話咁快5日假期就過了,感覺好似冇做過些什麼有意義的事~~
好多朋友仔都出外旅行,對於近期財政緊拙的我,當然是疊埋心水留港消費...
數數原來5日假期裡只有兩日是約朋友出行街,其餘三日都是與家人過...(雖然休息時間多了,但好似好悶呢!)=.=
放假前一早同自己plan好schedule要好好利用,但原來5日真是好快過...訂好要做的到最後還是未做,激死!...好似立下決心要執好房間,明天要返工了,到現在還是原封不動!...又好似想逛下波鞋街買對新鞋仔,但又因為懶自己一個人逛街,結果又得個想字!...還有想好好清理一下電腦的files,但日日開著它只掛著上網surfing...唉!唯一有付諸實行的,就是決心去剪了把看得不順眼,想留又不留的頭髮!原來要由好短頭髮留長的階段,真是一件很難的事~~只是想稍稍留長一點都動不動想將它剪掉,睇怕我真的不會留長髮了!若要變成事實,想必是為了某人某事才拿得出這份耐心......
No comments:
Post a Comment