離....開了

上星期過得好快好快,快到自己都唔知五天工作日裡忙過乜~~ 工作以外就記得睇咗兩次醫生!

星期一下午收到媽咪通知,姑丈住院兩星期,終於敵不過病魔.....離開了...收線後,心一沉,整個下午冇辦法集中精神工作,一諗到三日前先去過醫院探過姑丈,希望佢可以早日出院回家過年,估唔到三日後就...離開了,來得太突然....心好唔舒服呀~~最傷心的莫過於姑媽,失去咗一個同自己走過幾十個年頭嘅最愛,果種痛....一定難受無比!....如今要姑媽一個人去面對,好擔心佢無辦法去承受呢個打擊,一諗到呢度......呆坐在位,兩行眼淚就忍唔住流,結果整個下午就乜都冇做過....

其實由細到大,姑姑媽丈都好錫我地四兄弟姊妹,能夠由四年前變到有今日嘅我,佢地都係兩個其中重要嘅人,真係好多謝同感激佢地,總之一切盡在不言中......

may he rest in peace.