悶悶悶

近期除咗見工, 大部份時間都o係屋企, 小花而家日間交俾女麻女麻湊, 好多時間都分擔幫手睇住佢, 好想出街周圍去下但又費事出街花$,所以其實都好悶好悶好悶好悶................................................

近期聽見身邊兩個年屆三十中嘅單身男性朋友,都概嘆自己仲未搵到gf同想快D成家立室, 呢點自己覺得有d surprise, 因為而家HK多數談論嘅係女多男少, 呢個年紀多是女人怕搵唔到bf或嫁不出...後來就諗諗自己朋友埋中可有撮合對象介紹, 不過知道各人性格又好似不太合適, 而且做中間人介紹呢樣嘢又好似有d麻煩, 介紹得好就好, 唔合適就好似累咗朋友...所以都係算吧啦~~

Interview

O~話明天待續又待咗差不多十多日...轉眼又十多日,時間真係過得快,從前好想時間過得快,反而而家人大了,就想時間可以慢慢渡過....@.@

呢兩星期IN咗幾份工,一份想入但Backgrd唔match,所以應該冇機 ;
另一份間公司本來都幾Ideal, 係一間好嘅踏腳石,但如果請我就要降grade+勁OT,年紀大咗又唔想返返去以前晚晚捱夜嘅生活, 所以就算請都要再諗清諗楚...
另外一份係...要成日返大陸, job nature同approach跟IT差不多,預計做managment coordination多於designing,長遠計career path應該唔錯,但諗返自己當初quit嘅原因似乎有conflict,唔太適合自己,怕take this path就更難返轉頭了...

有時諗好想快D搵到工,但又唔想為咗$同快D有工返就求其搵份唔啱嘅工,然後不久又轉工......不過如果再選擇,機會又唔知會幾時來, 同越來越拮据,冇$洗都係一個大問題....唉.....其實係咪自己太demanding呢?!.....諗唔通...

long time no seeeee

好好好好耐冇update個blog喇,對上一篇已經係上年9月嘅事!! 打從fb hit起後,多數時間都花在那裡留低一句半句,就連msn都冇log in好耐好耐......趁今晚又瞓唔著,就來寫一趟.....

不經不覺冇做工有7個多月,wow....自出黎做工以來都未試過放過一個咁長嘅假期,自己諗起呢個數字都覺得有d誇張呀!...睇返上篇話自己好想趁呢個假期好好整頓一下自己嘅生活模式,再諗起過去7個月有幾多想法得到結論,有幾多個計劃確實實踐到出來,原來....好似胡胡混混浪費了!=.=

想去去旅行...總叫去了一趟
想做lasik...總叫做了,但效果不好
想好好執拾房間同重整電腦back up....雜物總叫執過但總係同未執分別不大
想改變一下遲睡早起習慣從而調整好身子....總是嚐試但始終改變不到
想試試多做運動...總係冇行動
想從沒工作壓力下學習放鬆自己...身心總係越想放鬆就越難達到,反而頻頻失眠
還有好多想想.....明晚待續~~

9月

今晚...同班好友食飯,話題中突然提起我冇update個blog...哈...唔提起,我差d真係唔記得自己仲有個blog! 於是提起勁,一於來update一篇....

原來...有3個幾月冇update過了,睇返上篇原來係剛遞上辭職信嘅心情,期望有個新開始事事順利...但呢幾個月原來一點不好過,八九月份更忙得要命!!當中嘅辛酸壓力,不足為外人道,好想一口氣宣洩出來,但每每想到要從頭過來同朋友道出因由,實是不想提,情願慳返一口氣去休息一下...好多時諗明明自己6月已經何解遞咗信,何解得來嘅過程還要比返工更咀咒呢?!...怪的都只怪自己太執著事事太上心....完成10月中嘅工作,其實自己目前最應要做嘅唔係搵工,而係學習自我調節,學懂"放開"...原來自己嘅EQ係相當次低, 唔知邊度有得學EQ增值呢?

