澳門海擎天特約廣告集誌

嘩...好嘢!昨晚miss咗,今晚終於看到自己個仔出世嘞!!

之前在澳門做咗8個月嘅樓盤海擎天,在TVB今個星期一連五晚11pm的廣告集誌內播出,名為"澳門海擎天特約：享受澳門生活至高點",原來就係之前有次同個客開會時見到蔡瀾,相討有關贊助同宣傳事宜果個節目~~個節目由阿蔡生負責介紹澳門新生活同當然主打為個樓盤賣廣告啦!...但可惜段片一分鐘,但自己個仔>>>全個場景包括兩個示範單位,前後播出都不到三十秒!好彩都拍得不錯,不枉我日行夜行行足個幾月為個單位裝飾同陳設~~~雖然個job已經完成同已經離開呢間公司,但現在切切實實咁看到公開面世,賣廣告兼放盤,日日不段有人參觀,果種滿足感真係無比興奮同難以形容,努力了8個月的成果實在沒白費!亦都給自己證明當初做到好咀喪嘅工作低潮期,人人問為何不辭工,自己仍堅持要把這個job完成才安心辭職的決定是對的!!為此,曾經質疑過自己對這份工的執著同堅持,質疑這是對與錯,質疑自己的工作能力同信心...今晚之後,答案統統都解開了,感覺輕鬆了!

話說回頭,離開這公司後一直都不敢對自己承認對這份工的喜惡同眷戀,大抵是它在工作上為我帶來了我很大的滿足感罷...又愛又恨呢!今日下午又因為它,還收到好久沒聽到"陳小姐"的稱呼呢,感覺好親切呀!