來仍對他掛念非常…


唔知點解,多年來每每聽到哥哥的音樂響起,心仍是很酸很痛…每年401看著播放哥哥演出的畫面,眼淚總會忍不住流下……六年來,陪著我經歷人生改變同成長,感覺好深,好像已成為生活一部份…


送上這篇給哥哥作今年的紀念...
miss you much...

..................

近期唔開心,好想做運動,好想出一身汗,好想精精神神咁過每一日....好想開開心心!
心情好悶呀.................................................

星期天所感

轉眼3月將至,上年年尾想過訂下09年的目標還未有所動....何解?......$$是個好大問題!$並非萬能,但冇$原來真係萬萬不能~~好想好想做這做那,但往往這些那些就建基於$$...

同年齡層的人個個都在談置車置業去日本旅行,自己總是每月死慳死抵只維持到還$$同給家用,戶口總是不能滿足滿腦子的計劃,久而久之,生活越來越變得刻板了!......

還錢的路還很長,究竟要多久才可以走出這困局呢?如何改變一下自己的生活方面呢?

星期天,總是一天能讓自己好好反思一下,接著第二週的來臨......

perhaps...

Gradually became less outgoing & cheerful since last yr compared with past years in the UK, kinda returned to the mind of my school age...this is pity sad for myself...

Perhaps am getting old,
pehaps havent found my right tea,
perhaps environment is keeping changing but still what i am
perhaps my goal is blurred somehow
perhaps still wish to further explore
perhaps......

春天來臨了

終於等到星期六啦~~好好陽光嘅一朝,望出窗外,再望望個月曆,感受到春天終於來臨,原來2月4號年初十已經係立春咯,中國曆法真係犀利,幾千年黎時節都可以計算得準確,果然係有d料到!

牛年快樂

都唔明點解農曆新年都要倒數?!
but anyway, 希望09牛年大家都身體健康,快快樂樂!

完成目標的滿足感

最近在家時間多了,好想將無論新買回來的書或書架上的舊書一一完成,用上兩晚完成了一本舊散文,原來在一個時限內完成一個目標,係好有滿足感架~~~

09年要好好把其餘的書閱畢,努力努力!

hard disk certified!

今日的心情好忐忑,一方面為賣掉早前抽到的辭典機賺到仟幾蚊而高興,以為可以用來換到新手機,另一方面為著儲有全部讀書功課及工作portfolio嘅hard disk無故壞了而咀喪,心情由高點跌落谷底!!!@_@

如果要拎出去俾人整又要花上仟幾,仲唔可以肯定個hard disk救唔救得返~~花咗$仲係救唔返都唔係最慘,最慘係冇晒所有功課同job reference,真係唔知點算好!我情願冇抽過辭典機冇賺到$,我只想要返我個hard disk 翻生呀!!!!!唉....好唔開心呀!

ng sir飯局

今晚班姊妹約咗阿ng sir食飯團年兼派帖......
首先在wong chuk hang(wch)返咗兩年工,到今晚先發覺原來工作地點真係好遠架,由wch到tsuen wan唔塞車以搭巴士到cwb再轉mtr計,點到點最快都要花上一個鐘頭十五分鐘,真係十萬個唔方便呢!
除咗大口仔外,好開心我地五個可以一齊同ng sir見面,數數上次見都應該係三年前了,正好從uk返hk不久...大家連隨約定二月再同ng sir見面,真好~~

見到身邊幾個好友幸福嘅笑臉,真係替大家開心,sigh....希望自己來年都開開心心啦~~

不過有點唔好意思係ng sir嘅問候,竟然換來一個嚇親佢嘅反應!都係自己衰,真係失禮死人! =.=

新大佬走了

上星期五,新官上任不到三個月嘅阿頭終於被fire了,大家對佢坐不穩個位雖不感意外,但到事實要來時還是感到突然~~~HR阿姐早一日已突召我地幾個designers,通知大家翌日就會送走新"大佬",以便大家有心理準備短期內部門唔會再有manager,大家將要返回孤兒仔期:即所有事都直接同其他部門上級,甚至老闆交收...其實呢個模式早在上年年中開始大家早已習慣了,基本上同現在沒大分別,呢個亦係新大佬在角色上欠缺重要性同存在價值嘅原因!~~~~好一個架構怪怪的模式!

簡單講句,大家對呢個新大佬"未曾深愛已無情~~~

稱心滿意

忍咗三個月,今日終於去剪頭髮過新年!
三個月來每朝搞咗好耐都無法將頭髮弄得好睇嘅時候,經歷無數次想剪掉頭髮嘅內心掙扎,今日終得鬆口氣,剪得一頭好髲,keep到長度之餘又可以剪得有"形",唔洗為咗留長而搞到到一個"蓋"咁!

剪頭髮總是令我開心的,喜歡呢種感覺....^.^

領會

一連幾晚睇咗個電視節目"我的2008",有所感受:

其中一集講到欣宜講述同媽咪嘅母女情,對媽咪嘅離開嘅感受,內容好感動,欣賞到欣宜即使面對痛失至親同要面對承受群眾壓力,以佢嘅年紀將整件事處理得好同堅強面對往後自己成長嘅路,實在唔容易..........欣宜嘅懂事,樂觀同堅強,令我開始對佢改觀了...祝佢生活得愉快!

今晚一集係1996年八仙嶺山火後生還者,雖然佢身體60%皮膚被燒傷以致身體殘缺,但12年後嘅今日學有所成之餘,仍然堅強積極面對人生立志成為社工去回饋社會,呢份毅力亦非一般人所能做到......

從呢兩個真人真事又remind我久遺了嘅體會...其實自己真係好渺小,凡事跳遠點去看呢個世界,唔好用放大鏡去睇自己嘅煩惱,珍惜眼前所擁有的,一切自然能夠寬容面對!

但願人人歡樂無憂...............

放心

我okay,放心.

nyeve'08

最終都過咗一個好平靜嘅new yr eve .