回想一年多前嘅我,習慣依賴,知道總有一雙耳朵會聽著自己訴這說那,到而家雖知耳朵還樂意聽, 但感覺應該不一樣了...

每週運程

整體運：☆☆
忙碌的情況依然沒有改變，自己心情也不是很好，不如偷閒出去旅遊一下，不要讓自己太過於緊張和心情疲憊。

愛情運
有對象：☆☆☆☆
愛情順心如意而且你對兩人的發展相當滿意。雖然偶有爭執和一些小爭吵，但不會影響你和他談戀愛的好心情
單身者：☆☆☆☆
不如請個假期讓自己好好休息度假！最近戀愛運佳，和異性之間的互動機會多多，與心目中暗戀的他相處的機會也不少喔。
健康運：☆☆☆
事事小心而追求完美，計畫很多而且相當努力的你，有時候會太過於吹毛求疵，讓自己感覺壓力太大，其實是自己的個性所造成的。
copied from SINA.com

返來update一下

真係好耐冇update個blog了,上一篇已經係三個月前嘅事....
前年工作忙,上年工作都忙,今年工作更忙....唉!

近兩三年往往總係給自己一堆理由推遲了某些決定,到了今年30歲生日,感覺自己踏上了人生另一個階段,是時候停一停,認真想想幾年來工作工作再工作嘅生活模式,想清楚自己所想要的,好好計劃一下自己未來嘅路向,因為畢竟都三字頭了,唔想繼續過目前只有工作的生活,想過一些生活模式.....

思前想後,失眠了好幾晚....終於給了自己一份勇氣, 6月1號遞上辭職信,雖然因此給公司精神勞役了幾天,但當晚遞完信,心情真係輕鬆了一萬倍,就好似放低了十噸重石頭一樣,即時有覺好瞓,自己都估唔到原來辭職嘅勇氣係有咁大影響...

未搵工先辭工,確實好冒險,以前就係被"萬一","如果"之類嘅擔憂一直拖著走,如今任性一次,原來outcome都ok吖,至少令自己輕鬆咗~~

希望一切順順利利啦!

2010年星座

2010年是金牛座向外拓展、開敞心胸的一年。

★★★今年金牛座財運方面，可能只有持平了，收入不夠理想而支出又比預期多，現實面的壓力，或許可以變成努力的動力，但是妳會感到出賣勞力的日子很難熬。金融投資方面的運勢，也只能說尚可，沒有特殊的賺頭，有點望洋興嘆的感覺！
★★★金牛座今年愛情運勢普普，雖然本身仍然不太熱中，現實面的問題是妳較為在意的，然而土星的移位離開也讓妳比較能夠放得開，衿持度沒那麼強了，至少樂於被動的回應。有伴侶的妳：比較肯面對關係和伴侶，經營兩人的共同生活，但不太有情調！單身的妳：隨著人脈拓展，人緣和桃花也有增加，放得開機緣就會來到！
★★★金牛座這一年在工作方面的壓力頗大，有些原因是職場本身的業務繁忙，另外是個人有需求，所以得聽命於工作。妳可能時常倦怠，逃避壓力很想休息，容易半途而廢，衝到一半卻不再衝了。土星離開土象星座，頓失依靠和無力不安全感，如今終於習慣一切靠自己，不能憑運氣、看狀況，最後還是會勉力支撐下去的。

轉載自SINA.com

夢續

短短一個月,再發關於同一個人嘅夢,好不可思議呀...

今早亦6,7時已經醒過來(好少有weekend放假都可以咁早醒!!),清楚記得自己個夢,醒咗再瞓過,以為呢個夢發完,誰不知瞓著可以返到個夢延續,真係好神奇...10時再醒了,覺得好似肩頸關節痛起來同好攰,似係做過一輪苦力一樣但心情總好似輕鬆了,...於是決定起床,免得自己再入夢了~~~

究竟個夢想帶d咩信息俾我呢?真係百思不得其解....
睇o黎,我真的需要一個人幫我夢解呀..........

夢

好奇怪,短短三小時嘅小睡可以為我帶來一點愉快...

