近兩星期可以用三個字形容"忙忙忙"!~
一直同外間一般人一樣覺得做inhouse design一定"hea"好多,但做咗呢份工之後,真係發覺其實都唔係,至少呢幾個月未試過游手好閒,工作量有時最多都只可形容為...中等!較鬆動時叫一單接一單,忙的時候就好似近期一個人同時handle四五間舖,實在做到冇停手,早幾晚一連趕工ot,晚晚又貪心想趕返屋企睇電視劇,就情願拎晒未做完的工作返屋企做,迫不得已的三幾晚就留在公司ot,最夜試過11點幾先收工~~雖然比起上一份工,做到11點幾都唔算得係咩,但...真係頓時有種感覺自己的生活好似返到去一年前一樣,晚晚帶著永疲乏的身軀回家!!sigh.....i dont wanna go backto the hell~~>_!
早陣子記得自己講過,有晚無意中聽到伊健的"感激我遇見"而想起好多往事...哈,估唔到今日又咁啱案件重演喎!下午在harbour city聽到鋼琴王子彈奏出久遺了的"甘心替代你"...又係伊健喎!以前有一期佢的歌好hit,演古惑仔演到街頭巷聞,數數手指都十年了,唔認老都唔得~~原來好耐冇聽一首歌,突然再聽,感覺係特別好聽架~~下次有同一感覺出現,唔知會唔會又係伊健的歌呢?
No comments:
Post a Comment