又話會好凍嘅?!只係夜晚feel到些小涼意,凍極都市計畫有成十幾度,尤其在旺角鬧市人多車多,溫度都同平日差唔多!都詭人嘅~~
昨日終於約埋幾個中學同學仔返去過咗5年嘅TTC探下d阿Sir同Miss,其實主打都係"伍蛇",其他係其次(哈!咁講好似好偏心!)...搭巴士入大興雖然車程唔係好耐,但就搭到好想嘔兼頭暈!可能呢兩年在UK時少搭巴士代步,近則行,遠則搭火車同tube,發覺而家唔係好搭得車,搭兩下就頭暈反胃,真係"水皮"!
言歸正傳,今次返到TTC,感覺好唔同,似陌生而新鮮,但又似曾相識嘅感覺,怪怪的~~淨係講個校舍都已經面目全非,增設咗成幢新翼,好多新設施同科目配合發展之餘,連花草樹木都生息不少...唉,而家d學生真係幸福好多!
以前教過自己嘅老師,大部份都依舊任教,有後生咗亦有老咗,雖然佢地對我地只係依稀有印象,已經講唔出我地個名了,但見番佢地,感覺好開心,因為見到佢地往往令我諗起焦無憂無慮嘅5年中學生活!
No comments:
Post a Comment