昨晚11點多上網中途又睡著了,一睡醒來已經凌晨2點幾,唔知什麼事從睡夢中醒來,只知自己發了一個好夢~~~其實近期已經好耐冇發過夢,亦都好耐冇試過夢到呢個人,今次呢個夢境感覺好唔同,好平靜,果種其實感覺難以形容同解釋.....總之...夢醒令我諗起"生日快樂"呢套戲...好奇妙...真係好想搵人去解夢~~~

x'mas luck

年年都期待過嘅聖誕節轉眼就過去,今年公司冇搞x'mas party轉為24號放一日假,都好過冇啦...不過實則下午都去咗site做嘢....

23號自己部門開咗個lunch party,今年抽獎得到好多獎品獎金sponsor,結果18人,人人有份永不落空,最開心嘅係...我抽中Nokia E72 手電,開心死呀!

24號晚去咗吳生吳太屋企玩,今年雖然人少d,但一樣玩得好開心,份禮物仲為我帶來$50成為今年最好禮物...哈哈,估唔到今年年尾都得返小小luck,希望可以將d luck帶到2010年啦~~

差

時間過得真快,呼一聲又快踏入12月了,上年呢個時候天氣還未凍得13度,11月尾還班人去貝澳秋季大旅行,玩得好開心添!今年天氣好似沒有了"秋"的時節,由穿短袖衫一跳就跳到要穿大褸,衣櫃裡好幾件薄衣又要留待下年先用得著,恐怕過時了=.=

前兩個月好忍得手唔花$買衫,但今個月天氣一轉打開衣櫃見到一大堆舊衣,又想給自己一點獎勵換個新裝,去買個夠~~$真係好易花光,尤其是女人$$,一個weekend逛一逛已經花了一仟大元,買嘅都唔係衫褲,只係無無聊聊一些護膚品同食物....

11月完完全全被工作吞併了我的時間,晚晚11,12點行屍走肉咁拖住疲乏嘅身軀放工返家,明明好攰但又瞓得唔好,精神同睡眠質數差,好情自然差,整個人都悶悶不落,好想好好調節一下心理,點先可以有覺好瞓呢?.....

每週星座運程

整體運：☆☆☆☆
運勢很旺盛，對於未來的想法也漸漸有了明確的目標，只要不是太過遙遠，很多事情評估後就可以用心去作，相信以你的優秀能力一定可以完成！

愛情運
有對象：☆☆☆☆
愛情甜蜜，情人對你相當關心，你也可以感覺兩人可以一起共同度過危機。要以戀愛的態度面對兩個人的生活，將會越來越甜蜜！
單身者：☆☆
避免心情起伏過大，也要注意精神壓力。不要為瑣碎之事煩心，在人際關係方面的表現才可越來越好，但是要注意，不要因此而失去了自我。

健康運：☆☆
你會覺得有些疲累，導致心情不佳，提醒你還是適時休息一下吧！不然你會發現你身上所背的責任將會越來越重，面臨的事情也會越來越多

工作學業運：☆☆
心情不好時不要亂發脾氣。心情低落時可以暫時在工作方面休息一下下，以免造成更多的不順利。

幸運日：1107關心你的家人及享受他們給你的支持，這可以幫助你心情穩定，做事更加順心喔！

發霉日：1110不要給你的情人太大壓力，也不要令自己陷入鑽牛角的狀況當中。

轉載自[www.sina.com.hk]

出trip法國後感

9月10月忙得 頭煙,時間過得好快!
23/9-4/10經過十多日的法國之旅,人人聽見出trip法國,以為是閒情逸緻之旅,無可口非可以再到法國是一件難得事,但....箇中辛酸其實又有幾多人知吖?

