維園工展會

雖然昨日係boxing day,但似乎收唔到想收嘅禮物~~
人大咗真係唔係好捱得夜,所以昨日都係乖乖留在家休息下,反而今日同咗媽咪阿哥同埋佢女友去咗行工展會(實在係一個意想不到嘅組合)!可能今日仲係紅假,超多人呀！簡直有種感覺自己行緊年宵咁!加上返黎咁耐都盡量避免行咁擠擁嘅地方,搞到一邊行一邊鼻敏感發作,摔到鼻都紅晒,真攞命!

行到一個有工展小姐嘅擋攤,嚇然發現果個家陣晚晚睇刑事都會見到佢嘅海俊傑企定定幫手拉票喎,佢似乎覺得好多人會認得佢咁,當正自己係生招牌多過位工展小姐~~~