撇除工作,可能是因為已到過法國好幾次,今次去相比起之前5月份去(5月份對上一次是2005年), 已經沒有了分秘必爭要重遊paris每個景點的興奮,況且今次整個行程時間編排是以工作為先,公司首次到歐洲開業而自己被派負責今次project,由在港作前期功夫到遠赴現場安排施工,呢個project參與部門眾多,怕自己做得不好且做不來,精神壓力好大,由出發第一日已染上流冒喉痛,原本5日藥就將藥劑拖慢服用,驚一連食完打後幾日沒有藥到怕自己支撐不住,加上連日晚出早歸嘅返工時間將生理時鐘完完全全打亂,睡眠不足加上病未癒,結果喉嚨勁痛臉上又長滿暗瘡....再加上當中又發生好多煩事要即時執生解決,連回程機位都幾乎安排不了,好彩最後都可以提早返港...anyway,現在總算可以鬆口氣~~

(待)

沒架子的CHI LAM

星期四晚在公司忙得一頭煙嘅時候,目光一轉嚇然見到老闆同Chi Lam同老婆靚靚隔住玻璃partition望住我地部門(好似在金魚缸被望嘅感覺一樣~.~),雖然只係離遠望見,但男嘅近期嘅鬚根look好型仔星味十足,女嘅沒上妝樣子就比較殘, 我自然反應禮貌地同佢地點頭,兩位都有點頭回應...

星期五晚又在OT時間上完樓上搵老闆,搭lift返落樓時在電梯大堂又見到chi lam,(相信又黎公司搵老闆)...我同另一同事同佢一齊入lift,大家目光上都有打招呼,我地主動問佢係咪搵老闆,佢反問應在那一層找到老闆,短短三兩句近距離對話,除咗被佢靚仔吸引住,還被佢嘅回應同眼神留下深刻印象,相信佢都應該係個沒有架子嘅人,感覺好nice~~

平日見余文樂上公司見得多,冇諗到一連兩晚都見到chi lam,聽說原來有同事都有搵佢合照,佢全無拒絕,大家對佢印象都係好評,連男同事都認同佢好charm好靚仔喎~~~哈哈...

現在諗返當時,都冇諗過好似其他同事搵佢影相,因為覺得謬謬然搵佢合照感覺好odd,可能...自己唔係老啦,冇咗o靚妹仔追明星影相嘅心態咯~~~

8月份

激氣呀!HR同事今日同我講上兩次入院嘅病假連續四日,要扣我20%人工喎!明明只係請咗三日半都要按醫生紙上嘅建議病假日期作準,早知係咁,果日連早上都唔返工啦!病本身已經唔想發生,而家仲要扣咗人工,唉...

喉嚨keep住痛咗三幾日,知道自己近期身子弱易受感染,趁今日放假就早早去咗睇醫生,冇錯,又再睇醫生!以免待到再感冒發燒先去睇,入院入到怕怕了~~~幸好今次只係一般輕微嘅啤呼吸道感染,希望病埋今次可以完完全全康復吧!

下午食過藥好眼瞓,瞓咗個好長嘅午睡,張開眼都已經係晚上7時半,感覺整個人好似充滿電一樣,好滿足~~

8月份話咁快就過咗大半,即係暑假好快會過去,秋天接著來臨,中秋國慶聖誕等節日接著跟隨...時間唔知係咪人大咗,覺得時間真係過得好快,好想每一日都可以過得慢d....

最近工作量開始又越來越多,樣樣都急樣樣都趕,基乎每日都做到抖不過氣,09年下半年都要過著這些日子,諗起都想嘔!

9月...生活上唔知會否有所不同呢?....等待...

小病是福嗎?

發高燒入院唔夠十日,早幾日又再發燒入院,半個月內連入兩次醫院,先來吊鹽水打針兼抽血,照肺兼做埋心電圖,左驗右驗最後係乜事都無,雖然針插到手都腫晒,d護士姐姐又認得我,但都叫求得個安心...thanks god! =.=

唉...自問身體一向並非叫好,但不至於差成咁,病....身心其實一d都唔好受!究竟自己今年係咪咗犯太歲呢?!出院後都怕自己再被街上悶熱嘅天氣同病菌感染,向公司申請兩日Home office,雖然冇返office,但手頭上堆積嘅工作仍是等我去做,所以一連幾日都乖乖留在家忙個死,額外嘅休息時間其實是冇多到~~

因為今次嘅病,令我在醫院留醫期間迫住早睡早起,早上無意中睇到一齣台劇"命中注定我愛你",一向都好少睇台劇韓劇,怕它節奏慢,但睇過幾集後覺得原來呢齣劇都幾好笑同感動...亦因為今次嘅病,呢個星期在家時間多咗,白天忙裡偷閒中可以繼續睇到電視播呢齣劇,還開始追看起來!於是整個weekend除咗食同瞓,其餘時間就將借返來嘅DVD一口氣看完...除咗好耐之前嘅日劇時代,真係好耐都冇試過咁煲劇嘞!其實睇完個故事,啟發咗我一些個人諗法,感覺有所領會呀~~~

可能睡眠時間多咗,呢兩晚都發咗個好長嘅夢,其中一個夢又係慣常性,其實好耐都冇夢見呢個人,每次夢到佢,醒來後都總會帶俾我不同嘅感覺,好奇妙!

希望今次嘅病真係小病是福啦~~

7月真係好倒霉

話咁快就到7月尾,忙著安排旅行,忙著公事,被麻煩路人甲的入侵,搞到7 月的生活突然變得緊張.....當中由期待終於可以放大假去旅行到後來所有planning都改變了,各方為著瑣事沒完沒了的爭吵,工作的壓迫,心情起落實在大得要命,原以為放假可以真正relax一下,$就用完了,但其實應該一點都沒有放鬆過,真係好想好想好想好想再放一個大假.....

禍不單行的是,早幾日無故一夜間發高燒到差不多104度,睇急症後轉送留醫吊鹽水,亦因之前外遊返港而被抽血驗這驗那,慶幸最後驗唔到有事,但就無辜被困醫院住咗兩晚,攰透之餘又放低晒手頭上的工作,下星期一返工就換來做個半死!有得選擇的話,真係情願返工日日OT好過~~=.=

7月真係好倒霉呀!....希望好事快d來啦~~

"不如不見"

ditto...

give me a breath

可唔可以俾我靜一靜呀?!我已經好煩架嘞....唔好再煩我啦唔該....

5 月update

woo...原來好耐冇update個blog了,5月份只係post過一次,最近真係身心都懶了...

眨眼09年又過了一半,自己年頭時定下想做的目標又好似無影無蹤...唯一有實行嘅就係每星期都抽兩小時去做運動,雖然實際上對keep fit沒太多幫助,但強迫自己假期早早起床去做做運動steam一steam,確實精神了,keep it up!

近幾個月,連串參加了幾個好朋友嘅婚宴,無論睇到當時人及其他身邊朋友心態上的轉變,確實又令自己了解自己多一點...

原本今年生日冇咩心情,所以冇打算慶祝,連同家人飯局都推卻了,只想靜靜地過...

但好開心生日前後收到好多朋友嘅sms祝福,真係好多謝佢地~~

今年生日真真正正冇收過一份禮物,連以往收到的,今年都靜止了......都好,也是自己所想的,完全終止了...

最近聽到一對好友起了感情嘅考驗,心裡不其然有點擔心,無論呢個變化是好是壞,當真正要面對同作出決定是一個苦事,但往往是給自己一個喘息的機會~~希望佢地好好面對,諗清楚自己想要的,開開心心過每一日...

為咗4 月嘅飲宴裝扮得好d,艱苦地把頭髮留了差不多大半年...忍了4個月,前兩日終於去剪髮了,雖然今次冇上兩年的勇氣再把頭髮剪得短短,只係剪了個較好女仔嘅髮型,感覺一樣開心滿意~~^.^

髮型師問:"點呀,剪唔剪短呀?"

答:"唔嘞,之前留得咁辛苦,今次剪短d但唔好似之前咁短就可以了"

問:"咁呀...one length啦好嘛?"

答:"hm..."

問:"唉,唔洗答嘞,我話事啦,一如以往,你唔好問我點剪嘞,就咁決定啦"

答:"=.+ 是但啦..."

其實...女人好多時都拿不定主意,始終都偏好有人幫自己揸主意,相信呢點我就係典型的一類...haha~~